Breaking News

ເລີ່ມແຕ່ເວລາ 21:00 ໂມງ-05:00 ໂມງ​ ໃຜລະເມີດສັນຈອນ ຈະຖຶກປັບ 3-10 ລ້ານກີບ/ຄົນ/ຄັ້ງ

ເລີ່ມແຕ່ເວລາ 21:00 ໂມງ-05:00 ໂມງ ເຈົ້າໜ້າທີ່ຈະລາຈອນ ນໍາໃຊ້ມາດຕະການຢ່າງເດັດຂາດຕໍ່ຜູ້ລະເມີດ

ພັທ ທອງສະຫວັດ ນາວົງທອງ ຮອງຫົວໜ້າພະແນກຕໍາຫຼວດຈະລາຈອນ ນະຄອນຫຼວງວຽງຈັນ ໄດ້ໃຫ້ຮູ້ວ່າ: ໃນວັນທີ 2 ຕຸລາ 2021

ພະແນກຕໍາຫຼວດຈະລາຈອນ ນະຄອນຫຼວງວຽງຈັນ ໄດ້ສົມທົບກັບກໍາລັງຈະລາຈອນ ປກສ 9 ຕົວເມືອງ ສືບຕໍ່ຕັ້ງດ່ານກວດກາພາຫະນະສັນຈອນໄປ-ມາ ຕາມທ້ອງຖະໜົນ ໂດຍອີງໃສ່ຄໍາສັ່ງເລກທີ 15/ນຍ, ແຈ້ງການເລກທີ 37/ຈນວ ລົງວັນທີ 30 ກັນຍາ 2021 ທີ່ລະບຸວ່າ:

ເລີ່ມແຕ່ວັນ 01-15 ຕຸລາ 2021 ແມ່ນໃຫ້ປິດການສັນຈອນຢູ່ບ້ານຕ່າງໆ ໃນ ນວ ເລີ່ມແຕ່ເວລາ 21:00 ໂມງ-05:00 ໂມງ ແລະ ຫ້າມພາຫະນະສັນຈອນໄປ-ມາຕາມທ້ອງຖະໜົນ; ຍົກເວັ້ນລົດຮັບໃຊ້ວຽກງານການແພດ, ລົດນໍາສົ່ງຄົນເຈັບ, ລົດດັບເພີງ, ລົດກູ້ໄພ, ລົດສ້ອມແປງໄຟຟ້າ-ນໍ້າປະປາ, ລົດສື່ມວນຊົນ, ລົດຄະນະສະເພາະກິດ, ລົດເຈົ້າໜ້າທີ່ປະຕິບັດງານ, ລົດຂົນສົ່ງສິນຄ້າ-ສະບຽງອາຫານ ແລະ ລົດທີ່ໄດ້ຮັບອະນຸຍາດຈາກຄະນະສະເພາະກິດ .

ຖ້າບຸກຄົນ ຫຼື ນິຕິບຸກຄົນ ທີ່ລະເມີດມາດຕະການຂອງຄະນະສະເພາະກິດຂັ້ນສູນກາງ, ນະຄອນຫຼວງວຽງຈັນ ແລະ ຄໍາສັ່ງສະບັບນີ້ ທາງເຈົ້າໜ້າທີ່ຈະປັບໃໝຢ່າງເຂັ້ມງວດ ແລະ ເດັດຂາດ ດັ່ງນີ້:

ບຸກຄົນລະເມີດ ປັບໃໝ 3.000.000 ກີບ/ຄົນ/ຄັ້ງ; ນິຕິບຸກຄົນ ໃຫ້ປັບໃໝ 10.000.000 ກີບ/ຄົນ/ຄັ້ງ.

ພະແນກຕໍາຫຼວດຈະລາຈອນ ນະຄອນຫຼວງວຽງຈັນ ຮຽກຮ້ອງມາຍັງປະຊາຊົນ ຜູ້ໃຊ້ລົດໃຊ້ຖະໜົນເວລາອອກຈາກບ້ານ ໃຫ້ເອົາໃຈໃສ່ປະຕິບັດກົດລະບຽບຈະລາຈອນ, ຄໍາສັ່ງ ແລະ ແຈ້ງການຂອງຂັ້ນເທີງວາງອອກຢ່າງເຂັ້ມງວດ ຖ້າບໍ່ມີຄວາມຈໍາເປັນກໍ່ໃຫ້ຢູ່ບ້ານ-ເຮືອນ ຈົນກວ່າຈະມີມາດຕະການຜ່ອນຜັນ ເພື່ອປ້ອງກັນພະຍາດໂຄວິດ-19 ທີ່ພວມລະບາດໃນປັດຈຸບັນ.

About admin

Check Also

ແຊ໌ເຕືອນໄພສັງຄົມ ນັບມື້ນັບປ່າເຖື່ອນ ຢູ່ຍາກອີ່ຫລີ🥹ຢາກໃຫ້ທຸກຄົນມີສະຕິລະວັງຕົວກັນໃຫ້ຫຼາຍກວ່ານີ້

📣 ເຕືອນໄພສັງຄົມ ນັບມື້ນັບປ່າເຖື່ອນ ຢູ່ຍາກອີ່ຫລີ🥹ຢາກໃຫ້ທຸກຄົນມີສະຕິລະວັງຕົວກັນໃຫ້ຫຼາຍກວ່ານີ້ ຂ້ອຍກະສຸດທີ່ແຕ່ຈະລະວັງແລ້ວ ເພາະເປັນຊ່ວງທີ່ຈະຮັບໃບປະກາດຄິດຢ້ານກັບເຫດການຫຼາຍໆຢ່າງ ຍັງມີເລື່ອງແບບນີ້ເກີດຂື້ນກັບໂຕເອງ . ຈັ່ງແມ່ນມຶງກ້າຄົນຫຼວງຄົນຫຼາຍຍັງບໍ່ຄິດຢ້ານ ສະຖານທີ່ແບບນີ້ຍັງບໍ່ເວັ້ນ ທີ່ເຫັນໃນວີດີໂອແມ່ນຂ້ອຍໄດ້ໄປຊື້ເຄື່ອງໃນຮ້ານມາແລ້ວກຳລັງຊິບໍລິຈາກຊ່ວຍເຫຼືອໄພນ້ຳຖ້ວມ ແຕ່ບຸກຄົນນີ້ໄດ້ພະຍາຍາມເຂົ້າມາລວນລາມຂ້ອຍຈາກທາງຫລັງໂດຍທີ່ບໍ່ທັນຕັ້ງໂຕ 😤 ຄລິບ ດີແຕ່ມັນບໍ່ໄດ້ຖືຂອງມີຄົມມາ …

Leave a Reply

Your email address will not be published.