Related Articles
ທະນາຄານໂລກ ລາຍງານວ່າ ຖ້າສະພາບການໂຄວິດ ໃນທົ່ວໂລກ ສືບຕໍ່ແກ່ຍາວອອກໄປ ຈົນຮອດ ທ້າຍປີ 2020, ສປປ ລາວ ຈະສູນເສຍລາຍຮັບຈາກການທ່ອງທ່ຽວ ມູນຄ່າ 500 ລ້ານໂດລ້າສະຫະລັດ ຫຼືປະມານ 2.7% ຂອງ GDP.
ຜົນກະທົບຂອງການແຜ່ລະບາດໂຄວິດ-19 ໃນທົ່ວໂລກ ຍັງສົ່ງຜົນໃຫ້ ພາກທຸລະກິດ ທີ່ຕິດພັນກັບການທ່ອງທ່ຽວ ຢູ່ ສປປ ລາວ ໂດຍສະເພາະແມ່ນ ໂຮງແຮມ ແລະ ຮ້ານອາຫານ ຊຶ່ງກວມເອົາ 11% ແລະ 22% ຂອງວຽກ ໃນຕົວເມືອງໃຫຍ່ ແລະ ຄາດວ່າ ຈະໄດ້ຮັບຜົນກະທົບຫຼາຍຂຶ້ນຕື່ມ ພາຍຫລັງເປີດສົກຮຽນໃໝ່ ວັນທີ 01/09 ເປັນຕົ້ນໄປ.
ສະຖາບັນຄົ້ນຄວ້າ ເສດຖະກິດແຫ່ງຊາດ ລາຍງານວ່າ ໃນ 6 ເດືອນຕົ້ນປີ 2020, ຈໍານວນນັກທ່ອງທ່ຽວ ທີ່ເຂົ້າມາລາວ ຫຼຸດລົງ 60% ທຽບໃສ່ໄລຍະເວລາດຽວກັນຂອງປີ 2019. ໃນປີ 2019, ສປປ ລາວ ຕ້ອນຮັບນັກທ່ອງທ່ຽວຕ່າງປະເທດ ຈໍານວນ 4.58 ລ້ານຄົນ.
