Breaking News

ສຶກສາອົບຮົມ ຜູ້ລັກລອບຫຼິ້ນໄພ້ ພ້ອມປັບໃໝຕາມລະບຽບການ

ພະແນກຕຳຫຼວດປ້ອງກັນເສດຖະກິດ ຫ້ອງຕຳ ຫຼວດ ກອງບັນຊາການ ປກສ ແຂວງໄຊຍະບູລີ ໄດ້ກັກຕົວຜູ້ລັກລອບຫຼິ້ນການພະນັນ(ຫຼິ້ນໄພ້) ຢູ່ຮ້ານກິນດື່ມແຫ່ງໜຶ່ງ ໃນເຂດບ້ານດອນໃໝ່ ເມືອງໄຊຍະບູລີ ໄປສຶກສາອົບຮົມກ່າວເຕືອນແລະ ປັບໃໝຕາມລະບຽບການ ໃນວັນທີ 22 ເມສາ ຜ່ານມາ.

ພັຕ ຈຳປາ ຄໍາພັນເພັງ ຫົວໜ້າພະແນກຕຳຫຼວດປ້ອງກັນເສດຖະກິດ ໃຫ້ຮູ້ວ່າ: ພາຍຫຼັງທີ່ໄດ້ຮັບລາຍງານວ່າ ມີກຸ່ມຄົນຈໍານວນໜຶ່ງ ໄດ້ລັກລອບຫຼິ້ນການພະນັນ ຢູ່ເຂດບ້ານດອນໃໝ່ ເມືອງໄຊຍະບູລີ ຈຶ່ງໄດ້ນຳກຳລັງວິຊາສະເພາະ ລົງກວດກາພົບກຸ່ມຄົນ ຢູ່ໃນຮ້ານກິນດື່ມ ທີ່ມີການລັກລອບຫຼິ້ນການພະນັນ ຈຳນວນ 11 ຄົນ.ໃນນັ້ນ, ມີຄົນທີ່ຫຼິ້ນການພະນັນ 4 ຄົນ, ນັ່ງເບິ່ງ 6 ຄົນ ແລະ ເຈົ້າຂອງຮ້ານອີກ 1 ຄົນ ຈຶ່ງໄດ້ນຳຕົວພວກກ່ຽວ ໄປສຶກສາອົບຮົມກ່າວເຕືອນ ແລະປັບໃໝຕາມລະບຽບການ ຂອງກົດໝາຍ.

ເຈົ້າໜ້າທີ່ ປກສ ເມືອງໄຊຍະບູລີ ໄດ້ອະທິບາຍໃຫ້ຜູ້ທີ່ຫຼິ້ນການພະນັນ ຈຳນວນ 4 ຄົນ ຮັບຮູ້ເຂົ້າ ໃຈຕໍ່ການປະພຶດຂອງພວກກ່ຽວ ເປັນຕົ້ນແມ່ນ ເປັນກະທຳຜິດຕໍ່ປະມວນກົດໝາຍອາຍາ ແຫ່ງ ສປປ ລາວ ສະປັບປຸງປີ 2017 ໃນໝວດທີ 2 ມາດຕາ 141 ທີ່ລະບຸໄວ້ວ່າ: ບຸກຄົນໃດ ຫາກໄດ້ຫຼິ້ນການພະນັນທີ່ຕ້ອງຫ້າມ ຈະຖີກປັບໃໝ ແຕ່ 5.000.000 ກີບ ຫາ 10.000.000 ກີບ, ບຸກຄົນໃດຫາກໄດ້ສົມຍອມໃຫ້ຫຼິ້ນການພະນັນທີ່ຕ້ອງຫ້າມຢູ່ໃນເຮືອນຂອງຕົນ ຫຼື ເປັນເຈົ້າມື ຫຼື ເປັນຜູ້ກະທໍາຜິດທີ່ບໍ່ເຂັດຫຼາບ ຈະຖືກລົງໂທດຕັດອິດ ສະລະພາບ ແຕ່ 3 ເດືອນ ຫາ 2 ປີ ຫຼື ດັດສ້າງໂດຍບໍ່ຕັດອິດສະລະພາບ ແລະ ຈະຖືກປັບໃໝແຕ່ 5.000.000 ກີບ ຫາ 15.000.000 ກີບ.

ພາຍຫຼັງສຶກສາອົບຮົມພວກກ່ຽວແລ້ວ ເຈົ້າໜ້າ ທີ່ໄດ້ສ້າງບົດບັນທຶກກ່າວເຕືອນ ເພື່ອໃຫ້ພວກກ່ຽວປ່ຽນແປງພຶດຕິກຳຂອງຕົນເອງ, ຖ້າຫາກພວກກ່ຽວຍັງມີການເຄື່ອນໄຫວລັກລອບຫຼິ້ນການພະນັນອີກຄັ້ງຕໍ່ ໄປຈະຖືກເຈົ້າໜ້າທີ່ດຳເນີນຄະດີຕາມກົດໝາຍຢ່າງເຂັ້ມງວດ.

About admin

Check Also

ແຊ໌ເຕືອນໄພສັງຄົມ ນັບມື້ນັບປ່າເຖື່ອນ ຢູ່ຍາກອີ່ຫລີ🥹ຢາກໃຫ້ທຸກຄົນມີສະຕິລະວັງຕົວກັນໃຫ້ຫຼາຍກວ່ານີ້

📣 ເຕືອນໄພສັງຄົມ ນັບມື້ນັບປ່າເຖື່ອນ ຢູ່ຍາກອີ່ຫລີ🥹ຢາກໃຫ້ທຸກຄົນມີສະຕິລະວັງຕົວກັນໃຫ້ຫຼາຍກວ່ານີ້ ຂ້ອຍກະສຸດທີ່ແຕ່ຈະລະວັງແລ້ວ ເພາະເປັນຊ່ວງທີ່ຈະຮັບໃບປະກາດຄິດຢ້ານກັບເຫດການຫຼາຍໆຢ່າງ ຍັງມີເລື່ອງແບບນີ້ເກີດຂື້ນກັບໂຕເອງ . ຈັ່ງແມ່ນມຶງກ້າຄົນຫຼວງຄົນຫຼາຍຍັງບໍ່ຄິດຢ້ານ ສະຖານທີ່ແບບນີ້ຍັງບໍ່ເວັ້ນ ທີ່ເຫັນໃນວີດີໂອແມ່ນຂ້ອຍໄດ້ໄປຊື້ເຄື່ອງໃນຮ້ານມາແລ້ວກຳລັງຊິບໍລິຈາກຊ່ວຍເຫຼືອໄພນ້ຳຖ້ວມ ແຕ່ບຸກຄົນນີ້ໄດ້ພະຍາຍາມເຂົ້າມາລວນລາມຂ້ອຍຈາກທາງຫລັງໂດຍທີ່ບໍ່ທັນຕັ້ງໂຕ 😤 ຄລິບ ດີແຕ່ມັນບໍ່ໄດ້ຖືຂອງມີຄົມມາ …

Leave a Reply

Your email address will not be published.