ຂ່າວດ່ວນ ປກສ.ນວ​ ແຈ້ງເລື່ອງ​ ຄົນ​ ແລະ​ ພາຫະນະທີ່ອານຸຍາດຜ່ານບັນດາຈຸດກວດກາເຂົ້າ-ອອກ​ ນວ​

ປກສ.ນວ​ ແຈ້ງເລື່ອງ​ ຄົນ​ ແລະ​ ພາຫະນະທີ່ອານຸຍາດຜ່ານບັນດາຈຸດກວດກາເຂົ້າ-ອອກ​ ນວ​ ແລະ​ ໃນຕົວເມືອງ

ໃນວັນທີ​ 28​ ກັນຍາ​ 2021​ ຫ້ອງການກອງບັນຊາການ ປກສ ນະຄອນຫລວງວຽງຈັນ ໄດ້ອອກແຈ້ງການເພີ່ມເຕີມເຖິງ ຄະນະບັນຊາ ແລະ ພະນັກງານປະຈຳຈຸດກວດກາທາງເຂົ້າ-ອອກ ນະຄອນຫລວງວຽງຈັນ ແລະ ຈຸດກວດກາຕາມເສັ້ນທາງຕ່າງ ໃນນະຄອນຫລວງວຽຈັນ ສະບັບເລກທີ 564/ຫກ, ລົງວັນທີ 28 ກັນຍາ 2021 ກ່ຽວກັບຄົນ ແລະ ພາຫານະ ຄວນໄດ້ອະນຸຍາດຜ່ານບັນດາຈຸດກວດກາ ເຂົ້າ-ອອກ ນະຄອນ ຫລວງວຽງຈັນ ແລະ ໃນຕົວເມືອງ.

ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຢູ່ນະຄອນຫລວງວຽງຈັນ, ແຕ່ກໍ່ຍົກເວັ້ນໃຫ້ບຸກຄົນ ແລະ ນິຕິບຸກຄົນດັ່ງນີ້:

1.​ ການອານຸຍາດໃຫ້ຄົນ ແລະ ພາຫານະ ເດີນທາງປະຕູເຂົ້າ-ອອກນະຄອນຫລວງວຽງຈັນ ຕາມຈຸດກວດກາທາງບົກ: ລົດຂົນສົ່ງສິນຄ້າ ແລະ ລົດຂົນສົ່ງໂຄງການຕ່າງໆຂອງລັດຖະບານ; ບຸກຄົນທີ່ຖືກແຕ່ງຕັ້ງຈາກທາງການ ຫລື ອົງການຈັດຕັ້ງລັດໄປວຽກທາງລັດຖະການ; ຜູ້ທີ່ເຈັບເປັນ ຫລື ລົດແພດ; ບຸກຄົນທີ່ໄປທໍາການຜະລິດກະສິກໍາ ປູກຝັງ-ລ້ຽງສັດ ທີ່ໃກ້ຄຽງກັບບັນດາແຂວງທີ່ບໍ່ເປັນບ້ານແດງ.

2. ການອານຸຍາດຄົນ ແລະ ພາຫານະ ເດີນທາງພາຍໃນນະຄອນຫລວງ:

1) ພະນັກງານ ແລະ ພາຫານະ (ຕາມການແບ່ງປັນຂອງອົງການຈັດຕັ້ງທີ່ກ່ຽວຂ້ອງທີ່ມີການຢັ້ງຢືນ), ທະຫານ, ຕຳຫລວດ ທີ່ໄປປະຕິບັດໜ້າທີ່ຢູ່ກົມກອງ ຫລື ໄປເຮັດໜ້າທີ່ປ້ອງກັນໂຄວິດ;

2) ພະນັກງານ, ພາຫານະ (ລົດ) ຂອງບໍລິສັດທີ່ພົວພັນກັບການແພດ ແລະ ປິ່ນປົວຢາປົວພະຍາດ, ອາສາສະໝັກໜ່ວຍກູ້ໄພ, ອາສາສະໝັກເພື່ອປ້ອງກັນພະຍາດໂຄວິດ-19 ຢູ່ບັນສູນກັກກັນ-ສູນປິ່ນປົວ ທີ່ມີເອກະສານຢັ້ງຢືນ;

3) ພະນັກງານ ແລະ ພາຫານະ (ລົດ) ທີ່ໄປປະຕິບັດໜ້າທີ່ບໍລິການໄຟຟ້າ, ນ້ຳປະປາ, ການສື່ສານ-ໂທລະຄົມມານາຄົມ, ອະນາໄມເທດສະບານທີ່ມີເອກະສານຢັ້ງຢືນ (ນັບທັງອາສາສະໝັກຖ້າມີ);

4) ພະນັກງານສະເພາະກິດເພື່ອປ້ອງກັນ,​ຄວບຄຸມ ແລະ ສະກັດກັ້ນພະຍາດໂຄວິດ-19 ຂັ້ນຕ່າງໆ ມີເອກະສານຢັ້ງຢືນ;

5) ບຸກຄົນທີ່ໄປທໍາການຜະລິດກະສິກຳ ປູກຝັງ-ລ້ຽງສັດ ມີການຢັ້ງຢືນຈາກບ້ານ (ບໍ່ແມ່ນບ້ານແດງ) ແລະ ລະບຸພື້ນທີ່ການຜະລິດບໍ່ແມ່ນເຂດແດງ;

6) ພະນັກງານ, ພາຫານະ (ລົດ) ຂົນສົ່ງສິນຄ້າຂອງບໍລິສັດຂະໜາດກາງ ແລະ ຂະໜາດໃຫຍ່ ທີ່ມີເອກະສານອານຸຍາດດຳເນີນທຸລະກິດ;

7) ພະນັກງານຮັບໃຊ້ສະຖານທູດ, ອົງ ການສະຫະປະຊາຊາດ ທີ່ມີເອກະສານຢັ້ງຢືນ; 8) ສະເພາະຜູ້ເຈັບເປັນຕ້ອງໄປໂຮງໝໍ (ກໍລະນີພິເສດ).

 

About admin

Check Also

ຖ້າທາ່ນໃດບໍ່ໄດ້ສັກວັກຊີນ ຈະບໍ່ໃຫ້ເຂົ້າມາໃນຕະຫຼາດເດັດຂາດ

ນັບແຕ່ວຫນທີ່ 2/10/2011 ເປັນຕົ້ນໄປ ທາ່ນໃດບໍ່ໄດ້ສັກວັກຊີນ ຈະບໍ່ໃຫ້ເຂົ້າມານຕະຫຼາດເດັດຂາດ ສະບາຍດີ ລຸກຄ້າທຸກທາ່ນທີຈະເຂົ້າມາຈັບຈາ່ຍໃຊ້ສອຍຢູ່ຕະຫຼາດບືງທາດຫຼວງຂອງພວກເຮົາ .. ທາງຕະຫຼາດ ຂໍແຈ້ງໃຫ້ລູກຄ້າທຸກທ່ານຊາບວ່າ :ນັບແຕ່ວັນທີ 2/10/21 ເປັນຕົ້ນໄປແມ່ນໃຫ້ລຸກຄ້າແຈ້ງໄບສັກວັກຊິນ ຫຼື ຮູບຖາຍບັດໃຫ້ພະນັກງານທາງເຂົ້າກອ່ນຈະເຂົ້າມາໃນຕະຫຼາດບືງທາດຫຼວງ. …

Leave a Reply

Your email address will not be published. Required fields are marked *