​ສຸດ​ຈີດ​ເລີຍ ຮັກ​ກັນ​ມາ​ດົນ 8 ປີ ສຸດ​ທ້າຍ​ຕ້ອງ​ມາ​ເລີກ​ກັນ​ເພາະ

ສະບາຍດີ ຊ່ວງນີ້ກະເປັນຊ່ວງໄວຣັດລະບາດ ຢູ່ໃນຊ່ວງກັກໂຕບາງຄົນກະຢູ່ບ້ານເຫງົາໆເຊັງໆ ມື້ນີ້ຂ້ອຍເລີຍຊິມາເລົ່າປະສົບການຄວາມຮັກ 8 ປີທີ່ບໍ່ສົມຫວັງຂອງເອື້ອຍຂ້ອຍສູ່ຟັງ ເລື່ອງລາວນີ້ມັນຍາວ ອົດອ່ານກັນແດ່ເດີ້ຫມູ່ໆ. ຂ້ອຍສິແທນເອື້ອຍຂ້ອຍເປັນນາມຂ້ອຍເລີຍ ເຂົ້າເລື່ອງເລີຍເນາະ

ເຮົາສອງຄົນກ່ອນສິໄດ້ຄົບກັນເປັນແຟນມັນບໍ່ແມ່ນເລື່ອງງ່າຍເລີຍເພາະຈຸດເລີ່ມຕົ້ນແມ່ນເຮົາສອງຄົນບໍ່ມັກຫນ້າກັນຢູ່ແລ້ວ ກະທັ່ງເວລາຜ່ານໄປເຮົາໄດ້ຮູ້ຈັກກັນຫຼາຍຂຶ້ນຈົນເຮົາສອງຄົນໄດ້ມາຕົກລົງຄົບກັນ. ຜ່ານໄປໄດ້ໄລຍະຫນຶ່ງລາວກະໄດ້ບອກກັບຂ້ອຍວ່າ: ຂ້ອຍບໍ່ຢາກຫຼິ້ນໄປວັນໆແລ້ວ ຂ້ອຍຢາກມີອະນາຄົດຮ່ວມກັບເຈົ້າ ຖ້າເຮົາຮຽນຈົບເຮົາມາແຕ່ງງານກັນເນາະ.

(ສິ່ງທີ່ຜູ້ຍິງຫຼາຍຄົນໄຝ່ຝັນ, ໃນນັ້ນກະມີຂ້ອຍຄົນຫນຶ່ງ) ພໍຂ້ອຍໄດ້ຍິນຄຳນີ້ຈາກປາກລາວຂ້ອຍເລີຍມີຄວາມຄິດຢາກສ້າງເນື້ອສ້າງໂຕ ເຮົາສອງຄົນກະໄດ້ຊ່ວຍກັນຫາເງິນ ຜ່ານຊ່ວງເວລາມາດົນເຮົາສອງຄົນໄດ້ມີຄວາມຝັນຫຼາຍຢ່າງຮ່ວມກັນ ຜ່ານທັງຄວາມລຳບາກຄວາມສຸກຄວາມທຸກມານຳກັນຫລາຍ.

ຈົນຄົບກັນເຂົ້າປີທີ 3 ຊ່ວງເວລາປິດເທີມພວກເຮົາກະພາກັນກັບມາລາວ ໄປຫລິ້ນໄປທ່ຽວ,ໄປກິນຄືຄົນຮັກທົ່ວໄປ ຈຸດທີ່ໄດ້ປ່ຽນນິໄສຂ້ອຍ ມາມື້ຫນຶ່ງລາວໄດ້ໄປເຕະບານແລ້ວໄປກິນດື່ມນຳຫມູ່ (ເຮົາກະແອບລະແວງຢູ່ແຕ່ກະຄິດບວກເພາະຄວາມໄວ້ໃຈ) ແຕ່ສຸດທ້າຍມັນກະແມ່ນຕາມທີ່ເຮົາຄິດ.

ມື້ນັ້ນຕອນ 2-3ໂມງເຊົ້າຂ້ອຍໄດ້ຈັບ GPS ໄດ້ຢູ່ Hotel ແຖວບ້ານ ຂ້ອຍຈື່ງໄດ້ນຳ Location ລາວໄປ, ໄດ້ໄປຈັບລາວໄດ້ທີ່ໂຮງແຮມແຫ່ງຫນຶ່ງ (ບໍ່ໃຫ້ບອກຕິວ່າເຂົາໄປເຮັດຫຍັງຈົນເຂົາເສັດພາລະກິດ) ຄວາມຮູ້ສຶກຂ້ອຍຕອນນັ້ນບໍ່ມີຫຍັງມາບັນຍາຍໄດ້ເລີຍ ຕອນນັ້ນສິ່ງທີ່ຝັນສິ່ງທີ່ຄິດຖືກທຳລາຍຍ້ອນຄວາມບໍ່ຮູ້ຈັກພໍ ຫລັງຈາກນັ້ນລາວໄດ້ມາງໍ້ຂໍຄືນດີມາຕະຫລອດ,

ຍ້ອນວ່າຮັກຫລາຍຈຶ່ງໃຫ້ໂອກາດກັບສິ່ງຜິດພາດຂອງລາວເພາະຄວາມລະແວງ, ຂ້ອຍກະນຳລາວມາຕະຫລອດ ເວລາລາວໄປຫລິ້ນໃສຫລືໄປໃສສ່ວນຫລາຍຈະມີຂ້ອຍຢູ່ນຳ. ຍ້ອນເຮົາຮຽນນຳກັນຜ່ານທຸກສຸກມານຳກັນ ຈົນຂ້ອຍຮຽນຈົບພໍ່ແມ່ກະຢາກໃຫ້ສ້າງຄອບຄົວ ແຕ່ຍ້ອນແຟນຍັງຮຽນບໍ່ຈົບເລີຍເລື່ອນໄປກ່ອນ,ຈົນຮອດຕອນທີ່ລາວຮຽນຈົບມາ ພວກເຮົາກະຄົບກັນໄດ້ 6 ປີ.

ພວກເຮົາກະຮັກກັນດີ ລາວກະດີກັບຂ້ອຍມາຕະຫລອດ, ລາວກະຍອມປ່ຽນທຸກຢ່າງ ແຕ່! ສຸດທ້າຍມາຈົນມາຮອດປີທີ 7 ທີ 8 ເຮົາກະຮູ້ສຶກວ່າເຂົາປ່ຽນໄປ, ກະເລີຍພະຍາຍາມຖາມມາຕະຫລອດວ່າເປັນຫຍັງ, ເບື່ອຂ້ອຍຫວາຫລືອີ່ຫຍັງ, ເຮົາກະພະຍາຍາມປະຄັບປະຄອງ ຈົນກະທັ້ງມາຮອດມື້ນີ້ ຂ້ອຍຄົ້ນພົບຄວາມຈິງມາວ່າລາວມີຜູ້ອື່ນ ຜູ້ຍິງຄົນນັ້ນກະເປັນຄົນຫນ້າຕາດີ, ເປັນຄົນງາມ ລະຜູ້ຍິງຄົນນັ້ນກະຮູ້ມາຕະຫລອດວ່າເຮົາສອງຄົນເປັນແຟນກັນຢູ່ ແຕ່ລາວກະຍອມທີ່ຈະທົນຢູ່ແບບນັ້ນຈົນເກືອບປີ ເພື່ອລໍຖ້າມື້ທີ່ພວກເຮົາເລີກກັນ.

ລ່າສຸດກ່ອນຂ້ອຍສິແນ່ໃຈເພາະຄົນຫວັງດີໄດ້ບອກວ່າລາວພາຜູ້ຍິງຄົນນັ້ນເຂົ້າບ້ານ ແລະ ຕອນນີ້ຂ້ອຍກໍເລີ່ມໃຈອອກແລ້ວ.

ຕອນນີ້ຂ້ອຍຮູ້ສຶກຊິນແລະຊາໄປທົ່ວທັງຮ່າງກາຍ ເພາະຂ້ອຍບໍ່ມີກຳລັງແຮງທີ່ຈະໄປສູ້ເຂົາໄດ້ ຕໍ່ແຕ່ນີ້ໄປກໍຂໍໃຫ້ພວກເຈົ້າສົມຫວັງດັ່ງປາດຖະຫນາທີ່ພວກເຈົ້າໄດ້ເຮັດກັບຂ້ອຍໄວ້ ກັບການທີ່ພວກເຈົ້າສວມເຂົາໃຫ້ຂ້ອຍ ຂ້ອຍຈະບໍ່ຍອມເປັນຜູ້ຍິງທີ່ໂງ່ຄົນນັ້ນອີກຕໍ່ໄປ

(ບົດຮຽນເຫຼັມນີ້ສອນໃຫ້ຂ້ອຍຮູ້ວ່າ ຂ້ອຍເຄີຍເຈິຄົນເຈົ້າຊູ້ແລະຄິດວ່າຄວາມຮັກທີ່ຂ້ອຍມີ “ກັບ” ຄວາມດີທີ່ຂ້ອຍເຮັດໃຫ້ມັນຢຸດຄົນເຈົ້າຊູ້ບໍ່ໄດ້, ມັນບໍ່ມີຄວາມສະບາຍໃຈອີ່ຫຍັງທັງນັ້ນ ເຖິງມັນຈະ “ສຸກ” ທີ່ມີເຂົາ ແຕ່ມັນ “ທຸກ” ທີ່ຕ້ອງຢູ່). ນີ້ແມ່ນຂໍ້ມູນອ້າງອີງບໍ່ໄດ້ຢາກພາດພີງເຖິງໃຜເດີ້

About admin

Check Also

ແກ້​ຂ່າວ​

ແຕກອີກແລ້ວ ເສດຖີຄົນໃໝ່ ຖຶກ​ 6 ໂຕ​ຕົງ​ 800.000.000 ກີບ ຄືໂຊກດີແທ້ແດ່. ງວດຫນ້າໃຫ້ທ່ານຜູ້ຊົມຖືກເດີ້…ລຳລວຍລຳລວຍ ສາທຸສາທຸ ຫວຍອອກມື້ນີ້ ລາງວັນຊື້1,000ກີບ 1ໂຕທ້າຍ ໄດ້ຮັບ 5,000ກີບ …

Leave a Reply

Your email address will not be published. Required fields are marked *