ຊົມເຊີຍ​ ຂ່າວດີ ປະເທດ​ອົດສະຕຣາລີ​ເພີ່ມ​ທຶນ ການສຶກສາໃຫ້ລາວ

ຂ່າວດີ ໃນວັນທີ 06 ຕຸ​ລາ 2021, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດແຫ່ງ ສປປ ລາວ

ໄດ້ສົນທະນາທາງໂທລະສັບກັບ ທ່ານ ນາງ ມາຣີສ ເພນ (Marise Payne), ລັດຖະມົນຕີກະຊວງການຕ່າງປະເທດ ແລະ ລັດຖະມົນຕີຮັບຜິດຊອບວຽກງານແມ່ຍິງ ອົດສະຕຣາລີ ທີ່

ກະຊວງການຕ່າງປະເທດ ເພື່ອສືບຕໍ່ຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງສອງປະເທດ ລາວ ແລະ ອົດສະຕຣາລີ.

ໃນການໂອ້ລົມໂທລະສັບທາງໄກໃນຄັ້ງນີ້, ທັງສອງຝ່າຍໄດ້ຕີລາຄາສູງ ແລະ ຢໍ້າຄືນ ເຖິງສາຍພົວພັນມິດຕະພາບອັນຍາວນານ ແລະ ການຮ່ວມມືອັນດີງາມຕະຫຼອດໄລຍະຜ່ານມາ ຂອງສອງປະເທດ

ນັບຕັ້ງແຕ່ສອງປະເທດໄດ້ສ້າງຕັ້ງສາຍພົວພັນການທູດນໍາກັນໃນວັນທີ 15 ມັງກອນ 1952, ຊຶ່ງທັງສອງຝ່າຍ ຈະຮ່ວມກັນສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ ແລະ ອົດສະຕຣາລີ ຄົບຮອບ 70 ປີ ໃນປີ 2022 ທີ່ຈະມາເຖິງນີ້ຢ່າງຟົດຟື້ນ ແລະ ມີຄວາມໝາຍ.

ໃນໂອກາດນີ້, ທ່ານລັດຖະມົນຕີ ສະເຫຼີມໄຊ ກົມມະສິດ ໄດ້ຕາງໜ້າໃຫ້ລັດຖະບານ ແລະ ປະຊາຊົນລາວ ສະແດງຄວາມຮູ້ບຸນຄຸນ ແລະ ຂອບໃຈເປັນຢ່າງຍິ່ງ ຕໍ່ລັດຖະບານ ແລະ ປະຊາຊົນອົດສະຕຣາລີ ທີ່ໄດ້ໃຫ້ການສະໜັບສະໜູນ ແລະ ຊ່ວຍເຫຼືອ

ເພື່ອການພັດທະນາ (ODA) ແກ່ ສປປ ລາວ ໃນຂົງເຂດຕ່າງໆ ໃນຊຸມປີທີ່ຜ່ານມາ​ໂດຍສະເພາະ​ ນັບແຕ່ປີ 2022 ເປັນຕົ້ນໄປ ລັດຖະບານອົດສະຕຣາລີ ຈະເພີ່ມທຶນການສຶກສາ ຈາກ 30 ທຶນ ​ເປັນ 60 ທຶນ ຕໍ່ປີ ແລະ ລວມເຖິງການຊ່ວຍເຫລືອເພີ່ມຕື່ມ ຂອງ ອົດສະຕຣາລີ

ທາງດ້ານເຕັກນິກການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໃນໄລຍະຜ່ານມາ ແລະ ແຜນການ​ຊ່ວຍ​​ເຫຼືອ​ໃນອະນາຄົດຕໍ່ໜ້າ.

ໃນ​ໂອກາດດັ່ງກ່າວ, ທັງສອງຝ່າຍ ​ໄດ້​ຢໍ້າຄືນ ທີ່​ຈະ​ເຮັດ​ວຽກຢ່າງ​ໃກ້ຊິດ​ຮ່ວມ​ກັບປະ​ເທດ​ສະມາຊິກ​ອາຊຽນ ​ແລະ ອົດ​ສະຕຣາລີ ​​​ເພື່ອ​ເຮັດ​ໃຫ້ການການ​ພົວພັນ​​ຮ່ວມ​ມື ອາ​ຊຽນ-ອົດ​ສະຕຣາລີ ​​​

ກ້າວ​ຂຶ້ນສູ່​ລະດັບ​ໃໝ່ໃນ​ໂອກາດ ​ທີ່ ສປປ ລາວ ເປັນ​ປະ​ເທດ​ຜູ້​ສານ​ງານ ອາ​ຊຽນ-ອົດ​ສະຕຣາລີ ​ປີ 2021-2024 ​ລວມທັງ​ຂໍ້​ສະ​ເໜີ ຂອງ ອົດ​ສະຕຣາລີ ໃນການ​ຍົກ​ລະດັບ ​ການພົວພັນ​ຮ່ວມ​ມື ອາ​ຊຽນ-ອົດ​ສະຕຣາລີ ຈາກ​ຄູ່ຮ່ວມມື​ຍຸດ​ທະ​ສາດ ຂຶ້ນ​ເປັນ​ຄູ່​ຮ່ວມມື​​ຍຸດ​ທະ​ສາດ​ຮອບດ້ານ.

ພ້ອມ​ກັນ​ນີ້, ທ່ານ​ ສະເຫຼີມໄຊ ກົມມະສິດ ຍັງໄດ້​ສະ​ແດງ​ຄວາມ​ຂອບ​ໃຈ ຝ່າຍ​ອົດ​ສະຕຣາລີ ທີ່​ໄດ້​ໃຫ້ການ​ສະໜັບສະໜູນ ​ແລະ ຊ່ວຍ​ເຫຼືອ​ແກ່ ສປປ ລາວ ​ໃນ​ການ​ກະກຽມ​​ເປັນ​ປະທານ​ອາ​ຊຽນ ປີ 2024

​ໂດຍ​ສະ​ເພາະ​ແມ່ນ​ການ​ສົ່ງ​ພະນັກງານ ສປປ ລາວ ​ໄປ​ຝຶກ​ງານ​ທີ່​ສຳນັກງານ​ຜູ້ຕາງໜ້າ​ຖາວອນ ​ແຫ່ງ ສປປ ລາວ ປະຈຳ​ອາ​ຊຽນ.

ນອກຈາກນີ້, ສອງຝ່າຍ ຍັງໄດ້ປືກສາຫາລືເພື່ອຮັດແໜ້ນການຮ່ວມມື ໃນຂົງເຂດພາກພື້ນ ແລະ ສາກົນ ທີ່ສອງຝ່າຍມີຄວາມສົນໃຈຮ່ວມກັນ.

ຂໍ້ມູນ: ກະຊວງການຕ່າງປະເທດ

ຮູບພາບ: Twitter ຂອງ Marise Payne

About admin

Check Also

ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ•

😱ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ •ເຊິ່ງທາງເຟສບຸກຂອງ Phonthida Loy ໄດ້ແຊປະສົບການຕົນເອງວ່າ: ຫາກະເຄີຍເຈີກັບໂຕເອງ ຍ້ອນກິນທ້ອມທຸກມື້ ຍ້ອນວ່າຢາກນອນຫລັບ ກິນເບຍໃສ່ຍາມໃດຕ້ອງອັດທ້ອມໃສ່ ຫມູ່ຄູ່ຮູ້ດີ ມາມື້ນີ້ ຂ້ອຍຄິດວ່າຂ້ອຍຊີເຊົາກິນ ເພາະມີອາການ ເມື່ອຍ …

Leave a Reply

Your email address will not be published. Required fields are marked *