Breaking News

ແຊຣ໌ບອກຕໍ່ໆ ໃນຂະນະທີ່ພວກເຮົານອນຫຼັບສະບາຍ ແຕ່ແພດໝໍເອົາໃຈໃສ່ເບິ່ງແຍງຜູ້ປ່ວຍ

ໃນຂະນະທີ່ພວກເຮົານອນຫຼັບສະບາຍແຕ່ແພດໝໍເອົາໃຈໃສ່ເບິ່ງແຍງຜູ້ປ່ວຍຕະຫຼອດທັງເວັນທັງຄືນ ຜັດປ່ຽນກັນບໍ່ເຄີຍຫຼັບເຕັມອີ່ມເຕັມຕາ

ໃນຂະນະທີ່ພວກເຮົາໄດ້ຢູ່ກັບຄອບຄົວກິນເຂົ້າຮ່ວມກັນຢ່າງຄົບໜ້າສ່ວນເຈົ້າໜ້າທີ່​ຕຳຫຼວດ​ ທະຫານ​ ແພດໝໍ​ ແລະ​ ອາສາສະໝັກ​ ຕ້ອງຫ່າງຈາກຄອບຄົວໄປເວນຍາມຕາມເສັ້ນທາງ,​ ຕາມຊາຍແດນ ແລະ​ ຮັບສົ່ງຄົນເຈັບຈົນເດິກດື່ນ ສຸດທ້າຍໄດ້ກັກໂຕຢູ່ສູນ

ໃນຂະນະທີ່ພວກເຮົາກິນເຂົ້າແຊບສາມາດແຕ່ງອາຫານຕາມໃຈມັກແຕ່ຂະນະດຽວກັນ ແພດໝໍ​ ເຈົ້າໜ້າທີ່ຄະນະສະເພາະກິດຕ້ອງກິນເຂົ້າໃນກ່ອງທີ່ຄົນອື່ນເຮັດມາແຈກກິນອາຫານທີ່ທາງການຈັດມາໃຫ້ ດ້ວຍລົດຊາດທີ່ຖືກປາກແດ່ບໍ່ຖືກປາກແດ່ແຕ່ກໍຕ້ອງກິນເພື່ອໃຫ້ມີຊີວິດຢູ່

ເຮົາ​ຢູ່ເຮືອນ​ ສາມາດເຮັດປັອກໆແປັກໆໄດ້ຕາມໃຈຈັບປຶ້ມທີ່ຢາກອ່ານມາດົນອອກມາອ່ານໄດ້ເວົ້ານຳລູກໃນສິ່ງທີ່ຢາກເວົ້າມາດົນຢາກເຮັດສິ່ງໃດໃຫ້ກັບພໍ່ແມ່ທີ່ຕັ້ງໃຈໄວ້ຜົວເມຍໄດ້ຢູ່ນຳກັນ

ແຕ່ກົງກັນຂ້າມກັບແພດໝໍທີ່ປະຈຳການຢ່າງຕໍ່າ 15​ ມື້,​ ກັກບໍລິເວນ​ອີກ​ 15​ ມື້ຢູ່ກັບຄອບຄົວບໍ່ເຖິງເດືອນກໍຕ້ອງປະຈຳການອີກເຮັດວຽກຢູ່ບົນຄວາມສ່ຽງຕິດເຊື້ອພະຍາດເຫັນຄອບຄົວຜ່ານທາງໂທລະສັບຈັບໂທລະສັບດົນກໍຖືກມອງວ່າບໍ່ໃສ່ໃຈຄົນປ່ວຍເຮັດບໍ່ທັນໃຈຄົນເຈັບກໍວ່າຂາດຈັນຍາບັນເຮົາລອງມາຄິດທຽບເຮົາໃສ່ກັບພວກເຂົາເຫຼົ່ານັ້ນລອງເບິ່ງ

ການທີ່ເຮົາລະເມີດມາດຕະການການອອກໄປເລາະ​ສັງສັນ​ ບຸມແຊວເປັນການສ້າງຄວາມໜັກໃຈໃຫ້ພວກເຂົາຜູ້ປະຕິບັດໜ້າທີ່ເຮົາມີຄວາມສຸກດີບໍ່?​ເຮົາສະໜຸກສະໜານພໍບໍ່ທີ່ເຮັດໃຫ້ເຂົາຕ້ອງໜັກໃຈຍ້ອນພຶດຕິກຳຂອງເຮົາ?

About admin

Check Also

ເປັນກຳລັງໃຈໃຫ້ຊາວກະສິກອນ!ຜົນຈາກພາຍຸ ເຮັດໃຫ້ນ້ຳຖ້ວມສວນຜັກຂອງຊາວກະສິກອນ ຢູ່ເມືອງປາກຊ່ອງ ແຂວງຈຳປາສັກ.

ເປັນກຳລັງໃຈໃຫ້ຊາວກະສິກອນ! ຜົນຈາກພາຍຸ ເຮັດໃຫ້ນ້ຳຖ້ວມສວນຜັກຂອງຊາວກະສິກອນ ຢູ່ເມືອງປາກຊ່ອງ ແຂວງຈຳປາສັກ. ປັດຈຸບັນ, ນ້ຳຍັງບໍ່ບົກລົງ ຄາດຄະເນຜົນເສຍຫາຍ ຈາກຜັກເໜົ່າ ມູນຄ່າກວ່າ 20ລ້ານກີບນອກນີ້, ຍັງມີສວນກາເຟພວມປູກໃໝ່ເຄິ່ງເຮັກຕ້າ. ຄລິບ ອັບເດດ 29/09/2022(ພາບຂ່າວຈາກ …

Leave a Reply

Your email address will not be published.