ບໍ່ແກ້ວ ເລັ່ງຈັດສົ່ງແຮງງານມຽນມາກັບຄືນປະເທດ ຢ່າງຖືກຕ້ອງຕາມລະບຽບກົດໝາຍ

ທ່ານ ຄຳຜະຫຍາ ພົມປັນຍາ ຮອງເຈົ້າແຂວງບໍ່ແກ້ວ ໃຫ້ຮູ້ ໃນວັນທີ 9 ສິງຫານີ້ວ່າ: ເນື່ອງຈາກວ່າໃນວັນທີ 6 ສິງຫາຜ່ານມາ, ໄດ້ມີແຮງງານຊາວມຽນມາປະມານ ພັນກວ່າຄົນບໍ່ພໍໃຈຕໍ່ມາດຕະການປ້ອງກັນການແຜ່ລະບາດຂອງພະຍາດໂຄວິດ-19ໃນໄລຍະລັອກດາວ ໃນລະຫ່ວາງວັນທີ 2-15 ສິງຫາ 2021.

ຈິ່ງໄດ້ພ້ອມກັນອອກມາເດີນຂະບວນປະທ້ວງຕາມເສັ້ນທາງຕ່າງໆພາຍໃນເຂດເສດຖະກິດພິເສດ ສາມຫລ່ຽມຄຳ ແຂວງບໍ່ແກ້ວ ແລະ ພາຍຫລັງເກີດເຫດແລ້ວ ທາງອົງການປົກຄອງແຂວງກໍໄດ້ຮີບຮ້ອນປະສານສົມທົບກັບ ສ. ມຽນມາ ເພື່ອຈະໄດ້ ຈັດກອງປະຊຸມປຶກສາຫາລືກັບ ອົງການປົກຄອງແຂວງ ທ່າຂີ້ເຫລັກ ສ. ມຽນມາ ເພື່ອຫາວິືທີແກ້ໄຂ ດ້ວຍມາດຕະການ ແລະ ຂັ້ນຕອນຕ່າງໆ ຊຶ່ງສອງຝ່າຍໄດ້ເຫັນດີສົ່ງແຮງງານດັ່ງກ່າວກັບຄືນປະເທດຕາມລະບຽບກົດໝາຍ ແລະ ມາດຕະການປ້ອງກັນ, ຄວບຄຸມການແພ່ລະບາດຂອງພະຍາດໂຄວິດ-19, ໂດຍໃຫ້ຈັດສົ່ງແຕ່ລະມື້ ປະມານ 250 ຄົນ,ສ່ວນຈຳນວນ ແຮງງານຜູ້ທີ່ມີຄວາມສະໝັກໃຈຢາກກັບປະເທດແມ່ນທຸກຄົນຕ້ອງໄດ້ກວດຫາເຊື້ອໂຄວິດ-19 ກ່ອນ ຖ້າພົບກໍລະນີຕິດເຊື້ອກໍຈະໄດ້ຮັບເຂົ້າປິ່ນປົວກ່ອນຈັດສົ່ງກັບຄືນປະເທດ

ຊຶ່ງມາປັດຈຸບັນ ທາງແຂວງບໍ່ແກ້ວສາມາດຈັດສົ່ງແຮງງານມຽນມາກັບຄືນປະເທດ ເປັນຊຸດທີ 4 ແລ້ວລວມມີຈຳນວນເກືອບ 500 ຄົນ,ພ້ອມນີ້, ທາງແຂວງກໍໄດ້ໃຫ້ການຊ່ວຍເຫລືອດ້ານເຂົ້າສານ-ອາຫານແຫ້ງ ໃຫ້ແກ່ແຮງງານລາວ ແລະ ມຽນມາ ໃນໄລຍະລັອດດາວເປັນຊຸດທີ 3 ແລ້ວ ແລະ ຍັງຈະສືບຕໍ່ຊ່ວຍເຫລືອຕໍ່ໄປ.

ຂໍ້ມູນຈາກ

About admin

Check Also

ຕົວະໃຫ້ເຂົາໂອນເງິນແລ້ວ ບໍ່ໃຫ້ວີແຊັດ

❌❌ເຕືອນໄພ ຄົນບໍ່ດີຊອກໂກງເອົາເງິນຄົນອຶ່ນ❌❌ ເງິນ 3 ແສນ ຍັງບໍ່ມີປັນຍາຫາເອງນໍ ເຊື່ອໃຈບໍ່ໄດ້ແທ້ໆ ເຄີຍຊື້ຂາຍວີແຊທນຳກັນມາຫຼາຍໄອດີແລ້ວ ບໍ່ຄິດວ່າຈະເປັນຄົນຊົ່ວບໍ່ມີຄວາມຮັບຜິດຊອບແບບນີ້. ❌❌ເຕືອນເພື່ອບໍ່ໃຫ້ຄົນອຶ່ນຕົກເປັນເຫຍື້ອອີກ❌❌ #ໃພຮູ້ເຫັນວ່າລາວຢູ່ໃສຊ່ວຍແຈ້ງບອກແດ່ ທີ່ມາ

Leave a Reply

Your email address will not be published.