ໃຫ້ທຸກຄົນມີສະຕິ! ເຝົ້າລະວັງລະດັບນ້ຳສາຍຕ່າງໆຢ່າງໃກ້ຊິດ

ໃຫ້ທຸກຄົນມີສະຕິ! ເຝົ້າລະວັງລະດັບນ້ຳສາຍຕ່າງໆຢ່າງໃກ້ຊິດ ກົມສັງຄົມສົງເຄາະ ໄດ້ອອກໜັງສືແຈ້ງການເຕືອນໄພ ພະຍຸໜູນເຂດຮ້ອນທີ່ພັດຜ່ານເຂົ້າ ສປປ ລາວ ແລະ ຕິດຕາມເຝົ້າລະວັງລະດັບນ້ຳ.

ໂດຍອີງຕາມ ແຈ້ງເຕືອນຝົນຕົກໜັກ ແລະ ລະດັບພະຍາກອນນ້ຳ ຂອງກົມອຸຕຸນິຍົມ ແລະ ອຸທົກກະສາດ ຄັ້ງວັນທີ 24 ກໍລະກົດ 2021 ເນື່ອງຈາກ, ລົມພະຍຸໝຸນດີເປຼຊັນ ເຈີມປາກາ ໄດ້ອ່ອນກໍາລັງລົງກາຍເປັນຄວາມກົດດັນອາກາດຕໍ່າ ທີ່ມີກຳລັງແຮງແຕ່ຍັງສືບຕໍ່ເຮັດໃຫ້ມີຝົນຢູ່ໃນຂອບເຂດທົ່ວປະເທດ ໃນວັນທີ 24 ກໍລະກົດ 2021 ຕາມການພະຍາກອນລະດັບນ້ຳໃນແມ່ນ້ຳຂອງ, ແມ່ນ້ຳສາຂາ ເຫັນວ່າ ລະດັບນ້ຳເຊບັ້ງໄຟ ໄດ້ຍື່ງຂຶ້ນຢູ່ໃນລະດັບ 16.00 ມ (ລະດັບເຕືອນໄພ 17,50ມ ແລະ ລະດັບອັນຕະລາຍ 18.50 ມ), ຄາດຄະເນໃນຕໍ່ໜ້າ ວັນທີ 25 ກໍລະກົດ 2021 ລະດັບນ້ຳຈະສູງຂຶ້ນ ໃນລະດັບ 17.60 ມ ແລະ ວັນທີ 26 ກໍລະກົດ 2001 ລະດັບນ້ຳຈະສູງຂຶ້ນ ໃນລະດັບ 18.48 ມ ເຊິ່ງຈະຢູ່ໃນລະດັບອັນຕະລາຍ.

ຈຶ່ງຂໍແຈ້ງເຖິງອຳນາດການປົກຄອງທຸກພາກສ່ວນ ດັ່ງນີ້:

1. ໃຫ້ຕິດຕາມສະພາບການຢ່າງໃກ້ຊິດ ເປັນຕົ້ນ ຈາກກົມອຸຕຸນິຍົມ ແລະ ອຸທົກກະສາດ, ໂທລະພາບ, ວິທະຍຸແລະ ສື່ອອນໄລທາງການ ອື່ນໆ ພ້ອມທັງປະສານໃກ້ຊິດ ກັບ ກອງເລຂາຄະນະກໍາມະການຄຸ້ມຄອງໄພພິບັດຂັ້ນສູນກາງ;

2. ແຕ່ງຕັ້ງຄະນະລົງຕິດຕາມລະດັບນ້ຳຢ່າງໃກ້ຊິດ;

3. ກຽມພ້ອມດ້ານກຳລັງ,ພາຫະນະ,ອຸປະກອນ, ເຄື່ອງຊ່ວຍເຫຼືອຕ່າງໆ ແລະ ວາງແຜນຮັບມືສຸກເສີນ;

4. ກະກຽມກຳນົດສະຖານທີ່ຫລົບໄພຊົ່ວຄາວ, ແຈ້ງເຕືອນພໍ່ແມ່ປະຊາຊົນ ໃຫ້ຮັບຊາບ ແລະ ມີສະຕິເກັບມ້ຽນສິ່ງຂອງ, ສັດລ້ຽງ, ກຽມຄວາມພ້ອມ, ປ້ອງກັນ ແລະ ຮັບມືກັບເຫດການໄພພິບັດທີ່ອາດເກີດຂຶ້ນໃຫ້ທັນເວລາ.

ຂໍ້ມູນຈາກ

About admin

Check Also

ໃຜທີ່ວ່າບໍ່ຢ້ານ ຍັງຖືເບົ່າ,ຍັງຊຸມເເຊວ

ໃຜທີ່ວ່າບໍ່ຢ້ານໂລກໂຄວິດ,ຍັງຖືເບົ່າ,ຍັງຊຸມເເຊວ ມາເບິ່ງຄລິບນີ້ເດີ ເປັນຕາຢ້ານຫຼາຍ ເເຂວງຄຳມວນ ຊົມຄຼິບ

Leave a Reply

Your email address will not be published. Required fields are marked *