ຈີນ ພັດທະນາ ວັກຊີນໂຄວິດ “ຊະນິດສູບດົມ” ທົດລອງໃນມະນຸດ

ສຳນັກຂ່າວຊິນຫົວ ລາຍງານເມື່ອວັນທີ 30 ກໍລະກົດນີ້ວ່າ: ສະຖາບັນການແພດໃນຈີນ ພັດທະນາວັກຊີນຕ້ານໂຄວິດຊະນິດສູບດົມ ຫຼື ຮຽກວ່າ ‘ແອດໄຟ ເອັນໂດວີ’ ໃນກຸ່ມອາສາສະໝັກໃນໄລຍະທຳອິດ ພົບມີຄວາມປອດໄພດີ ຂະນະນີ້ຢູ່ໃນລະຫວ່າງທົດລອງໄລຍະ 2.

ວັກຊິນປ້ອງກັນເຊື້ອໄວຣັດໂຄໂຣນາສາຍພັນໃໝ່(ໂຄວິດ-19) ຊະນິດສູດດົມ ຫຼື ສີດພົ່ນໃສ່ທາງຮູດັງ ແບບໃຊ້ອະດີໂນໄວຣັດເປັນຕົວນຳພາ(Adenovirus vector) ທີ່ພັດທະນາໃນຈີນ ສະແດງຜົນປອດໄພໃນການທົດລອງທາງຄລີນິກ

ໄລຍະທີ 1.ວັກຊີນປ້ອງກັນໂຣກໂຄວິດ-19 ໃຊ້ອະດີໂນໄວຣັດທາມ 5 ເປັນຕົວນໍາພາ ຫຼື ‘ແອດໄຟ ເອັນໂດວີ'(Ad5-nCoV) ເປັນການຮ່ວມພັດທະນາ ໂດຍສະຖາບັນການແພດທະຫານ ໂຮງໝໍ ຈົງໜານ ມະຫາວິທະຍາໄລ ອູ່ຮັ່ນ ແລະ ສະຖາບັນອື່ນໆ ຂອງຈີນ.

ການທົດລອງໃນສັດກ່ອນໜ້ານີ້ພົບວ່າ ວັກຊີນແອດໄຟ ເອັນໂດວີ ເຂັມດຽວສາມາດປ້ອງກັນການແບ່ງຕົວຂອງເຊື້ອໄວຣັດໂຄໂຣນາສາຍພັນໃໝ່ທີ່ຍັງບໍ່ກາຍພັນໃນທາງເດີນຫາຍໃຈສ່ວນເທິງ ໂດຍພູມຕ້ານທານເຍື້ອເມືອກມີສ່ວນຊ່ວຍກະຕຸ້ນເຍື້ອເມືອກ ແລະ ລະບົບພູມຕ້ານຂອງຮ່າງກາຍ ຊຶ່ງສາມາດປ້ອງກັນເຊື້ອໄວຣັດໂຄວິດ-19 ທີ່ບຸກໂຈມຕີຜິວເຍື້ອເມືອກໄດ້.

ຜົນການທົດລອງພົບວ່າວັກຊີນຊະນິດສູບດົມນັ້ນ ມີຄວາມທົນທານດີໃຊ້ປະລິມານພຽງ 1 ໃນ 5 ຂອງວັກຊິນຊະນິດສັກເຂົ້າກ້າມຊີ້ນ ແລະ ກະຕຸ້ນໃຫ້ເກີດການຕອບສະໜອງທີ່ແຂງແຮງ.

ໃນວັນທີ 28 ກໍລະກົດ ຜ່ານມາ ການທົດລອງວັກຊິນເຂັມກະຕຸ້ນຊະນິດສູບດົມມີຜົນຂອງການທົດລອງ ຫລັງຈາກໄດ້ຮັບການສັກວັກຊີນຊະນິດສັກເຂົ້າໃນກ້າມຊີ້ນເປັນເຂັມທຳອິດນັ້ນສາມາດກະຕຸ້ນການຕອບສະໜອງຂອງແອນຕິບອດໄດ້ຢ່າງດີ.

ປັດຈຸບັນ ວັກຊີນຕ້ານໂຄວິດຊະນິດສູບດົົມ ແອດໄຟ ເອັນໂດວີ ກຳລັງຢູ່ລະຫວ່າງການທົດລອງທາງຄລີນິກ ໄລຍະ 2

ຂໍ້ມູນຈາກ

About admin

Check Also

ດວງ 3 ວັນເກີດ ມີເກນໝົດໜີ້ສິນ ມີກິນມີໃຊ້ ຮັບໂຊກຕະຫຼອດທັງປີ

+ ຄົນທີ່ເກີດວັນສຸກ ມີເກນໝົດໜີ້ສິນ ມີເກັບ ມີກິນ ມີໃຊ້ ຮັບໂຊກຕະຫຼອດທັງປີນີ້ ແຕ່ເດືອນນີ້ເປັນຕົ້ນໄປ ຈະມີຂ່າວດີເຂົ້າມາ ການງານລາບລື່ນ ຈະເລີນກ້າວໜ້າ ເຈົ້ານາຍໃຫ້ການສະໜັບສະໜູນ ຊ່ວຍເຫຼືອ ໝູ່ຄູ່ຄົນຮ່ວມວຽກ ຊ່ອຍເຫຼືອກັນ …

Leave a Reply

Your email address will not be published. Required fields are marked *