Breaking News

ພົບເຫັນໝົດແລ້ວ ຈາກເຫດເຮືອຫຼົ້ມ ບ້ານ ໜອງຟູນໄຊ ເມືອງ ລ່ອງແຈ້ງ

ພົບເຫັນໝົດແລ້ວ ຈາກເຫດເຮືອຫຼົ້ມ

ວັນ17 ຕຸລາ2021ເວລາປະມານ 6ໂມງ ຕອນເຊົ້າ ການຈັດຕັ້ງຂັ້ນເມືອງ, ອ້າຍນ້ອງທະຫານກອງພັນ468,ການຈັດຕັ້ງທຸກພາກສ່ວນຂອງບ້ານ ແລະ ຍາດພີ້ນ້ອງ ໄດ້ຄົ້ນພົບເຫັນ 2ສົບ ຟູຂຶ້ນມາໜ້ານ້ຳ ສົບ ນາງ ວຽງ ອາຍຸ 55 ປີ ຜູ້ເປັນແມ່ດອງ

ພົບເຫັນໄກຈາກຈຸດເກີດເຫດປະມານ 20 ແມັດ ແລະ ສົບ ນາງ ສອນ ອາຍຸ21ປີ ເປັນລູກໄພ ພົບເຫັນໄກຈາກຈຸດເກີດເຫດປະມານ 200 ກວ່າແມັດ ,ຕອນແລງຂອງມື້ດຽວກັນພົບເຫັນ ສົບ ທ້າວ ທອງພັນ ອາຍຸ 63 ປີ ຜູ້ເປັນພໍ່ ແລະ ນາງ ເດັກ ອາຍຸ 28 ປີ ຜູ້ເປັນລູກ ຟູຂື້ນມາ ຢູ່ຈຸດເຮືອຫຼົ້ມ .

ຕອນເຊົ້າ ມື້ນີ້ 18/10/2021 ເປັນມື້ທີ່5 ຈາກການເກີດອຸບັດຕິເຫດເຮືອຫຼົ້ມໃນ ວັນທີ 13 ຕຸລາ ຜ່ານມາ ໄດ້ພົບເຫັນອີກ 1ສົບ ສຸດທ້າຍ ຄື ທ້າວ ດວງ ອາຍຸ 22 ປີ ຊື່ງພົບເຫັນໄກຈາກຈຸດເກີດເຫດ ປະມານ100ກວ່າແມັດ.

ທັງໝົດການຈັດຕັ້ງບ້ານ,ຍາດຕິພີ້ນ້ອງ ແລະ ທຸກພາກສ່ວນທີ່ເຂົ້າຮ່ວມ ໄດ້ເຮັດພິທີຮີດຄອງທາງສາສະໜາຢູ່ທີ່ແຄມອ່າງນ້ຳໄຜ່ໃກ້ຈຸດເກີດເຫດເປັນທີ່ຮຽບຮ້ອຍແລ້ວ ທ້າຍນີ້ຂໍ ສະແດງຄວາມເສົ້າສະຫຼົດໃຈເສຍໃຈມາຍັງຄອບຄົວຍາດພີ້ນ້ອງຜູ້ເສຍຊີວີດດ້ວຍ.

About admin

Check Also

ເຫດການເກີດທີ່,ບ້ານແຊວລີສູ່,ເມືອງຍອດອູ,ແຂວງຜົ້ງສາລີ

ເຫດການເກີດທີ່,ບ້ານແຊວລີສູ່,ເມືອງຍອດອູ,ແຂວງຜົ້ງສາລີ,ຕາມລາຍງານຈາກປະຊາຊົນບ້ານແຊວລີສູ່:ວ່າ ມີບໍລິສັດຈີນ ຊື່ວ່າ:ບໍລິສັດ ຢຸນນານວັນເວ ພະລັງງານຈຳກັດ,ໄດ້ມາລົງທຶນ ສານປະທານ ຂຸດຄົ້ນແຮ່ຖ່ານ ,ເຂດບ້ານແຊວລີສູ່ ແລະ ດີນນາ ດີນສວນ ຂອງປະຊາຊົນຊາວບ້ານແຊວລີສູ່ຫຼາຍຄອບຄົວຖືກໂຄງການ, ແຕ່ບໍລິສັດບໍ່ຍອມຊົດເຊີຍຄ່າເສຍຫາຍ ໃຫ້ປະຊາຊົນຊາວນາ ຊາວໄຮ່ …

Leave a Reply

Your email address will not be published. Required fields are marked *