Breaking News

ຈັ ບ ຄົນໃຊ້ ສາຍກາບ ມັດຂວາງທາງ ດ່ວນ ໄດ້ແລ້ວ..​ຊີ້ແຈງ​ລາຍລະອຽດ​

ແຈ້ງເຫດ ໃນຕອນເຊົ້າຂອງວັນທີ 6 ພຶດສະພາ 2021, ຢູ່ຈຸດກິໂລແມັດທີ K19+000, ມີຊາຍໜຸ່ມຄົນໜຶ່ງເຈດຕະນາມ້າງເພທຳລາຍ ແລະ ກີດຂວາງທາງດ່ວນ, ໂດຍການວາງສິ່ງກີດຂວາງໃສ່ຊ່ອງທາງລົດຂອງທາງ ດ່ວນ. ແຕ່ໂຊກດີທີ່ບໍ່ມີອຸປະຕິເຫດເກີດຂຶ້ນ.

ສະພາບເຫດການ: ໃນຕອນເຊົ້າຂອງວັນທີ 6 ພຶດສະພາ 2021. ພວກເຮົາໄດ້ຮັບການແຈ້ງຈາກຜູ້ຂັບຂີ່, ຢູ່ເທິງທາງດ່ວນທິດທາງນະຄອນຫຼວງວຽງຈັນ-ວັງວຽງຈຸດກິໂລແມັດທີK19+000, ໂດຍພົບສິ່ງກີດຂວາງຢູ່ຊ່ອງທາງຫຼັກ.

ເມື່ອພະນັກງານໄປຮອດສະຖານທີ່ເກີດເຫດຈຶ່ງໄດ້ຮູ້ວ່າ: ຊາຍໜຸ່ມຄົນດັ່ງກ່າວໄດ້ເຈດ ຕະນາວາງສິ່ງກີດຂວາງໃສ່ຊ່ອງທາງສັນຈອນຫຼັກຂອງທາງດ່ວນ, ໂດຍການຕໍ່ໂຊ້ເຫຼັກເປັນລວງຂວາງ ແລະ ຖອກວັດຖຸເຊື້ອໄຟໃສ່ທາງດ່ວນ, ໂດຍມີຈຸດປະສົງທີ່ຈະຈູດໄຟໃສ່, ແຕ່ບໍ່ສຳເລັດ ແລະ ວາງຕະປູເຫຼັກຕາມທາງ.

ຫຼັງຈາກທີ່ພະນັກງານສູນກາງຄຸ້ມຄອງຊັບສິນທາງດ່ວນໄດ້ລົງໄປບັນທຶກຫຼັກຖານຢູ່ສະຖານທີ່ເກີດເຫດແລ້ວ, ກ່ໍໄດ້ຮີບຮ້ອນໃນການເກັບມ້ຽນສິ່ງກີດຂວາງ, ພ້ອມທັງຕິດຕໍ່ປະສານຫາຕຳຫຼວດຈະລາຈອນທາງດ່ວນ, ຕຳຫຼວດທ້ອງຖິ່ນ ແລະ ນາຍບ້ານທັນທີ.

ພາຍຫຼັງທີ່ເກີດເຫດກໍ່ໄດ້ແຈ້ງໃຫ້ໜ່ວຍງານປ້ອງກັນຄວາມສະຫງົບ ແລະ ນາຍບ້ານຮັບຊາບ, ທີ່ຜູ້ກ່ຽວໄດ້ມາກໍ່ເຫດໃນຄັ້ງນີ້ແມ່ນເນື່ອງຈາກໄລຍະນີ້ແມ່ຂອງລາວບໍ່ໄດ້ໃຫ້ເງິນລາວໃຊ້, ລາວຈຶ່ງມາລະບາຍຄວາມຄຽດແຄ້ນຂອງລາວໃສ່ທາງດ່ວນ, ເຈດຕະນາສ້າງສິ່ງກີດຂວາງໃສ່ເທິງທາງດ່ວນ ແລະ ອີງຕາມຄຳບອກເລົ່າຂອງນາຍບ້ານໄດ້ກ່າວວ່າຜູ້ກ່ຽວແມ່ນມີປະຫວັດເສບຢາມາກ່ອນ.

ໃນຕອນສວຍຂອງວັນທີ 6 ພຶດສະພາ 2021, ຜູ້ກ່ຽວໄດ້ຖືກໜ່ວຍງານປ້ອງກັນຄວາມສະຫງົບຈັບກຸມເປັນທີ່ຮຽບຮ້ອຍແລ້ວ. ພຶດຕິກຳຂອງລາວແມ່ນເປັນອັນຕະລາຍຮ້າຍແຮງຕໍ່ລົດທີ່ສັນຈອນເທິງທາງດ່ວນ, ໂດຍຜູ້ກ່ຽວໄດ້ໃຊ້ເຊືອກລັດທາງ ແລະ ວາງຕະປູຢູ່ເທິງທາງດ່ວນ, ເຊິ່ງອາດຈະເຮັດໃຫ້ເກີດອຸປະຕິເຫດທີ່ເຮັດໃຫ້ມີຄົນເຈັບ ຫຼື ເສຍຊີວິດໄດ້, ເປັນພຶດຕິກຳທີ່ບໍ່ມີຄວາມຮັບຊອບຕໍ່ຊີວິດ ແລະ ຄວາມປອດໄພຂອງຄົນອື່ນ.

ການທີ່ລາວວາງຕະປູ ແລະ ວັດຖຸທີ່ເປັນໂລຫະແມ່ນເປັນການສ້າງຄວາມເສຍຫາຍໂດຍກົງໃຫ້ແກ່ລົດທີ່ນຳໃຊ້ທາງດ່ວນ. ປະຈຸບັນຄາດວ່າລົດທີ່ຂັບຜ່ານຊ່ວງທາງດັ່ງກ່າວອາດຈະຢຽບຖືກ ແລະ ຢາງລົດອາດໄດ້ຮັບຄວາມເປ່ເພເສຍຫາຍ, ແຕ່ບໍລິສັດບໍ່ສາມາດສະຫຼຸບໄດ້ວ່າມີລົດເທົ່າໃດຄັນທີ່ໄດ້ຮັບຄວາມເສຍຫາຍຈາກພຶດຕິກຳດັ່ງກ່າວຂອງຜູ້ກ່ຽວ.

ລາວໄດ້ຖອກນ້ຳມັນ ແລະ ຈຸດໄຟໃສ່ເທິງທາງດ່ວນ, ຈາກນັ້ນນ້ຳມັນທີ່ບໍ່ຕິດໄຟໄດ້ຊຶມລົງໃສ່ພື້ນທາງຂອງທາງດ່ວນ, ເຊິ່ງສ້າງຄວາມເສຍຫາຍໃຫ້ແກ່ພື້ນທາງຂອງທາງດ່ວນ, ອີກທັ້ງຍັງເປັນການຫຼຸດອາຍຸການໃຊ້ງານຂອງຖະໜົນຫົນທາງ, ກໍ່ໃຫ້ເກີດຄວາມເສຍຫາຍໂດຍກົງຕໍ່ບໍລິສັດ.

ທາງດ່ວນວຽງຈັນວັງວຽງຂໍເຕືອນມາຍັງທຸກທ່ານ:

1. ການທີ່ເອົາສີ່ງກິດຂວາງມາວາງເທີງທາງດ່ວນໂດຍບໍ່ໄດ້ຮັບອານຸຍາດແມ່ນມີຄວາມອັນຕະລາຍຫຼາຍ.

2. ຫ້າມນໍາເອົາສີ່ງກິດຂວາງມາວາງໄວ້ເທີງທາງດ່ວນ.

3. ຮັກຊີວິດ ໃຫ້ຫຼິກລ່ຽງຈາກສີ່ງເສບຕິດ.

About admin

Check Also

ເດັກດື້ຕ້ອງໂດນອະໄລນະ ຄົນເຫັນໄວແທ້

ເດັກດື້ຕ້ອງໂດນອະໄລນະ ຄົນເຫັນໄວແທ້ ລູກໜີ້ໜ້າມືນຕ້ອງເຈີແບບນີ້(ອີມຸກ)ອີນາງ 📍 ສະຫວັນນະເຂດ (ຕິດໜີ້ບໍ່ຈ່າຍ) ບໍ່ທານເດີ້ສິເອົາມືງຈົນບໍ່ມີທີບຢູ່ ຂີ່ລົດປາໂດ່ໄປການ ໄປໃຫ້ປາກຄຳ ເປັນຫຍັງບໍ່ຂາຍລົດໃຊ້ໜີ້ ມັນວ່າ ບໍ່ຂາຍ ສີປະຈານລະປະຈານໂລດ ວ່າຊັ້ນແລະ ເກັ່ງເນາະ …

Leave a Reply

Your email address will not be published. Required fields are marked *