ພິທີຈູດທໍາລາຍຢາເສບຕິດ ເນື່ອງໃນວັນແຫ່ງຊາດຕ້ານຢາເສບຕິດ ຄົບຮອບ 20 ປີ

ວັນທີ 29 ຕຸລາ 2021ນີ້ ກອງບັນຊາການ ປກສ ແຂວງສະຫວັນນະເຂດ ຈັດພິທີຈູດທໍາລາຍຢາເສບຕິດ ເນື່ອງໃນວັນແຫ່ງຊາດຕ້ານຢາເສບຕິດ ຄົບຮອບ 20 ປີ(12/10/2001 – 12/10/2021) ຂອງທຸກໆປີ

ໂດຍການເຂົ້າຮ່ວມຂອງທ່ານ ສັນຕິພາບ ພົມວິຫານ ເຈົ້າແຂວງໆສະຫວັນນະເຂດ, ມີຄະນະປະຈໍາພັກແຂວງ, ກຳມະການພັກແຂວງ,ຫົວໜ້າແລະຮອງຫົວໜ້າ ພະແນກການ, ກົມກອງອ້ອມຂ້າງແຂວງ, ການນໍານະຄອນໄກສອນພົມວິຫານ, ແຂກພາຍໃນ ແລະ ຕ່າງປະເທດ, ພະນັກງານ-ລັດຖະກອນ, ກຳລັງປກຊ-ປກສ ແລະ ແຂກຮັບເຊີນເຂົ້າຮ່ວມ.

ທ່ານ ວຽກທະວີສອນ ເທບພະຈັນ ກຳມະການສຳຮອງສູນກາງພັກ, ຮອງເຈົ້າແຂວງ, ປະທານຄະນະກໍາມະການກະກຽມສະເຫຼີມສະຫຼອງວັນແຫ່ງຊາດຕ້ານຢາເສບຕິດຂັ້ນແຂວງ ໄດ້ກ່າວວ່າ:

ພິທີໂຮມຊຸມນຸມ ສະເຫຼີມສະຫຼອງວັນແຫ່ງຊາດຕ້ານຢາເສບຕິດ ຄົບຮອບ 20ປີ ແລະ ພິທີທຳລາຍຢາເສບຕິດ ແມ່ນເພື່ອສະແດງເຖິງເຈດຈໍານົງ ແລະຄວາມສາມັກຄີເປັນຈິດໜຶ່ງໃຈດຽວຂອງປວງຊົນລາວທັງຊາດ ໂດຍສະເພາະແຂວງສະຫວັນນະເຂດ ໃນການຕໍ່ຕ້ານຢາເສບຕິດ,

ເພື່ອໂຄສະນາສຶກສາອົບຮົມໃຫ້ທົ່ວສັງຄົມໄດ້ຮັບຮູ້, ເຂົ້າໃຈເຖິງພິດໄພ ແລະຜົນຮ້າຍຢາເສບຕິດຕໍ່ມະນຸດ, ເປັນບໍ່ເກີດແຫ່ງການກໍ່ອາດຊະຍາກໍາ, ການສໍ້ລາດວັງຫຼວງ ກົດນ່ວງ ທ່ວງດຶງ ການສ້າງສາພັດທະນາເສດຖະກິດ-ສັງຄົມຂອງຊາດ, ສ້າງຄວາມເສຍຫາຍໃຫ້ແກ່ບຸກຄົນ-ຄອບຄອບ ແລະຕົກເປັນທາດຂອງຢາເສບຕິດ,

ຍ້ອນແນວນັ້ນຕະຫຼອດໃນໄລຍະຜ່ານມາ ກໍຄືປະຈຸບັນ ພັກ ແລະ ລັດຖະບານເຮົາ ຈຶ່ງໄດ້ຖືເອົາການ ຄວບຄຸມ, ສະກັດກັ້ນ ຕ້ານ ແລະ ແກ້ໄຂບັນຫາຢາເສບຕິດ ເປັນຫນ້າທີ່ສໍາຄັນ ແລະ ໄດ້ຊີ້ນໍາໆ ພາການຈັດຕັ້ງທີ່ກ່ຽວຂ້ອງປະຕິບັດ ວຽກງານ ຢ່າງຈົດຈໍ່ ແລະ ຈິງຈັງຕະຫຼອດມາ

ຕໍ່ບັນຫາດັ່ງກ່າວ ພວກເຮົາ ໄດ້ເອົາໃຈໃສ່ ສຶກສາອົບຮົມທຸກຊັ້ນຄົນ ໃນສັງຄົມ ເປັນຕົ້ນ: ແມ່ນຊາວຫນຸ່ມ- ເຍົາວະຊົນ ຜູ້ທີ່ເປັນຫນໍ່ແຫນງ ຂອງຊາດ ໄດ້ຮັບຮູ້ ແລະ ເຂົ້າໃຈຢ່າງຖືກຕ້ອງ ກ່ຽວກັບພິດໄພ ແລະ ຜົນຮ້າຍຂອງຢາເສບຕິດ ເຊິ່ງຢາເສບຕິດທີ່ສານຕັດສິນເດັດຂາດແລ້ວ ແລະນໍາອອກມາທໍາລາຍໃນມື້ນີ້ມີ:

ປະເພດຢາເສບຕິດ(ຢາບ້າ) ມີຈໍານວນທັງໝົດ 621,247 ເມັດ, ນໍ້າໜັກ 76,910.67g , ຄັນຊາແຫ້ງຈໍ່ານວນ 600 ແທ່ງ ກັບ 01ຖົງໃຫ່ຍ ນໍ້າໜັກ 590,515.62 g, ຢາໄອຣ ຈໍ່ານວນ 01 ຖົງໃຫ່ຍ, 05ຖົງກາງ, 01ຖົງນ້ອຍ ກັບ 02ຫຼອດ ມີນໍ້າໜັກ 101,439 g, ລວມນໍ້າໜັກຢາເສບຕິດທັງໝົດ656kg ກັບ 819.872 g.

About admin

Check Also

ບໍ່ລອດ! ມ້າ ງຄ ະ ດີ ຢ າເ ສ ບ ຕິ ດ ພ້ອມກັກໂຕໄດ້ 17 ຄົນ

ປກສ ເມືອງສີສັດຕະນາກ ຈັບຜູ້ຖືກຫາຄ້າຂາຍຢາເສບຕິດ 17 ຄົນ, ຢຶດຢາບ້າໄດ້ 2 ພັນກວ່າເມັດ ໃນທ້າຍເດືອນກໍລະກົດ ຫາ ຕົ້ນເດືອນສິງຫາ 2022, ພະແນກຕໍາຫຼວດ ກອງບັນຊາການ ປກສ …

Leave a Reply

Your email address will not be published.