ເຈົ້າ​ໜ້າທີ່​ ຈັບໄດ້ຊາຍມີຂອງກາງ 192 ເມັດ

ຈະລາຈອນ ກຳລັງປະຕິບັດໜ້າທີ່ ກວດພົບຊາຍທີ່ຕ້ອງສົງໃສ ມີຂອງກາງຢາບ້າ 192 ເມັດ

ໃນຂະນະກຳລັງປະຕິບັດໜ້າທີ່ ຂອງຕຳຫຼວດຈະລາຈອນ ເມືອງສີໂຄດຕະບອງ ຢູ່ຈຸດດ່ານກວດກາເຂົ້າ-ອອກເມືອງ ຖະໜົນ T2, ເວລາ 19:00 ໂມງ ຂອງວັນທີ 3 ຕຸລາ 2021, ກໍາລັງຈາລະຈອນ ໄດ້ພົບເຫັນລົດຈັກເວບ 100 ສີແດງ-ດຳ ໝາຍເລກທະບຽນ ດສ 8580 ຂັບຂີ່ມາແຕ່ໄຟແດງດົງປ່າສັກ ມຸ່ງໜ້າຈະຜ່າດ່ານກວດກາ ໄປຖະໜົນໜອງດ້ວງ ຕຳຫຼວດຈາລະຈອນ ຈິ່ງໄດ້ຂໍຄວາມຮ່ວມມື ໃຫ້ຢຸດຈອດເພື່ອກວດກາ ແລະ ສອບຖາມ ເວລານັ້ນຈິ່ງເຫັນວ່າ:

ຜູ້ຂັບລົດຄັນດັ່ງກ່າວ ບໍ່ມີເອກະສານຢັ້ງຢືນຫຍັງ ແລະ ມີທ່າທາງພິຫຼຸດ ເຈົ້າໜ້າທີ່ຈິ່ງຂໍຄົ້ນຕົວ ພົບເຫັນຢາບ້າໃນຖົງໂສ້ງ 192 ເມັດ. ຜ່ານການສອບຖາມເບື້ອງຕົ້ນ ທ້າວ ສຸກ ຮັບສາລະພາບວ່າ: ຢາບ້າ 192 ເມັດ, ເປັນຂອງຊາຍຄົນໜຶ່ງ ຫາຄວາມຊ່ວຍເຫຼືອເອົາໄປສົ່ງໃຫ້ຜູ້ທີ່ສັ່ງຊື້ ຢູ່ເຂດຖະໜົນ T2 ດ້ວຍການແລກປ່ຽນຕອບແທນຄ່າແຮງງານ ເຈົ້າຂອງຢາບ້າຊື້ເບຍໃຫ້ກິນ 3 ແກ້ວ,

ໃນເວລາກຳລັງນຳເອົາຢາບ້າໄປສົ່ງ ຈິ່ງຖືກເຈົ້າໜ້າທີ່ກວດພົບເຫັນ ແລ້ວນຳຕົວມາສອບສວນ, ກ່ອນຖືກກັກຕົວ ທ້າວ ສຸກ ມີການພົວພັນຊື້-ຂາຍ ແລະ ເສບຢາບ້າ ວັນລະ 1-2 ເມັດ ເປັນປະຈໍາ.

ຈາກນັ້ນ ຕຳຫຼວດຈະລາຈອນ ປະຈໍາດ່ານກວດກາຖະໜົນ T2 ຈິ່ງໄດ້ສົ່ງໃຫ້ ກອງບັນຊາການ ປກສ ເມືອງສີໂຄດຕະບອງ ສືບຕໍ່ເປີດກວ້າງຂະຫຍາຍຜົນ ສືບຄົ້ນຫາກຸ່ມແກ້ງ ພັກພວກມາດຳເນີນຄະດີຕາມກົດໝາຍ, ສ່ວນຜົນຂອງການດຳເນີນຄະດີ ພາຍຫຼັງສຳເລັດ ຈະລາຍງານໃຫ້ຊາບຕື່ມ.

ກອງບັນຊາການ ປກສ ນວ ຮຽກຮ້ອງມາຍັງພົນລະເມືອງທຸກຄົນ ຈົ່ງມີສ່ວນຮ່ວມເຂົ້າໃນວຽກງານຮັກສາຄວາມສະຫງົບ ເພື່ອຊ່ວຍກັນຕ້ານສະກັດກັ້ນການກະທໍາທີ່ແຕະຕ້ອງສາຍພົວພັນສັງຄົມ ທີ່ກົດໝາຍກຳນົດໄວ້

ຖ້າພົບເຫັນປະກົດການຫຍໍ້ທໍ້ຕ່າງໆເກີດຂຶ້ນສາມາດແຈ້ງໄດ້ 2 ຊ່ອງທາງຄື: ແຈ້ງມາເບີວ໋ອດແອບ 020: 2889 9774 ຫຼື ທາງເຟັສບຸກ ປກສ ນວ.

About admin

Check Also

ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ•

😱ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ •ເຊິ່ງທາງເຟສບຸກຂອງ Phonthida Loy ໄດ້ແຊປະສົບການຕົນເອງວ່າ: ຫາກະເຄີຍເຈີກັບໂຕເອງ ຍ້ອນກິນທ້ອມທຸກມື້ ຍ້ອນວ່າຢາກນອນຫລັບ ກິນເບຍໃສ່ຍາມໃດຕ້ອງອັດທ້ອມໃສ່ ຫມູ່ຄູ່ຮູ້ດີ ມາມື້ນີ້ ຂ້ອຍຄິດວ່າຂ້ອຍຊີເຊົາກິນ ເພາະມີອາການ ເມື່ອຍ …

Leave a Reply

Your email address will not be published. Required fields are marked *