ຍິນດີນຳ ອາເລັກ ຊານດຣ້າ ຖືກແຕ່ງຕັ້ງ 2 ຕໍາແໜ່ງເປັນ ທູດງາຊ້າງ ແລະ ທູດອະນຸລັກສັດນໍ້າ ແລະ ສັດປ່າ

ມື້ນີ້ຊານດຼ້າໄດ້ເຂົ້າຮ່ວມກອງປະຊຸມສໍາມະນາສ້າງຄວາມເຂັ້ມແຂງ ໃຫ້ແກ່ຂະແໜງການທີ່ກ່ຽວຂ້ອງຂັ້ນທ້ອງຖີ່ນ ໃນການຈັດຕັ້ງປະຕິບັດສົນທິສັນຍາສາກົນ ວ່າດ້ວຍການຄ້າຂາຍສັດປ່າ ແລະ ພືດປ່າທີ່ໃກ້ຈະສູນພັນ ລະຫວ່າງຊາດ (CITES) ໃຫ້ກັບບັນດາແຂວງພາກເຫນືອ ທີ່ແຂວງຫຼວງພຣະບາງ.

ຊານດຣ້າໄດ້ຮັບກຽດຖືກແຕ່ງຕັ້ງ 2 ຕໍາແໜ່ງ1 Ivory Alliance Ambassador (ທູດງາຊ້າງ)ຈາກ ສະຖານທູດອັງກິດປະຈໍາ ສປປ ລາວ.ກິດຈະກໍາທີ່ໄດ້ຮ່ວມມີດັ່ງນີ້;

ເຂົ້າຮ່ວມງານສໍາມະນາ IWT Conference 2018 ທີປະເທດອັງກິດ ເຊິ່ງໄດ້ຮ່ວມເດີນທາງໄປກັບຄະນະກະຊວງກະສິກໍາແລະປ່າໄມ້, ງານສໍາມະນານີ້ໄດ້ມີການຈັດຂື້ນທຸກໆ 2 ປີ ໂດຍມີ 70 ກວ່າປະເທດເຂົ້າຮ່ວມ,ຖືວ່າເປັນຄັ້ງທໍາອິດທີ່ໄດ້ໄປຮ່ວມແລະສໍາພັດກັບງານສໍາມະນາທີ່ມີຄົນຈາກຫຼາກຫຼາຍປະເທດ ຫຼາຍພາກສ່ວນທີ່ເຮັດໜ້າທີ່ອະນຸລັກສັດນໍ້າ-ສັດປ່າເຂົ້າຮ່ວມ, ໄດ້ເຫັນວ່າທຸກທ່ານທຸກຄົນກໍ່ໄດ້ໃຫ້ຄວາມສໍາຄັນກັບບັນຫານີ້, ຊານດຼ້າກໍ່ຮູ້ສຶກດີໃຈຫລາຍເພາະວ່າປະເທດລາວເຮົາກໍ່ອຸດົມສົມບູນໄປດ້ວຍສັດນໍ້າ-ສັດປ່ານາໆຊະນິດ ແລະພວກເຮົາກໍ່ຄວນໃຫ້ຄວາມສໍາຄັນກັບການອະນຸລັກສັດເລົ່ານັ້ນເປັນພິເສດ

ອີກກິດຈະກໍາໜຶ່ງທີ່ໄດ້ເຂົ້າຮ່ວມກັບສະຖານທູດອັງກິດ ປະຈໍາ ສປປ ລາວ ນັ້ນ ແມ່ນເຄີຍໄດ້ມາແຂວງຫຼວງພຣະບາງ ມາຮ່ວມງານ workshop ຂອງ IWT ພ້ອມກັນນັ້ນຍັງໄດ້ໄປຢ້ຽມຢາມສູນອະນຸລັກ FREE THE BEARS ເຊິ່ງທີມງານທຸກຄົນກໍ່ເຮັດວຽກໄດ້ດີເລີດ ໃນການດູແລສັດປ່າທີ່ໃກ້ຈະສູນພັນໄປແລ້ວ

2 ຕໍ່ມາ ກໍ່ໄດ້ຮັບຕໍາແໜ່ງອັນຊົງກຽດມາເພີ່ມອີກຕໍາແໜ່ງໜຶ່ງຈາກກະຊວງກະສິກໍາແລະປ່າໄມ້ ກໍ່ຄືຕໍາແໜ່ງ “ທູດອະນຸລັກສັດນໍ້າແລະສັດປ່າ” ເຊິ່ງໜ້າທີ່ແມ່ນຊ່ວຍພາກສ່ວນທີ່ກ່ຽວຂ້ອງເຜີຍແຜ່ຂໍ້ມູນຂ່າວສານ ແລະໂປຼເຈັກໜ້າວຽກຕ່າງໆທີ່ມີຢູ່ໃຫ້ສັງຄົມລາວ ໄດ້ຮູ້ກ່ຽວກັບຄວາມສໍາຄັນຂອງການຢຸດຂ້າ, ຊື້ຂາຍສັດນໍ້າແລະສັດປ່າ.

ຜ່ານມາກໍ່ໄດ້ເຂົ້າຮ່ວມຫຼາຍກິດຈະກໍາກັບກະຊວງກະສິກໍາ ແລະປ່າໄມ້ບໍ່ວ່າແມ່ນຊ່ວຍອອກແບບ ແລະຖ່າຍພາບໂປສເຕີ ແລະບິວບອດ ໂດຍມີເນື້ອໃນເຜີຍແຜ່ໃນການອະນຸລັກ ໄປຂຶ້ນປ້າຍຕາມສະຖານທີ່ຕ່າງໆ, ຮ່ວມກິດຈະກໍາປ່ອຍປາ, ໄປຢ້ຽມຢາມເຂດປ່າໂຄກອົງມັງ ຢູ່ທີ່ແຂວງສະຫວັນນະເຂດແລະ ຫຼ້າສຸດແມ່ນຮ່ວມ ກອງປະຊຸມຝຶກອົບຮົມຈັດຕັ້ງປະຕິບັດສົນທິສັນຍາສາກົນ ວ່າດ້ວຍການຄ້າຂາຍຊະນິດສັດປ່າແລະພືດປ່າ ລະຫວ່າງຊາດ (CITES) ເຊິ່ງຂະແໜງການກ່ຽວຂອ້ງກໍ່ໄດ້ມີການສໍາມະນາແລກປ່ຽນທອດຖອນບົດຮຽນກັນໃນວຽກທີ່ຜ່ານມາ.

ຈາກ: Alexandra Bounxouei – ອາເລັກຊານດຼາ ບຸນຊ່ວຍ

About admin

Check Also

ດວງ 3 ວັນເກີດ ມີເກນໝົດໜີ້ສິນ ມີກິນມີໃຊ້ ຮັບໂຊກຕະຫຼອດທັງປີ

+ ຄົນທີ່ເກີດວັນສຸກ ມີເກນໝົດໜີ້ສິນ ມີເກັບ ມີກິນ ມີໃຊ້ ຮັບໂຊກຕະຫຼອດທັງປີນີ້ ແຕ່ເດືອນນີ້ເປັນຕົ້ນໄປ ຈະມີຂ່າວດີເຂົ້າມາ ການງານລາບລື່ນ ຈະເລີນກ້າວໜ້າ ເຈົ້ານາຍໃຫ້ການສະໜັບສະໜູນ ຊ່ວຍເຫຼືອ ໝູ່ຄູ່ຄົນຮ່ວມວຽກ ຊ່ອຍເຫຼືອກັນ …

Leave a Reply

Your email address will not be published. Required fields are marked *