Breaking News

ເກີດເຫດ ພະຍຸລະດູຮ້ອນເຂົ້າເມືອງທ່າແຂກ ສົ່ງຜົນກະທົບເຮັດໃຫ້ເສົາໄຟຟ້າຫັກໄຟຟ້າດັບເປັນບໍລິເວນກວ້າງ

#ແຈ້ງຂ່າວລົມພະຍຸລະດູຮ້ອນພັດຜ່ານ ສົ່ງຜົນກະທົບເຮັດໃຫ້ເສົາໄຟຟ້າຫັກໄຟຟ້າດັບເປັນບໍລິເວນກວ້າງ ເຂດ ເມືອງ ທ່າແຂກ ແຂວງ ຄໍາມ່ວນ.

#ໃນວັນທີ 26 ເມສາ 2021 , ເວລາປະມານ 2:00 ໂມງ, ເກີດພາຍຸລະດູຮ້ອນພັດຜ່ານ ເຂດບ້ານເຫຼົ່າໂພຄໍາ ເມືອງທ່າແຂກ.

ເຮັດໃຫ້ເກີດຄວາມເສຍຫາຍຕໍ່ລະບົບຕາຂ່າຍໄຟຟ້າເປັນວົງກ້ວາງ, ສົ່ງຜົນໃຫ້ເສົາຄອນກຼີດ 16 ແມັດ ຫັກ ຈໍານວນ 19 ຕົ້ນ, ເສົາ 12ແມັດ 1ຕົ້ນ ແລະ ອຸປະກອນຕາຂ່າຍ 22 ກິໂລໂວນເສຍຫາຍຢ່າງຫຼວງຫຼາຍ, ຜົນກະທົບເກີດຂື້ນໃນຄັ້ງນີ້ ເສົາໄຟລົ້ມໃສ່ຫຼັງຄາເຮືອນປະຊາຊົນເສຍຫາຍ 29ຫຼັງຄາ.

ຕໍ່ເຫດການດັ່ງກ່າວລັດວິສາຫະກິດໄຟຟ້າລາວ ສາຂາ ແຂວງຄໍາມ່ວນໄດ້ຮີບຮ້ອນກູ້ຄືນລະບົບຕາຂ່າຍໃຫ້ກັບມາສະໜອງໃຫ້ແກ່ປະຊາຊົນໃຫ້ໄວທີ່ສຸດ, ສ່ວນຜົນເສຍຫາຍທັງໝົດຍັງບໍ່ທັນປະເມີນມູນຄ່າໄດ້.

ພາບ-ຂ່າວ: ພະແນກປະຊາສໍາພັນ ຄວາມປອດໄພ ປ້ອງກັນແຮງງານ ແລະ ສິ່ງແວດລ້ອມ ຟຟລ.ຄມ.

About admin

Check Also

ເຮັດແທ້!..ໃຜຂາຍບໍ່ໃຫ້ລອດ 11 ເດືອນ ຢຶດໄດ້ຫລາຍປານນີ້ ຢາ 13 ກວ່າໂຕນ.

11 ເດືອນ ຢືດຢາບ້າ 13 ກວ່າໂຕນ. ໃນໄລຍະເດືອນມັງກອນ ຫາ ເດືອນພະຈິກ 2022 ໃນຂອບເຂດທົ່ວປະເທດ ສາມາດແກ້ໄຂມ້າງລາຍຄະດີຢາເສບຕິດ ໄດ້ 4.707 ຄະດີ, ຈັບຜູ້ຖືກຫາໄດ້ …

Leave a Reply

Your email address will not be published. Required fields are marked *