Breaking News

ເຮົາຮູ້ຫຍັງແດ່ ກ່ຽວກັບໂຄວິດສາຍພັນເດວຕາພລັສ (AY.4.2)

ເວລານີ້ເຊື້ອໂຄວິດກາຍພັນໃໝ່ທີ່ແຜ່ເຊື້ອໄດ້ງ່າຍຂຶ້ນຄື AY.4.2 ຫລື ເດວຕາພລັສ ເລີ່ມເປັນສາຍພັນທີ່ເຝົ້າຕິດຕາມ ແລະ ເຝົ້າລະວັງຫລາຍຂຶ້ນ ໂດຍສະເພາະໃນອັງກິດ ຫລັງພົບຜູ້ຕິດເຊື້ອສາຍພັນຍ່ອຍນີ້ເພີ່ມຂຶ້ນອີກໃນປະເທດ.

ຂະນະທີ່ໄທມີລາຍງານພົບກໍລະນິດຕິດເຊື້ອຄົນທຳອິດແລ້ວເຊັ່ນກັນ, ສ່ວນສູນປ້ອງກັນ ແລະ ຄວບຄຸມພະຍາດຂອງອາເມລິກາກຳລັງຕິດຕາມຢ່າງໃກ້ຊິດ.

ຕອນນີ້ ເຮົາຮູ້ຫຍັງແດ່ກ່ຽວກັບເດວຕາພລັສ ແລ້ວເຊື້ອກາຍພັນນີ້ໜ້າກັງວົນສໍ່າໃດ ?

ເຊື້ອໂຄວິດສາຍພັນຍ່ອຍຂອງເດວຕາທີ່ຮູ້ຈັກໃນຊື່ 4.2 ຫລື ເດວຕາພລັສ ມີອັດຕາສ່ວນ 6% ຂອງກໍລະນີຜູ້ຕິດເຊື້ອໃໝ່ທັງໝົດທີ່ພົບໃນອັງກິດໃນທ້າຍອາທິດຂອງເດືອນກັນຍາ.

ໜ່ວຍງານຄວາມປອດໄພສາທາລະນະສຸກອັງກິດລະບຸໃນລາຍງານເມື່ອ 2 ອາທິດກ່ອນວ່າ: 4.2 ກຳລັງແຜ່ລະບາດເພີ່ມຂຶ້ນໃນກຸ່ມຜູ້ຕິດເຊື້ອໃໝ່ໃນອັງກິດນັບແຕ່ພົບຄັ້ງທຳອິດໃນເດືອນກໍລະກົດ.

ເຊື້ອນີ້ປະກອບມີການກາຍພັນ 2 ຕຳແໜ່ງໃນໂປຣຕີນສ່ວນທີ່ເປັນໜາມ ເຊິ່ງຮູ້ຈັກໃນຊື່ Y145H ແລະ A222V ໂດຍຈະເຮັດໃຫ້ໄວຣັສແຜ່ເຂົ້າສູ່ຈຸລັງເມັດເລືອດມະນຸດໄດ້ງ່າຍຂຶ້ນ ເຊິ່ງເຊື້ອກາຍພັນ 2 ຕຳແໜ່ງນີ້ ຍັງພົບໃນໂຄວິດສາຍພັນອື່ນໆ ນັບແຕ່ຊ່ວງທຳອິດຂອງການລະບາດ.

ໜ່ວຍງານສາທາລະນະສຸກການາດາຢືນຢັນໃນວັນທີ 19 ຕຸລາຜ່ານມາວ່າ: ພົບເຊື້ອກາຍພັນນີ້ໃນການາດາແລ້ວເຊັ່ນກັນ ໂດຍມີຜູ້ຕິດເຊື້ອແລ້ວ 9 ຄົນ ນັບແຕ່ເດືອນກໍລະກົດ. ເຖິງຢ່າງໃດກໍຕາມ, ຜູ້ຊ່ຽວຊານຈຳນວນໜຶ່ງລະບຸວ່າ: ເວລານີ້ຍັງບໍ່ແນ່ນອນວ່າເຊື້ອສາຍພັນ 4.2 ນີ້ໜ້າກັງວົນຄືສາຍພັນເດວຕາດັ້ງເດີມ ຫລື ບໍ່ ເຖິງວ່າຄວນເຝົ້າລະວັງກໍຕາມ.

ຂະນະທີ່ທ່ານ ສະຕີເຟນ ຮອບຊັນ ແຄນ ຜູ້ຊ່ຽວຊານພະຍາດຕິດເຊື້ອຈາກມະຫາວິທະຍາໄລບຣິຕິໂຄລຳເບຍ ລະບຸວ່າ: ເຖິງວ່າຜ່ານມາເຊື້ອກາຍພັນນີ້ບໍ່ໄດ້ແຜ່ລະບາດໄວ, ແຕ່ຍອມຮັບວ່າເມື່ອມີການລວມກັບສາຍພັນເດວຕາອາດເຮັດໃຫ້ 4.2 ມີຄວາມໄດ້ປຽບ ເຖິງວ່າປັດຈຸບັນຈະຍັງບໍ່ຮູ້ແນ່ນອນວ່າຄວາມໄດ້ປຽບນັ້ນຄືຫຍັງ ເຊິ່ງນັກວິທະຍາສາດກຳລັງຫາຄຳຕອບຢູ່, ແຕ່ພວກເຂົາຫວັງວ່າເຊື້ອສາຍພັນຍ່ອຍນີ້ຈະບໍ່ສາມາດຝ່າລະບົບພູມຕ້ານທານຂອງຄົນທີ່ຮັບວັກຊີນຄົບໂດສແລ້ວ ເຊິ່ງນັ້ນເປັນສິ່ງທີ່ໜ້າກັງວົນທີ່ສຸດ.

ທ່ານ ຟຣອງຊົວ ບັລລູ ຜູ້ອຳນວຍການສະຖາບັນພັນທຸສາດ ມະຫາວິທະຍາໄລຄໍເລນລອນດອນ ປະເມີນວ່າ: 4.2 ອາດແຜ່ລະບາດໄດ້ໄວກວ່າສາຍພັນເດວຕາດັ້ງເດີມເຖິງ 10%. ຂະນທີ່ເດວຕາດັ້ງເດີມສາມາດແຜ່ເຊື້ອໄດ້ໄວກວ່າໂຄວິດສາຍພັນດັ້ງເດີມເຖິງ 2 ເທົ່າ.

ເຖິງຢ່າງໃດກໍຕາມ, ຂໍ້ມູນໃນປັດຈຸບັນຍັງບໍ່ມີຫລັກຖານບົ່ງຊີ້ວ່າ: ເຊື້ອເດວຕາສາຍພັນຍ່ອຍ 4.2 ເຮັດໃຫ້ຄົນຕິດເຊື້ອຫລາຍຂຶ້ນ.

ນອກຈາກນີ້ 4.2 ຍັງບໍ່ຈັດຢູ່ໃນ “ສາຍພັນທີ່ໜ້າກັງວົນ” ເຊິ່ງເປັນໝວດຄວາມສ່ຽງສູງສຸດໃນປັດຈຸບັນ. ຂະນະທີ່ຜູ້ຊ່ຽວຊານເຕືອນວ່າ: ວັກຊີນຕ້ານໂຄວິດທີ່ມີຢູ່ໃນປັດຈຸບັນຍັງສາມາດປ້ອງກັນໄວຣັສສາຍພັນຍ່ອຍນີ້ໄດ້.

ອ້າງອີງ:

https://www.euronews.com/next/2021/10/23/the-delta-plus-covid-variant-what-is-it-and-should-we-be-concerned

https://globalnews.ca/news/8282395/covid-delta-mutation-explained/

https://thestandard.co/covid-strain-delta-plus-1st-in-thailand/

About admin

Check Also

ແຊ໌ເຕືອນໄພສັງຄົມ ນັບມື້ນັບປ່າເຖື່ອນ ຢູ່ຍາກອີ່ຫລີ🥹ຢາກໃຫ້ທຸກຄົນມີສະຕິລະວັງຕົວກັນໃຫ້ຫຼາຍກວ່ານີ້

📣 ເຕືອນໄພສັງຄົມ ນັບມື້ນັບປ່າເຖື່ອນ ຢູ່ຍາກອີ່ຫລີ🥹ຢາກໃຫ້ທຸກຄົນມີສະຕິລະວັງຕົວກັນໃຫ້ຫຼາຍກວ່ານີ້ ຂ້ອຍກະສຸດທີ່ແຕ່ຈະລະວັງແລ້ວ ເພາະເປັນຊ່ວງທີ່ຈະຮັບໃບປະກາດຄິດຢ້ານກັບເຫດການຫຼາຍໆຢ່າງ ຍັງມີເລື່ອງແບບນີ້ເກີດຂື້ນກັບໂຕເອງ . ຈັ່ງແມ່ນມຶງກ້າຄົນຫຼວງຄົນຫຼາຍຍັງບໍ່ຄິດຢ້ານ ສະຖານທີ່ແບບນີ້ຍັງບໍ່ເວັ້ນ ທີ່ເຫັນໃນວີດີໂອແມ່ນຂ້ອຍໄດ້ໄປຊື້ເຄື່ອງໃນຮ້ານມາແລ້ວກຳລັງຊິບໍລິຈາກຊ່ວຍເຫຼືອໄພນ້ຳຖ້ວມ ແຕ່ບຸກຄົນນີ້ໄດ້ພະຍາຍາມເຂົ້າມາລວນລາມຂ້ອຍຈາກທາງຫລັງໂດຍທີ່ບໍ່ທັນຕັ້ງໂຕ 😤 ຄລິບ ດີແຕ່ມັນບໍ່ໄດ້ຖືຂອງມີຄົມມາ …

Leave a Reply

Your email address will not be published.