Breaking News

ດ່ວນທີ່ສຸດ ແຈ້ງການຈາກບໍລິິິສັດເບຍລາວ ຈຳກັດ

🔥 ດ່ວນ ! ບໍລິສັດເບຍລາວ ຈໍາກັດ ອອກບົດຖະແຫຼງຂ່າວ ຊີ້ແຈງ ບໍລິສັດເບຍລາວ ບໍ່ໄດ້ມີສ່ວນກ່ຽວຂ້ອງໃດໃດ ກັບກໍລະນີການລັກລອບ ຂົນສົ່ງຢາເສບຕິດ ທີ່ເກີດຂຶ້ນ ຢູ່ແຂວງບໍ່ແກ້ວ

ມື້ນີ້ພວກເຮົາໄດ້ຮັບຂ່າວກ່ຽວກັບການລັກລອບຂົນສົ່ງຢາເສບຕິດຜິດກົດຫມາຍ ຢູ່ແຂວງບໍ່ແກ້ວ.

ຕໍາຫຼວດທ້ອງຖິ່ນ ແລະ ເຈົ້າຫນ້າທີ່ກ່ຽວຂ້ອງຂອງແຂວງ ໄດ້ຈັບກຸມລົດບັນທຸກທີ່ໃຊ້ຂົນສົ່ງຢາເສບຕິດຜິດກົດຫມາຍ ໂດຍນໍາໃຊ້ລັງເປົ່າທີ່ມີໂລໂກ້ ຜະລິດຕະ ພັນເບຍລາວ ເປັນສິ່ງປົກປິດ.

ບໍລິສັດເບຍລາວ ຈໍາກັດ ຍາມໃດກໍຍຶດຫມັ້ນນະໂຍບາຍ ຕ້ານ ແລະ ສະກັດກັ້ນການລັກລອບຄ້າຢາ ເສບຕິດ ແລະ ສິ່ງຜິດກົດຫມາຍຢ່າງເຂັ້ມງວດ ແລະ ພວກເຮົາຮູ້ສຶກຜິດຫວັງເປັນຢ່າງຍິ່ງທີ່ຊັບສິນຂອງບໍລິສັດເບຍລາວ ຖືກລັກລອບເອົາໄປນໍາໃຊ້ໃນການເຄື່ອນໄຫວກິດຈະກໍາທີ່ຜິດກົດຫມາຍ ແລະ ຈະເອົາຈິງເອົາຈັງໃນການດໍາເນີນມາດຕະການທາງກົດຫມາຍທັນທີ ຕໍ່ຜູ້ນໍາໃຊ້ຊັບສິນຂອງບໍລິສັດຂອງພວກເຮົາໃນທາງທີ່ຜິດກົດຫມາຍ.

ພວກເຮົາໄດ້ຮັບການຢັ້ງຢືນຊັດເຈນແລ້ວວ່າລົດບັນທຸກຄັນດັ່ງກ່າວບໍ່ແມ່ນລົດຂອງບໍລິສັດເບຍລາວ, ບໍ່ແມ່ນລົດຂອງບໍລິສັດຂົນສົ່ງທີ່ບໍລິສັດເບຍລາວມີສັນຍາໃຫ້ບໍລິການຂົນສົ່ງຜະລິດຕະພັນຂອງບໍລິສັດເບຍລາວ ຫຼື ຂອງຕົວແທນຈໍາຫນ່າຍໃດໆຂອງພວກເຮົາ.

ເປັນອັນຈະແຈ້ງວ່າ, ບໍລິສັດເບຍລາວຈໍາກັດ ບໍ່ໄດ້ມີສ່ວນກ່ຽວຂ້ອງໃດໆ ໃນເລື່ອງນີ້ ບໍລິສັດເບຍລາວຂໍຊົມເຊີຍຜົນງານຂອງເຈົ້າຫນ້າທີ່ ປກສ ແຂວງບໍ່ແກ້ວ ແລະ ອໍານາດການປົກຄອງທີ່ກ່ຽວຂ້ອງ ໃນຄວາມ ພະຍາຍາມປາບປາມ ແລະຈັບກຸມຕົວກຸ່ມຜູ້ລັກລອບຄ້າຢາເສບຕິດ ແລະ ສິ່ງຜິດກົດຫມາຍອື່ນໆໄດ້ເປັນຢ່າງດີ. ພວກເຮົາບໍ່ມີຂໍ້ມູນອື່ນໆເພີ່ມເຕີມກ່ຽວກັບເຫດການນີ້.

ດັ່ງລາຍລະອຽດຕໍ່ໄປນີ້ 👇

About admin

Check Also

28 ບ້ານ ຂອງແຂວງເຊກອງ ໄດ້ຮັບຜົນກະທົບຈາກໄພພິບັດ ລົມພະຍຸໂນຣູ (Noru)

28 ບ້ານ ຂອງແຂວງເຊກອງ ໄດ້ຮັບຜົນກະທົບຈາກໄພພິບັດ ລົມພະຍຸໂນຣູ (Noru) ຕາມການລາຍງານຂອງຄະນະກຳມະການຄຸ້ມຄອງໄພພິບັດ ຂັ້ນແຂວງ ໃນວັນທີ 29 ກັນຍາ ນີ້ ກ່ຽວກັບສະພາບຜົນກະທົບຈາກໄພພິບັດທາງທຳມະຊາດ ລະຫວ່າງວັນທີ 27-29 …

Leave a Reply

Your email address will not be published.