ຍິນດີ​ ທ່ານ ລັນ ແສງອາພອນ ໄດ້ເປັນຮອງລັດຖະມົນຕີກະຊວງ ຍທຂ

ພິທີປະກາດການໂຍກຍ້າຍ ແລະ ແຕ່ງຕັ້ງພະນັກງານຂັ້ນຮອງລັັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ) ວັນທີ 12 ເມສາ 2021 ທີ່ກະຊວງດັ່ງກ່າວ ໃຫ້ກຽດເຂົ້າຮ່ວມຂອງທ່ານ ວຽງສະຫວັດ ສີພັນດອນ ລັດຖະມົນຕີກະຊວງ ຍທຂ

ມີຫົວໜ້າຫ້ອງການ ບັນດາຫົວໜ້າກົມ ສະຖາບັນ ຄະນະຄຸ້ມຄອງໂຄງການ ລັດວິສາຫະກິດ ແລະ ຫົວໜ້າພະແນກອ້ອມຂ້າງກະຊວງເຂົ້າຮ່ວມ.

ໃນພິທີທ່ານ ວຽງທອງ ສິງຄໍາພັນ ຮອງຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ ໄດ້ຜ່ານຄໍາສັ່ງໂຍກຍ້າຍພະນັກງານການນໍາໄປຮັບໜ້າທີ່ໃໝ່ວ່າ: ອີງຕາມມະຕິກົມການເມືອງສູນກາງພັກ ສະບັບເລກທີ 031/ກມສພ ວ່າດ້ວຍວຽກງານຄຸ້ມຄອງພະນັກງານ

ອີງຕາມການຕົກລົງໃນກອງປະຊຸມຄະນະເລຂາທິການສູນກາງພັກ ຄັ້ງວັນທີ 29 ມີນາ 2021 ແລະ ອີງຕາມໜັງສືສະເໜີຂອງຄະນະຈັດຕັ້ງສູນກາງພັກ ສະບັບເລກທີ 116/ຄຈສພ ລົງວັນທີ 1 ເມສາ 2021 ຄະນະເລຂາທິການສູນກາງພັກ ອອກຄໍາສັ່ງໂຍກຍ້າຍທ່ານ ສັນຕິສຸກ ສິມມະລາວົງ ກໍາມະການຄະນະພັກກະຊວງ ຍທຂ ໄປຮັບໜ້າທີ່ໃໝ່ຢູ່ກະຊວງເຕັກໂນໂລຊີ ແລະ ການສື່ສານ

ພ້ອມນັ້ນ ໄດ້ຜ່ານລັດຖະດໍາລັດຂອງນາຍົກລັດຖະມົນຕີ ວ່າດ້ວຍການແຕ່ງຕັ້ງຮອງລັດຖະມົນຕີກະຊວງໂຍທາທິການ ແລະ ຂົນສົ່ງ

ສະບັບເລກທີ 281/ນຍ ລົງວັນທີ 2 ເມສາ 2021 ນາຍົກລັດຖະມົນຕີອອກດໍາລັດແຕ່ງຕັ້ງທ່ານ ລັນ ແສງອາພອນ ເປັນຮອງລັດຖະມົນຕີກະຊວງ ຍທຂ.

About admin

Check Also

ແຊ໌ຕໍ່ ຈຳຄຸກ ຍິງໄວ 36 ປີ ຖານຄອບຄອງອາວຸດ

ຈຳຄຸກ ຍິງໄວ 36 ປີ ຖານຄອບຄອງອາວຸດ. ໃນວັນທີ 16 ສິງຫາ 2022, ສານປະຊາຊົນນະຄອນຫຼວງວຽງຈັນ ໄດ້ພິຈາລະນາຕັດສິນ ຈຳຄຸກ ນາງ ຝົນ ອາຍຸ …

Leave a Reply

Your email address will not be published.