12 ເລື່ອງສຳຄັນ ບໍ່ຄວນໂພສ໌ລົງເນັດ
1. ທີ່ຢູ່ເຮືອນຂອງເຈົ້າ
ການເປີດເຜີຍທີ່ຢູ່ເຮືອນຂອງຕົວເອງລົງໃນໂຊຊ່ຽວ
ບໍ່ແມ່ນຄວາມຄິດທີ່ເໝາະສົມເລີຍເພາະ
ຄືກັບວ່າເຈົ້າກຳລັງສົ່ງບັດເຊີນ ແລະ ເປີດເຮືອນ
ໃຫ້ຄົນທົ່ວໂລກມາທ່ຽວ ເຈົ້າຢາກໃຫ້ໃຜກໍບໍ່ຮູ້ມາ
ໂຜ່ທີ່ໜ້າເຮືອນຂະນະທີ່ເຈົ້າກຳລັງລາພັກຮ້ອນຢູ່ແທ້ໆຫວາ
ທີ່ສຳຄັນຢ່າລືມປິດຄຸນສົມບັດລະບຸ
ຕຳແໜ່ງບົນພາບຖ່າຍໂດຍອັດຕະໂນມັດດ້ວຍເພື່ອ
ບໍ່ໃຫ້ຄົນອື່ນຮູ້ຂໍ້ມູນວ່າເຈົ້າໂພດຢູ່ໃສ
2. ຂ່າວສຳຄັນຂອງຄົນອື່ນ
ເຈົ້າອາດເພິ່ງຈະໄດ້ຍິນຂ່າວດີວ່າເພື່ອນຂອງເຈົ້າໝັ້ນແລ້ວ
ແນ່ນອນວ່າເຈົ້າຕ້ອງຮູ້ສຶກຕື່ນເຕັ້ນແທນເພື່ອນສຸດໆແຕ່ຢ່າເພິ່ງຮີບໂພດຂໍ້ຄວາມ
ສະແດງຄວາມຍິນດີກ່ອນທີ່ເພື່ອນຈະແຈ້ງຂ່າວດີຂອງຕົວເອງ
ບໍ່ດີດອກຫາກເຈົ້າໂພດລົງໄປໂດຍທີ່ເຈົ້າຂອງເລື່ອງຍັງບໍ່ອະນຸຍາດ
3. ພາບຖ່າຍຕົວເອງຫຼືຄົນອື່ນໃນລັກສະນະສອງແງ່ສອງງ່າມ
ການຖ່າຍພາບເຊວຟີພ້ອມກັບແກ້ວຄັອກເທວໃນມືເປັນເລື່ອງທີ່ຍອມຮັບໄດ້
ເມື່ອເຈົ້າອອກໄປທ່ຽວກາງຄືນກັບບັນດາເພື່ອນສາວ
ແຕ່ເພື່ອນທີ່ຢືນຢູ່ຖັດໄປຈາກເຈົ້າອາດບໍ່ຮູ້ສຶກຕື່ນເຕັ້ນ
ກັບພາບແບບນັ້ນ ດັ່ງນັ້ນເຈົ້າຄວນຖາມເພື່ອນໆກ່ອນສະເໝີ
ກ່ອນທີ່ຈະແຊຫຼືແທັກພວກເຂົາໄປ ເພື່ອງຈາກພາບ
“ຫຼຸດໂລກ” ໃນອະດີດເຫຼົ່ານັ້ນອາດກັບມາຫຼອກຫຼອນເຈົ້າໄດ້
ທັດສະນະຄະຕິທາງການເມືອງສຸດໂຕ່ງ
ທຸກຄົນຍ່ອມມີຂໍ້ຄິດເຫັນກ່ຽວກັບການເມືອງໃນປັດຈຸບັນ ແລະ ມີສິດ
ທີ່ຈະເປີດເຜີຍຄວາມຄິດຂອງຕົວເອງອອກມາ
ແຕ່ຈົ່ງລະວັງເມື່ອຕ້ອງສະແດງມຸມມອງທາງການເມືອງ
ໃນບາງປະເດັນເພາະອາດສ່ຽງຕໍ່ໜ້າ
ທີ່ການງານໃນປັດຈຸບັນຫຼືໃນອະນາຄົດ ແລະ ເກີດຂໍ້ທົກຖຽງຕາມມາ ເຈົ້າພ້ອມບໍ່ລະ
4. ການຄຸກຄາມ
ການຄຸກຄາມຖືເປັນອັນຕະລາຍຢ່າງໜຶ່ງ ແລະ ການໂພດລົງໄປ
ໃນໂລກອອນລາຍຈະຍິ່ງເຮັດໃຫ້ສະຖານະການຮ້າຍຂຶ້ນ
ບາງຄັ້ງອາດກາຍເປັນອາຊະຍາກຳໄດ້
ຂຶ້ນກັບການໃຊ້ຄຳເວົ້າ ແລະ ແຮງຈູງໃຈທີ່ຢູ່ເບື້ອງຫຼັງ
ຕໍ່ໃຫ້ເຈົ້າບອກວ່າລໍ້ຫຼິ້ນແຕ່ກໍ່ບໍ່ແມ່ນວ່າທຸກຄົນຈະມີອາລົມຂັນຄືກັບເຈົ້າ
5. ບັນຫາຄວາມສຳພັນ
ເຈົ້າກັບຄົນຮັກກຳລັງມີບັນຫາຈົນອາດຈະຕ້ອງເລີກຫຼືຢ່າຮ້າງກັນແມ່ນບໍ່?
ດຽວຢ່າຟ້າວຕອບອັນທີ່ຈິງເຮົາກໍ່ບໍ່ໄດ້ຢາກຮູ້ດອກ
ແຕ່ຈົ່ງເກັບບັນຫາ ແລະ ຄວາມເຈັບປວດເຫຼົ່ານີ້
ໄວ້ປິກສາຄົນທີ່ເປັນຫ່ວງເຈົ້າແທ້ໆດີກວ່າ
ເນື່ອງຈາກເພື່ອນບ້ານ ຄູສິດສອນວິຊາປະຫວັດສາດຕອນປ.2
ຫຼືແມ້ກະທັ້ງເພື່ອນຮ່ວມງານກໍ່ບໍ່ຄວນລ່ວງຮູ້ເຖິງຄວາມເຈັບປວດຂອງເຈົ້າ
6. ເມື່ອເຈົ້າໄປທ່ຽວຕ່າງແຂວງ
ເຈົ້າຕ້ອງການໃຫ້ຄົນທັງໂລກຮູ້ບໍ ວ່າເຮືອນຂອງເຈົ້າ
ຈະບໍ່ມີຄົນຢູ່ໄປຕະຫຼອດຊ່ວງວັນຢຸດທ້າຍອາທິດນີ້
ຄູ້ມກັບຍອດໄລທີ່ຈະໄດ້ຫວາ? ການເປີດເຜີຍຂໍ້ມູນດັ່ງກ່າວ
ເຮັດໃຫ້ເຮືອນຂອງເຈົ້າສ່ຽງທີ່ຈະຖືກງັດຫຼືຖືກຍົກເຈົ້າເດີ
7. ເລື່ອງຄັບຂ້ອງໃຈໃນບ່ອນເຮັດວຽກ
ເຮົາເຂົ້າໃຈຫົວໜ້າຂອງເຈົ້າອາດຈະກວນປະສາດ
ສ່ວນເພື່ອນຮ່ວມງານກໍນຳອາຫານທ່ຽງກິ່ນເໝັນມາກວນໃຈເຈົ້າ
ດັ່ງນັ້ນບໍ່ແປກທີ່ເຈົ້າຈະຮູ້ສືກລຳຄານ ແຕ່ການຈົ່ມໂດຍຜ່ານໂລກໂຊຊຽວຄົງບໍ່ແມ່ນຄວາມຄິດ
ທີ່ສະຫຼາດປານໃດ ເຈົ້າບໍ່ຮູ້ດອກວ່າມີໃຜກຳລັງເບິ່ງຢູ່ແດ່
8. ພາບເປືອຍ ຫຼື ວັບໆແວມໆ
ບໍ່ຜິດດອກຖ້າເຈົ້າຈະຢາກຕື່ນເຕັ້ນຂຶ້ນມາ ແລະ ຄິດວ່າຕົວເອງເປັນບີຍອນເຊ່
ແຕ່ທາງທີ່ດີຄວນສະຫງວນພາບນູ້ດຂອງຕົວເອງເກັບໄວ້ເປັນຄອລເລັກຊັ່ນສ່ວນຕົວດີກວ່າບໍ່
10. ອາຫານມື້ທ່ຽງຂອງເຈົ້າ
ເວັ້ນແຕ່ເຈົ້າຈະເປັນບັອກເກີກ່ຽວກັບອາຫານເຊິ່ງມີສິນລະປະໃນການຈັດແສງໄຟ ຈັດຈານ
ແລະ ເຮັດອາຫານໄດ້ແຊບສຸດໆ ຢ່າງໃດກໍຕາມ
ບໍ່ຄວນແຊພາບຖ່າຍອາຫານຝີມືຂອງຕົວເອງ
ລົງບົນໂຊຊຽວເນື່ອງຈາກເຈົ້າ່ກຳລັງໃຫ້ຄົນທົ່ວໂລກລຳຄານ
11. ຍອດຄົງເຫຼືອໃນສະໝຸດບັນຊີຂອງເຈົ້າ
ເພິ່ງໄດ້ເງິນເດືອນຂຶ້ນຊັ້ນບໍ ດີເລີຍໄດ້ຮັບເງິນຄືນພາສີຫຼາຍກວ່າທີ່ເຈົ້າຄິດໄດ້
ວິເສດໄປເລີຍ! ມີເງິນເກັບໃນທະນະຄານຫຼາຍກວ່າຄ່າໃຊ້ຈ່າຍໃນ
ແຕ່ລະເດືອນ? ກໍຍິ່ງດີເຂົ້າໄປອີກ! ແຕ່ເຈົ້າຄວນເກັບຂໍ້ມູນເຫຼົ່ານີ້ໄວ້ກັບຕົວເອງ
ບໍ່ຄວນເປີດເຜີຍພາບຖ່າຍຍອດເງິນຄົງເຫຼືອໃນບັນຊີ
ເອທີເອັມ ບັດເຄຣດິດ ຫຼືຫຍັງກໍຕາມທີ່ສາມາດສືບສາວ
ໄປເຖິງບັນຊີທະນາຄານຂອງເຈົ້າໄດ້ ນີ້ລະທີ່ເອີ້ນວ່າຂໍ້ມູນ ສ່ວນຕົວແທ້ໆ
12. ພາບງານສົບ
ເມື່ອໃຜບາງຄົນທີ່ເຈົ້າຮັກຈາກໄປ ບໍ່ແມ່ນເລື່ອງແປກທີ່ເຈົ້າຈະສະແດງ
ຄວາມໂສກເສົ້າແຕ່ຄວນຄິດໃຫ້ດີໆກ່ອນທີ່ຈະໂພດພາບເຫຼົ່ານັ້ນລົງສູ່
ສາທາລະນະເນື່ອງຈາກຄົນອື່ນອາດຈະຮູ້ສຶກອຶດອັດກັບພາບໂລງສົບ
ຂຸມສົບຫຼືບັນດາແຂກທີ່ກຳລັງທຸກລະທົມ
