Breaking News

ແຈ້ງເຕືອນພາຍຸໝຸນເຂດຮ້ອນດຽນມູ (Dianmu)

🌀⛈️ແຈ້ງເຕືອນພາຍຸໝຸນເຂດຮ້ອນດຽນມູ (Dianmu) ປະຈຳວັນທີ່ ວັນທີ 24/09/2021 !!!

ກົມ​ອຸຕຸນິຍົມ​ ແລະ​ ອຸທົກກະສາດ​ ລາຍງານວ່າ: ພາຍຸເຂດຮ້ອນ ດຽນມູ (Dianmu) ຫົວທີ 15, ໃນເວລາ 7 ໂມງເຊົ້າຂອງວັນທີ 24 ກັນຍາ 2021 ມີຢູ່ຈຸດສູນກາງຢູ່ເສັ້ນຂະໜານທີ 15.7 ອົງສາເໜືອ ແລະ ເສັ້ນແວງທີ 108.8 ອົງສາຕາເວັນອອກ ແລະ ຍັງເຄື່ອນທີ່ມາທາງທິດ ຕາເວັນຕົກ-ຕາເວັນຕົກສ່ຽງເໜືອດ້ວຍຄວາມໄວ 20 ກິໂລແມັດຕໍ່ຊົ່ວໂມງ ແລະ ຄວາມໄວສູງສຸດໃກ້ຈຸດສູນກາງແມ່ນ 18 ແມັດຕໍ່ວິນາທີ.

ພາຍຸຫົວນີ້ ຍັງຈະເຄື່ອນທີຢູ່ເຂດພາກໃຕ້, ພາກກາງ ແລະ ຈະສືບຕໍ່ຜ່ານພາກເໜືອດ້ານຕາເວັນຕົກ ຂອງປະເທດລາວ. ຊຶ່ງຈະເຮັດໃຫ້ມີຝົນຕົກໃນລະດັບປານກາງ ຫາ ຕົກໜັກ ແລະ ຕົກໜັກຫຼາຍ ພ້ອມມີລົມພັດແຮງຢູ່ບາງທ້ອງຖິ່ນເຊັ່ນ: ແຂວງ ອັດຕະປື, ຈຳປາສັກ, ເຊກອງ, ສາລະວັນ,​ ສະຫວັນນະເຂດ, ຄຳມ່ວນ, ປາກຊັນ, ໄຊສົມບູນ, ວຽງຈັນ,​ນະຄອນຫຼວງວຽງຈັນ ແລະ ໄຊຍະບູລີ.​

ແຈ້ງເຕືອນເຖີງພໍ່ແມ່ປະຊາຊົນບັນດາເຜົ່າທີ່ອາໄສຢູ່ບັນດາ ແຂວງ ດັ່ງກ່າວ ຈົ່ງມີສະຕິລະມັດລະວັງຕໍ່ສະພາບຝົນຕົກ
ໜັກ ທີ່ເຮັດໃຫ້ມີດິນເຈື່ອນ, ນ້ຳຖ້ວມຊູ, ນ້ຳຖ້ວມຍື່ງ ແລະ ລົມພັດແຮງ ຈະເຮັດໃຫ້ມີຕົ້ນໄມ້ຫັກລົ້ມ, ເຮືອນຊານເປ່ເພ ທີ່ຈະເກີດຂຶ້ນໄດ້ໃນໄລຍະນີ້.​

ພະຍາກອນອາກາດແຕ່ເວລາ 07 ໂມງເຊົ້າ ຂອງວັນທີ 24​ ກັນຍາ ຫາ ເວລາ 07 ໂມງເຊົ້າ ຂອງວັນທີ 25​ ກັນຍາ​ 2021.​ ພາກເໜືອດ້ານຕາເວັນອອກ (ແຂວງ ຜົ້ງສາລີ, ຫົວພັນ ແລະ ຊຽງຂວາງ): ຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍ ພ້ອມມີລົມພັດແຮງຢູ່ບາງທ້ອງຖິ່ນ ຫຼື ເນື້ອທີການປົກຫຸ້ມຂອງຝົນເທົ່າກັບ 50% ຂອງພາກ ອຸນຫະພູມໃນລະຫວ່າງ 18 – 28 ອົງສາ.

ພາກເໜືອດ້ານຕາເວັນຕົກ (ແຂວງ ຫຼວງນ້ຳທາ, ບໍ່ແກ້ວ, ອຸດົມໄຊ, ຫຼວງພະບາງ ແລະ ໄຊຍະບູລີ): ຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງ ຫາ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນ ຫຼື ເນື້ອທີການປົກຫຸ້ມຂອງຝົນເທົ່າກັບ 60% ຂອງພາກ ອຸນຫະພູມໃນລະຫວ່າງ 19 – 33 ອົງສາ.

ນະຄອນຫຼວງວຽງຈັນ: ຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງ ຫາ ຕົກໜັກ ພ້ອມລົມພັດແຮງຢູ່ບາງບໍລິເວນ ຫຼື ເນື້ອທີການປົກຫຸ້ມຂອງຝົນເທົ່າກັບ 60%. ອຸນຫະພູມໃນລະຫວ່າງ 23 – 32 ອົງສາ.

ພາກກາງ (ແຂວງ ວຽງຈັນ, ບໍລິຄຳໄຊ, ຄຳມ່ວນ ແລະ ສະຫວັນນະເຂດ): ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງ ຢູ່ເກືອບທົ່ວໄປ ແລະ ຈະມີຝົນຕົກໜັກ ຫາ ຕົກໜັກຫຼາຍ ພ້ອມມີລົມພັດແຮງຢູ່ບາງທ້ອງຖິ່ນ ຫຼື ເນື້ອທີການປົກຫຸ້ມຂອງຝົນເທົ່າກັບ 85% ຂອງພາກ. ອຸນຫະພູມໃນລະຫວ່າງ 21 - 33 ອົງສາ.

ແຂວງໄຊສົມບູນ: ຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍ ພ້ອມມີລົມພັດແຮງຢູ່ບາງບໍລະເວນ ຫຼື ເນື້ອທີການປົກຫຸ້ມຂອງຝົນເທົ່າກັບ 50%. ອຸນຫະພູມໃນລະຫວ່າງ 17 – 27 ອົງສາ.

ພາກໃຕ້ (ແຂວງສາລະວັນ, ເຊກອງ, ຈຳປາສັກ ແລະ ອັດຕະປື): ຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງຢູ່ທົ່ວໄປ ແລະ ຈະມີຝົນຕົກໜັກ ຫາ ຕົກໜັກຫຼາຍພ້ອມມີລົມພັດແຮງຢູ່ບາງທ້ອງຖິ່ນ ຫຼື ເນື້ອທີ່ການປົກຫຸ້ມຂອງຝົນເທົ່າກັບ 85% ຂອງພາກ.​ອຸນຫະພູມໃນລະຫວ່າງ 21 – 33 ອົງສາ.

ສຳລັບ ເຂດພູພຽງບໍລະເວນ: ຈະມີຝົນຕົກ ຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງຢູ່ທົ່ວໄປ ແລະ ຕົກໜັກ ພ້ອມມີລົມພັດແຮງຢູ່ບາງບໍລິເວນ ຫຼື ເນື້ອທີ່ການປົກຫຸ້ມຂອງຝົນເທົ່າກັບ 70 %. ອຸນຫະພູມໃນລະຫວ່າງ 15 – 26 ອົງສາ.

 

About admin

Check Also

ແຊຣ໌ຕໍ່ໆ ເຕືອນ​ພີ່ນ້ອງຊາວລາວທຸກຄົນ

ແຊຣ໌ເຕືອນ ພີ່ນ້ອງຊາວລາວທຸກຄົນ ລະວັງ​ນັກຕົ້ມຕຸນ ກ່ອນຈະສັ່ງຫຍັງຄວນເບິ່ງດີໆກ່ອນ​ ມີຜູ້ໃຊ້ເຟສ໌ທ່ານໜຶ່ງຝາກເຕືອນ ເພື່ອບໍ່ໃຫ້ຄົນອື່ນຕົກເປັນເຫຍື່ອ​ ໂດຍໄດ້ຝາກວ່າ: ຢາກໃຫ້ແອັດມິນລົງເຕືອນທຸກບໍໃຫ້ເຊື່ອກຸ່ມຄົນພວກນີ້​ ຂ້ອຍສັ່ງເຄື່ອງນຳເພິ່ນແຕ່ວັນທີ11ເພິ່ນວ່າເຄື່ອງຮອດລາວທີ15. ມື້ນີ້ວັນທີ18ແລ້ວມິດຢູ່.ຕິດຕໍຫາກະບໍໄດ້ ບັອກຂ້ອຍທູກຢ່າງ ອ່ານແຊັດທີ່ສົນທະນາກັນ ທີ່ມາ

Leave a Reply

Your email address will not be published. Required fields are marked *