Breaking News

ແຊຣ໌ຕໍ່ໆ ໃຜຂາຍເບຍ ຈະຖຶກປັບໄໝຢ່າງໜັກ

“ຫ້າມຂາຍເບຍຖ້າຮ້ານໃດລະເມີດຈະຖືກປະຕິບັດຕາມລະບຽບກົດໝາຍ”

+ ເພື່ອປະຕິບັດຕາມຄໍາສັ່ງຂອງຄະນະສະເພາະກິດ ເມືອງປາກທາ ແຂວງບໍ່ແກ້ວ ເລກທີ່ 700/ສພກ,ບກ, ລົງວັນທີ 25 ຕຸລາ 2021 ວ່າດ້ວຍການເພີ່ມທະວີ ການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດພະຍາດໂຄວິດ-19 ຢູ່ພາຍໃນເມືອງປາກທາ,

ເພື່ອເຮັດໃຫ້ການແຜ່ລະບາດຂອງເຊື້ອພະຍາດໂຄວິດ-19 ຢູ່ແຂວງບໍ່ແກ້ວ ກໍ່ຄືເມືອງປາກທາ ໃຫ້ຫລຸດນ້ອຍຖອຍລົງ ແລະ ປ້ອງກັນການແຜ່ເຊື້ອພະຍາດໄປເປັນວົງກວ້າງ.

+ ໃນວັນທີ 26 ຕຸລາ 2021ນີ້, ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເມືອງປາກທາ ແຂວງບໍ່ແກ້ວ ສົມທົບກັບ ປກສ ເມືອງ ໄດ້ລົງກວດກາບັນດາຮ້ານບໍລິການຈຳໜ່າຍເບຍ ພ້ອມທັງເຮັດບົດບັນທຶກ ກັບເຈົ້າຂອງຮ້ານ, ນໍາໂດຍທ່ານ ສູນທອນ ສີຟອງສັກ ຮອງຫົວໜ້າຫ້ອງການ ຖວທ ເມືອງ ແລະ ທີມງານເຈົ້າໜ້າທີ່ ປກສ ແລະ ຜູ້ບໍລິການຈຳໜ່າາຍທີ່ກ່ຽວຂ້ອງ ເຂົ້າຮ່ວມ.

+ ການລົງກວດກາບັນດາຮ້ານບໍລິການຈຳໜ່າຍເບຍໃນຄັ້ງນີ້, ທາງທີມງານແມ່ນໄດ້ຜ່ານຄໍາສັ່ງ ຂອງຄະນະສະເພາະກິດ ແຂວງບໍ່ແກ້ວ ເລກທີ 201/ສພກ,ບກ, ລົງວັນທີ 25 ຕຸລາ 2021

ວ່າດ້ວຍການເພີ່ມທະວີການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດພະຍາດໂຄວິດ-19 ຢູ່ພາຍໃນເມືອງປາກທາ, ພ້ອມທັງສ້າງບົດບັນທຶກໄວ້ກັບເຈົ້າຂອງຮ້ານ ຢຸດບໍລິການຂາຍເບຍຊົ່ວຄາວ ຈົນກວ່າຈະມີມາດຕະການຜ່ອນຜັນ,

ຖ້າຫາກມີການລະເມີດ ຫຼື ບໍ່ປະຕິບັດຕາມຄຳສັ່ງຂອງຄະນະສະເພາະກິດຄວບຄຸມ ແລະ ປ້ອງກັນການແຜ່ລະບາດພະຍາດໂຄວິດ-19 ຂອງແຂວງ, ເມືອງ ວາງອອກແລ້ວຈະໄດ້ປະຕິບັດຕາມລະບຽບກົດໝາຍ.

ພາບ-ຂ່າວ: ວັນນະເດດ

About admin

Check Also

ຟັງນໍາກັນເດີ!! ອ້າຍນ້ອງຫວຽດເພີ່ນເວົ້າວ່າ: ເພີ່ນບໍ່ໄດ້ເອົາແຮ່ຂອງລາວລ້າໆ ໃດ.

ຟັງນໍາກັນເດີ!! ອ້າຍນ້ອງຫວຽດເພີ່ນເວົ້າວ່າ: ເພີ່ນບໍ່ໄດ້ເອົາແຮ່ຂອງລາວລ້າໆ ໃດ ເພີ່ນຊື້ເອົາ! ແຕ່ບັນຫາຄືບໍ່ຮູ້ວ່າເງິນທີ່ເພີ່ນຈ່າຍໃຫ້ທາງການລາວ .. .. . ຈັກເອົາໄປໄວ້ໃສຫມົດ ເປັນຕື້ໆ ວ່າຊັ່ນ! ຄລິບ ..

Leave a Reply

Your email address will not be published.