Related Articles
ໄລຍະມີປະຈຳເດືອນເປັນໄລຍະທີ່ບອບບາງຂອງແມ່ຍິງແລະແມ່ຍິງຫຼາຍຄົນກໍ່ມີອາການແຕກຕ່າງກັນອອກໄປບາງຄົນເຈັບທ້ອງບາງຄົນບໍ່ເຈັບເລີຍບາງຄົນສິວຂຶ້ນຢາກກິນອາຫານລົດຈັດໜ້າເອິກໃຫຍ່ຂຶ້ນຫຼື ກະທັ້ງຫງຸດຫງິດງ່າຍກວ່າເກົ່າ.
ແຕ່ສຳລັບເລື່ອງ ນ້ຳເຢັນ ຫຼາຍຄົນອາດເຄີຍໄດ້ຍິນວ່າ ໄລຍະມີປະຈຳເດືອນບໍ່ຄວນດື່ມນ້ຳເຢັນ ແຕ່ມື້ນີ້ ເຮົາມີຄຳຕອບມາຝາກກັນ
ເອກະສານທາງການແພດຫຼາຍສະບັບ ລະບຸວ່າ ພູມຄຸ້ມກັນຂອງຜູ້ຍິງຈະລົດຕ່ຳລົງລະຫວ່າງມີປະຈຳເດືອນ ຈຶ່ງເປັນທີ່ມາຂອງຄຳແນະນຳທີ່ວ່າ ຜູ້ຍິງມີປະຈຳເດືອນ ຫ້າມດື່ມນ້ຳເຢັນ ຫ້າມກິນກະແລັມ ຫຼື ຫ້າມອາບນຳ້ເຢັນ ເພາະໃນຂະນະທີ່ຮ່າງກາຍເຮົາອ່ອນແອ ມັນຈະເຮັດໃຫ້ອຸນຫະພູມໃນຮ່າງກາຍຂອງເຮົາເຢັນລົງກວ່າປົກກະຕິ ເມື່ອນັ້ນ
ເຊື້ອໂລກທີ່ມີຢູ່ໃນຮ່າງກາຍແລ້ວນັ້ນ ຫຼື ມາຈາກສິ່ງແວດລ້ອມອ້ອມຕົວ ຈະສວຍໂອກາດໃນຕອນນີ້ ເຂົ້າມາທຳລາຍສຸຂະພາບຂອງເຈົ້າ ຈົນເຈັບປ່ວຍໄດ້ງ່າຍ ຖ້າບໍ່ຢາກໃຫ້ເປັນແບບນັ້ນ ເຮົາຕ້ອງໄດ້ມີວິທີປ້ອງກັນຄື ນອນຫຼັບໃຫ້ພຽງພໍ, ອອກກຳລັງກາຍຕາມປົກກະຕິ, ກິນອາຫານທີ່ມີປະໂຫຍດ, ດື່ມນ້ຳອຸ່ນ ຫຼື ນ້ຳໃນອຸນຫະພູມທຳມະດາເພື່ອຫຼຸດການປ່ຽນແປງຂອງອຸນຫະພູມໃນຮ່າງກາຍ,ລະມັດລະວັງໝັ່ນທຳຄວາມສະອາດເປັນປະຈຳປາກມົດລູກຈະເປີດຫຼາຍກວ່າເກົ່າແລະອາດເຮັດໃຫ້ຕິດເຊື້ອໄດ້ງ່າຍສຳລັບຜູ້ຊາຍທີ່ຢູ່ຂ້າງກາຍແມ່ຍິງທີ່ຢູ່ໃນໄລຍະມີປະຈຳເດືອນກໍ່ຄອຍຊ່ວຍເຫຼືອເບິ່ງແຍງເອົາໃຈໃສ່ແລະເຂົ້າໃຈຜູ້ຍິງແນ່ເດີ້
