ຊົມເຊີຍ​ ສະຖານທູດໄທ ມອບອຸປະກອນການແພດ ໃຫ້ລາວ ມູນຄ່າ 500,000 ບາດ

👏 ຊົມເຊີຍ 🇹🇭 🇱🇦 ສະຖານເອກອັກຄະຣາຊະທູດໄທ ປະຈຳ ສປປ ລາວ ມອບຊຸດເຄື່ອງນອນ ແລະ ເຄື່ອງໃຊ້ຈຳເປັນສຳລັບສະຖານທີ່ຈຳກັດບໍລະເວນ/ ໂຮງຫມໍສະຫນາມ ມູນຄ່າ 5 ແສນບາດ

ເພື່ອສະຫນັບສະຫນຸນການປ້ອງກັນການແຜ່ລະບາດຂອງພະຍາດໂຄວິດ 19 ຂອງ ສປປ ລາວໃນວັນທີ 22 ກັນຍາ 2021 ທ່ານ ເຈດສະດາ ກະຕະເວທິນ ເອກອັກຄະຣາຊະທູດໄທ ປະຈຳ ສປປ ລາວ ມອບຊຸດເຄື່ອງນອນ ຈຳນວນ 600 ຊຸດ, ຊຸດ PPE , ເຈວລ້າງມື ແລະ ຜ້າອັດປາກ-ດັງ ໃຫ້ແກ່ລັດຖະບານ ແຫ່ງ ສປປ ລາວ

ໂດຍມີ ດຣ. ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ ແລະ ຮອງຫົວຫນ້າຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19 ເປັນຜູ້ຕາງຫນ້າຮັບມອບ ທີ່ ກະຊວງສາທາລະນະສຸກ ແຫ່ງ ສປປ ລາວ ມູນຄ່າ 500.000 ບາດ ຫຼື ປະມານ 165 ລ້ານກີບ

ເພື່ອໃຊ້ປະໂຫຍດໃນການເບິ່ງແຍງຄົນເຈັບໃນໂຮງຫມໍສະຫນາມ ແລະ ແຮງງານທີ່ເດີນທາງກັບຈາກຕ່າງປະເທດ ແລະ ຢູ່ລະຫວ່າງການກັກໂຕ ທີ່ບໍລິເວນຊາຍແດນ ເພື່ອຫຼຸດຄວາມສ່ຽງໃນການແຜ່ເຊື້ອໂຄວິດ 19 ເປັນການສະແດງຄວາມເປັນຫ່ວງເປັນໃຍ ແລະ​ ສົ່ງກຳລັງໃຈຈາກພີ່ນ້ອງຊາວໄທສູ່ພີ່ນ້ອງຊາວລາວ ໃນຖານະມິດແທ້ ແລະ ເພື່ອນບ້ານທີ່ໃກ້ຊິດ.

ທັງນີ້ ການຊ່ວຍເຫຼືອຈາກປະເທດໄທທັງຈາກພາກລັດຖະບານ ພາກເອກະຊົນ ແລະ ພາກປະຊາຊົນ ເພື່ອຄວບຄຸມການແຜ່ລະບາດຂອງພະຍາດໂຄວິດ 19 ໃນ ສປປ ລາວ ຕັ້ງແຕ່ປີ 2020 ມີມູນຄ່າລວມທັງຫມົດກວ່າ 45 ລ້ານບາດ ຫຼື ປະມານ 15.000 ລ້ານກີບ

About admin

Check Also

ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ•

😱ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ •ເຊິ່ງທາງເຟສບຸກຂອງ Phonthida Loy ໄດ້ແຊປະສົບການຕົນເອງວ່າ: ຫາກະເຄີຍເຈີກັບໂຕເອງ ຍ້ອນກິນທ້ອມທຸກມື້ ຍ້ອນວ່າຢາກນອນຫລັບ ກິນເບຍໃສ່ຍາມໃດຕ້ອງອັດທ້ອມໃສ່ ຫມູ່ຄູ່ຮູ້ດີ ມາມື້ນີ້ ຂ້ອຍຄິດວ່າຂ້ອຍຊີເຊົາກິນ ເພາະມີອາການ ເມື່ອຍ …

Leave a Reply

Your email address will not be published. Required fields are marked *