Facebook ລົ້ມ 6 ຊົ່ວໂມງ ກະທົບຫຸ້ນບໍລິສັດຫລຸດລົງເກືອບ 5% Mark ຊັບສິນຫລຸດລົງທັນທີ 6 ພັນລ້ານໂດລາ

ສ້າງຄວາມວຸ້ນວາຍໄປທົ່ວໂລກ ຫລັງຄໍ່າຄືນວັນທີ 4 ຕຸລາ 2021 ຜ່ານມາ Facebook ແລະ ແພກຟອມໂຊຊຽວມີເດຍໃນເຄືອຂ່າຍ ຄືເມສເຊນເຈີ, ອິນສະຕາແກມ ແລະ ວອດແອັບ ລົ້ມທົ່ວໂລກ.

ເຊິ່ງເຮັດໃຫ້ຜູ້ໃຊ້ເຟສບຸກ 3 ພັນກວ່າລ້ານບັນຊີ ລວມທັງຜູ້ໃຊ້ໃນແພກຟອມໃນເຄືອຂ່າຍ ບໍ່ສາມາດໃຊ້ໄດ້ເປັນເວລາ 6 ຊົ່ວໂມງ ໂດຍຢູ່ລາວນັບແຕ່ເວລາ 22:40 ໂມງ ຖືເປັນເຫດການຮ້າຍແຮງທີ່ສຸດຂອງເຟສບຸກນັບແຕ່ປີ 2008.ແລະ ຈາກເຫດການດັ່ງກ່າວສົ່ງຜົນໃຫ້ເກີດແຮງເທຂາຍຫຸ້ນຂອງບໍລິສັດໂຊຊຽວມີເດຍຍັກໃຫຍ່ນີ້ ຈົນຫຸ້ນຂອງເຟສບຸກຫລຸດລົງ 4,9%.

ສົ່ງຜົນໃຫ້ ມາຣກ ຊັກເຄີເບິກ ຜູ້ບໍລິຫານເຟສບຸກ ຊັບສິນຫລຸດລົງຫລາຍກວ່າ 6 ພັນລ້ານໂດລາສະຫະລັດ ພາຍໃນເວລາບໍ່ເທົ່າໃດຊົ່ວໂມງ.

ທັງຍັງສົ່ງຜົນໃຫ້ອັນດັບມະຫາເສດຖີຂອງລາວຫລຸດລົງມາສູ່ອັນດັບ 5 ຂອງໂລກ ຕາມຫລັງ ບິລ ເກດ ຕາມການຈັດອັນດັບຂອງບລູມເບິກ ໂດຍ ມາຣກ ມີຊັບສິນຫລຸດລົງມາຢູ່ 1,22 ແສນລ້ານໂດລາ ຈາກອາທິດກ່ອນໜ້ານີ້ລາວມີຊັບສິນຢູ່ເກືອບ 1,40 ແສນລ້ານໂດລາ.

ທັງນີ້ ຖ້າເບິ່ງນັບແຕ່ກາງເດືອນກັນຍາເປັນຕົ້ນມາ ຫຸ້ນເຟສບຸກຫລຸດລົງປະມານ 15% ແລ້ວ ຫລັງຜະເຊີນກະແສຂ່າວລົບທີ່ມີຜູ້ແຈ້ງເບາະແສອອກມາແສເລື່ອງລາວຕ່າງໆ ຈົນເຖິງເຫດການລະບົບລົ້ມຄັ້ງຫລ້າສຸດ.

ໂດຍໃນວັນທີ 13 ກັນຍາຜ່ານມາ Wall Street Journal ໄດ້ເລີ່ມເຜີຍແຜ່ຂໍ້ມູນຕ່າງໆທີ່ບອກວ່າມາຈາກໄຟລ໌ເອກະສານພາຍໃນຂອງເຟສບຸກ ທີ່ເຮັດໃຫ້ເຫັນວ່າເຟສບຸກເຊື່ອງບັນຫາກ່ຽວກັບໂປຣດັກໄວ້ຈຳນວນຫລາຍ ບໍ່ວ່າຈະເປັນ

ອັນຕະລາຍຂອງອິນສະຕາແກຣມຕໍ່ສຸຂະພາບຈູດຂອງເດັກສາວໄວລຸ້ນ.

ຂໍ້ມູນຜິດໆກ່ຽວກັບການຈະລາຈົນ Capitol ເມື່ອວັນທີ 6 ມັງກອນ.ການພະຍາຍາມເພີ່ມປະສິດທິພາບອັລກໍຣິທີມໃຫ້ດັນຄອນເທນທີ່ສ້າງຄວາມກຽດຊັງ.

ໂດຍລາຍງານດັ່ງກ່າວໄດ້ຮັບຄວາມສົນໃຈຈາກເຈົ້າໜ້າທີ່ຂອງລັດ ແລະ ໃນວັນທີ 4 ຕຸລາຜ່ານມາ ຜູ້ແຈ້ງເບາະແສໄດ້ເປີດເຜີຍຕົນເອງແລ້ວ.ຂະນະທີ່ເຟສບຸກອອກມາຕອບກັບໂດຍເນັ້ນວ່າ:

ບັນຫາທີ່ຜະລິດຕະພັນຂອງຕົນຜະເຊີນ ເຊິ່ງລວມທັງການແບ່ງຂົ້ວທາງການເມືອງ ມີຄວາມສັບຊ້ອນ ແລະ ບໍ່ໄດ້ເກີດຈາກເຕັກໂນໂລຊີພຽງຢ່າງດຽວ.

ອ້າງອີງ:https://www.bloomberg.com/…/zuckerberg-loses-7-billion

About admin

Check Also

ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ•

😱ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ •ເຊິ່ງທາງເຟສບຸກຂອງ Phonthida Loy ໄດ້ແຊປະສົບການຕົນເອງວ່າ: ຫາກະເຄີຍເຈີກັບໂຕເອງ ຍ້ອນກິນທ້ອມທຸກມື້ ຍ້ອນວ່າຢາກນອນຫລັບ ກິນເບຍໃສ່ຍາມໃດຕ້ອງອັດທ້ອມໃສ່ ຫມູ່ຄູ່ຮູ້ດີ ມາມື້ນີ້ ຂ້ອຍຄິດວ່າຂ້ອຍຊີເຊົາກິນ ເພາະມີອາການ ເມື່ອຍ …

Leave a Reply

Your email address will not be published. Required fields are marked *