Breaking News

ມອບເງິນ 300 ລ້ານກີບ ຊ່ວຍເຫຼືອ​ພຣະສົງ​ ແລະ​ ສຳມະເນນ​ 500​ ອົງ​ ທີ່ຖຶກຈຳກັດບໍລິເວນ

ມອບ 300 ລ້ານກີບ! ຊ່ວຍເຫຼືອ ພຣະສົງ-ສຳມະເນນ 500 ອົງ ທີ່ຖືກຈຳກັດບໍລິເວນຢູ່ວັດປ່າຜາໂອ ຫຼວງພະບາງ

ພິທີມອບເງິນຈຳນວນ 300 ລ້ານກີບ ຊ່ວຍເຫຼືອ ພຣະສົງ-ສາມະເນນ ວັດປ່າຜາໂອ ນະຄອນຫລວງພຣະບາງ ໂດຍຜ່ານສູນກາງແນວລາວສ້າງຊາດ ເພື່ອແກ້ໄຂບັນຫາທີ່ຈຳເປັນ ໃນໄລຍະການແຜ່ລະບາດຂອງພະຍາດໂຄວິດ-19 ທີ່ ສຳນັກງານສູນກາງແນວລາວສ້າງຊາດ ນະຄອນຫລວງວຽງຈັນ

ໃນຕອນແລງເວລາ 18:00 ໂມງ ຂອງວັນທີ 18/10/2021ໂດຍມີສັກຂີພິຍານຈາກທາງຄະນະສົງ ໂດຍ ພຣະຫຼັກແກ້ວ ມະຫາສຸເມທາທິບໍດີ ບຸນມາ ສິມມາພົມ ຮັກສາການປະທານສູນກາງ ອ.ພ.ສ , ພຣະອາຈານ ພຸດທະສອນ ອ່ອນອົງສາ ປະທານທີ່ປຶກສາຝ່າຍສົງ ມູນນິທີຊ່ອຍເຫລືອຄົນທຸກຍາກ ແຫ່ງ ສປປ ລາວ ແລະ ຝ່າຍຄາຣາວາດ ໂດຍ ທ່ານສິລະວົງ ຄຸດໄພທູນ ປະທານສູນກາງແນວລາວສ້າງຊາດ ,ແມ່ປ້ານາລີ ສີສຸລິດ ພັນລະຍາປະທານປະເທດ ແຫ່ງ ສປປ ລາວ

ໂຄງການນີ້ເປັນການຊ່ວຍເຫລືອພຣະສົງ-ສາມະເນນ ຂອງວັດປ່າຜາໂອ ນະຄອນຫລວງພຣະບາງ ທີໄດ້ຮັບຜົນກະທົບຈາກໂຄວິດ ແລະເປັນວັດແດງ ຈຶ່ງເຮັດໃຫ້ບັນດາພຣະສົງ ແລະສາມະເນນທັງຫລາຍ ຖືກກັກບໍລິເວນ ຈຳນວນ 500 ອົງ.

ດັ່ງນັ້ນ ມູນນິທີຊ່ວຍເຫລືອຄົນທຸກຍາກ ຈຶ່ງມີການລະດົມທຶນໂດຍການໂຄສະນາ ຜ່ານສື່ສານມວນຊົນ ໃຫ້ຜູ້ມີສັດທາທັງຫລາຍ ຊ່ວຍບໍລິຈາກ ໂດຍການໂອນເງິນຜ່ານບັນຊີຂອງວັດປ່າຜາໂອ ນະຄອນຫລວງພຣະບາງ

ຂໍ້ມູນ: ເພຈ ນະຄອນຫຼວງພຣະບາງ

About admin

Check Also

ຟັງນໍາກັນເດີ!! ອ້າຍນ້ອງຫວຽດເພີ່ນເວົ້າວ່າ: ເພີ່ນບໍ່ໄດ້ເອົາແຮ່ຂອງລາວລ້າໆ ໃດ.

ຟັງນໍາກັນເດີ!! ອ້າຍນ້ອງຫວຽດເພີ່ນເວົ້າວ່າ: ເພີ່ນບໍ່ໄດ້ເອົາແຮ່ຂອງລາວລ້າໆ ໃດ ເພີ່ນຊື້ເອົາ! ແຕ່ບັນຫາຄືບໍ່ຮູ້ວ່າເງິນທີ່ເພີ່ນຈ່າຍໃຫ້ທາງການລາວ .. .. . ຈັກເອົາໄປໄວ້ໃສຫມົດ ເປັນຕື້ໆ ວ່າຊັ່ນ! ຄລິບ ..

Leave a Reply

Your email address will not be published.