Breaking News

ຂ່າວດີ ແຈ້ງການເຖິງ ພົນລະເມືອງລາວ, ພະສົງລາວ​ ທີ່ຢູ່ໄທ

ແຈ້ງການເຖິງ: ພົນລະເມືອງລາວ, ພະສົງລາວ, ນັກສຶກສາລາວ ແລະ ແຮງງານລາວ ໃນກຸງເທບມະຫານະຄອນ.

ເລື່ອງ: ການສັກຢາວັກຊີນຕ້ານເຊື້ອພະຍາດໂຄວິດ-19.

ສະຖານເອກອັກຄະລັດຖະທູດແຫ່ງ ສປປ.ລາວ ປະຈຳຣາຊະອານາຈັກໄທ ຂໍແຈ້ງມາຍັງພົນລະເມືອງລາວ, ພະສົງລາວ, ນັກສຶກສາລາວ ແລະ ແຮງງານລາວ ທີ່ຢູ່ໃນກຸງເທບມະຫານະຄອນ ຊາບວ່າ:

ສະຖານເອກອັກຄະລັດຖະທູດແຫ່ງ ສ.ປ.ປ ລາວ ຈະຮ່ວມກັບສຳນັກງານກຸງເທບມະຫານະຄອນ ແລະ ໂຄງການຈິດອາສາຮັກສາພະຍາດ, ໂຄວິດ-19 ເພື່ອມິດຕະພາບ ລາວ-ໄທ 70 ປີ ຈະຈັດສັກຢາວັກຊີນໃຫ້ແກ່ພົນລະເມືອງລາວ, ພະສົງລາວ, ນັກສຶກສາລາວ ແລະ ແຮງງານລາວ

ທີ່ຢູ່ໃນເຂດກຸງເທບມະຫານະຄອນ ໃນໄລຍະແຕ່ວັນທີ 26-28 ຕຸລາ 2021, ເວລາ 09:00-16:00 ໂມງ ທີ່ສູນ SCG (ເອສຊີຈິ) ອາຄານເລກທີ 30 ເຂດບາງຊື່, ໂດຍຈະສັກຢາວັກຊີນແບບປະສົມຄື:

ເຂັ້ມທີ່ໜຶ່ງສັກຢາວັກຊີນ SinoVac ແລະ ຕໍ່ໄປຈະສັກຢາວັກຊີນ AstraZeneda ເປັນເຂັມທີສອງ, ສະນັ້ນ,

ຈຶ່ງແຈ້ງມາຍັງບັນດາທ່ານຜູ້ທີ່ມີຄວາມປະສົງ ແລະ ສະໜັກໃຈຈະຮັບການສັກຢາວັກຊີນໃຫ້ປະຕິບັດດັ່ງນີ້:

1. ບຸກຄົນທີ່ຈະໄດ້ຮັບການສິດວັກຊີນ ຈະຕ້ອງໄດ້ລົງທະບຽນຜ່ານ ລະບົບ QR Code ທີ່ຄັດຕິດມາພ້ອມນີ້ ແລະ ທ່ານສາມາດລົງທະບຽນໄດ້ເລີ່ມແຕ່ວັນທີ 07-17 ຕຸລາ 2021 ເທົ່ານັ້ນ;

2. ໃຫ້ນຳເອົາໜັງສືຜ່ານແດນ(Passport) ແລະ ບັດສີຊົມພູ ທີ່ອອກໃຫ້ໂດຍທາງການໄທ ເພື່ອໄປຢັ້ງຢືນໃນການລົງທະບຽນຂໍສັກຢາວັກຊີນຄັ້ງນີ້;

ດັ່ງນັ້ນ, ຈຶ່ງແຈ້ງມາຍັງພົນລະເມືອງລາວ, ພະສົງລາວ, ນັກສຶກສາລາວ ແລະ ແຮງງານລາວ ເພື່ອຮັບຊາບຕາມທາງຄວນ.

About admin

Check Also

ເປັນກຳລັງໃຈໃຫ້ຊາວກະສິກອນ!ຜົນຈາກພາຍຸ ເຮັດໃຫ້ນ້ຳຖ້ວມສວນຜັກຂອງຊາວກະສິກອນ ຢູ່ເມືອງປາກຊ່ອງ ແຂວງຈຳປາສັກ.

ເປັນກຳລັງໃຈໃຫ້ຊາວກະສິກອນ! ຜົນຈາກພາຍຸ ເຮັດໃຫ້ນ້ຳຖ້ວມສວນຜັກຂອງຊາວກະສິກອນ ຢູ່ເມືອງປາກຊ່ອງ ແຂວງຈຳປາສັກ. ປັດຈຸບັນ, ນ້ຳຍັງບໍ່ບົກລົງ ຄາດຄະເນຜົນເສຍຫາຍ ຈາກຜັກເໜົ່າ ມູນຄ່າກວ່າ 20ລ້ານກີບນອກນີ້, ຍັງມີສວນກາເຟພວມປູກໃໝ່ເຄິ່ງເຮັກຕ້າ. ຄລິບ ອັບເດດ 29/09/2022(ພາບຂ່າວຈາກ …

Leave a Reply

Your email address will not be published.