ຜັກຂະແຍງ ຫລືອະສຸ່ຍຝູໂຫຍງ ທີ່ຄົນຈີນນິຍົມເອີ້ນ ເປັນພັນໄມ້ລົ້ມລຸກຈັດຢູ່ໃນວົງທຽນເກັດຫອຍ ມັກພົບເຫັນທົ່ວໄປໃນນາເຂົ້າຫລືຄັນນາບໍລິເວນທີ່ມີນ້ຳຂັງນ້ອຍໆ.
ລັກສະນະລຳຕົ້ນກົມກວງແລະເປັນຂໍ້ໆ ສູງປະມານ 30-70 ເຊັນຕິແມັດ ລຳຕົ້ນທອດເລື້ອຍ ຜິວກ້ຽງ ເມື່ອນຳມາຫັກຈະມີກິ່ນຫອມສຸນແລະເຜັດຮ້ອນ.
ອອກດອກແລະຕິດໃນຊ່ວງປະມານເດືອນ ມີນາ – ກັນຍາ ໃບເປັນໃບດຽວ ອອກລຽງກົງກັນຂ້າມກັນເປັນຄູ່ໆ ໄປຕາມຂໍ້ທຸກຂໍ້ຕະຫລອດລຳຕົ້ນຮູບໃບຫອກ ປາຍໃບແຫຼມ ໃບຫໍ່ຕິດກັບລຳຕົ້ນ ໃບມີຂະໜາດກວ້າງປະມານ 3 – 15 ມິນລິແມັດ ແລະ ຍາວປະມານ 1 – 5 ເຊັນຕິແມັດ ແຜ່ນໃບເປັນສີຂຽວ ເສັ້ນໃບເປັນແບບຂົນນົກ ບໍ່ມີກ້ານໃບ.
ອອກດອກດຽວຕາມຊອກໃບ ລັກສະນະຂອງດອກເປັນຮູບກວຍ ຍາວປະມານ 0.5 ນິ້ວ ແຍກອອກເປັນກີບ 4 ກີບ ມີລົດເຜັດຮ້ອນ ກິ່ນຫອມສຸນ ຊ່ວຍເຮັດໃຫ້ກິນອາຫານໄດ້ຫຼາຍ ຫຼຸດອາການເບື່ອອາຫານ ເປັນຢາພື້ນບ້ານປ້ອງກັນເສັ້ນເລືອດຕີບຕັນແລະຮ້ອນໃນ ຂະຫຍາຍພັນໂດຍໃຊ້ເມັດ.
