Breaking News

ແຊຣ໌ຕໍ່ໆ ອ່ານເພື່ອຄວາມຮູ້ ປະສົບການຈາກຜູ້ປ່ວຍໂຄວິດ

👉🏻ຄຳຖາມທີ່ຖາມມາຫຼາຍ…ໄປຕິດເຊື້ອມາແຕ່ໃສ ? ກັກໂຕຢູ່ໃສ? ປົວຈັ່ງໃດ? ພໍ່ແມ່ມີໂລກປະຈຳຕົວຕິດລະບໍ່ເປັນຕາຢ້ານຫວາ? ລູກຕິດບໍ່? ລູກຕິດລະເຮັດແນວໃດ? …

1. ພໍ່ ບາງມື້ໄປລົມວຽກນອກ ເຊັ່ນ ຮ້ານອາຫານ ຫຼື ຮ້ານກາເຟ, ໄປໃສ່ນໍ້າມັນ,ໄປຕະຫຼາດ ແລະ ອື່ນໆ..ກະຄືໃຊ້ຊີວິດ ປົກກະຕິ…#ໄປວຽກແລ້ວກະໄປນອນຢູ່ສວນນາສາລາ ເພາະວ່າຕັ້ງແຕ່ລັອກດາວມາ ພາກັນໄປນອນຢູ່ເຮືອນສວນ ຍ້ອນວ່າຢ້ານໂຄວິດ ປ້ອງກັນສຸດຂີດ

2. ພໍ່ເລີ່ມມີອາການເໝື່ອຍ,ເພຍ ລະນອນໝົດມື້ ຕື່ນມາມື້ທີ2 ມີອາການເປັນຫວັດຕັນດັງ ແຕ່ກະບໍ່ເອະໃຈຫຍັງ ເພາະວ່າພໍ່ມ້ຽນດິນບັອກ ອອກແຮງງານຕາມເຮືອນ ບວກກັບອາກາດປ່ຽນ ເລີຍຄິດວ່າພໍ່ເຮັດວຽກຫຼາຍເລີຍເໝື່ອຍຊື່ໆ..

3. ມື້ຕໍ່ມາລູກສາວກະຣັດກະໄຂ້ ໄຂ້ຫຸ່ມໆໝົດມື້ ໃຫ້ກິນຢາລົດໄຂ້ໃສ່ ໄຂ້ກະລົງ ລະກະຄີງຫຸ່ມອີກ..

4. ມື້ຕໍ່ມາ ເອື້ອຍລ້ຽງກະຣັດຕັນດັງ ນາງມັກເປັນຫວັດຢູ່ແລ້ວເມື່ອອາກາດປ່ຽນ ກະບໍ່ໄດ້ຄິດວ່າຕິດນຳນ້ອງ ເພາະວ່າກະຣັດໄຂ້ ນາງພັດເປັນຫວັດ ບໍ່ໜ້າຈະຕິດກັນ.

5. ນັບຈາກທີ່3ຄົນເປັນລຽນມື້ກັນ #ຢໍ້າວ່າຕິດກັນໂຄດໄວພໍ່ເປັນວັນສຸກ,ກະຣັດເປັນວັນເສົາ,ເອື້ອຍລ້ຽງເປັນວັນທິດ… ຜ່ານມາຕື່ມອີກ2ມື້ ແມ່ມີໄຂ້ໜາວສັ່ນ ແມ່ໄຂ້ແຕ່2ເທື່ອ ເລີຍພາກັນຄິດວ່າ ບໍ່ແມ່ນລະ .. ເລີຍຊື້ເຄື່ອງມາກວດເອງ ກວດໃຫ້ພໍ່ ຜົນປະກົດວ່າຂຶ້ນ2ຂີດ..#ມື້ທີ່ແມ່ມີໄຂ້ ແມ່ນພໍ່ ກັບກະຣັດເຊົາແລ້ວ ບໍ່ມີອາການຫຍັງເພີ່ມເລີຍ..

6. ພາກັນໄປກວດຢູ່103ໝົດເຮືອນ ມີ7ຄົນ ຜົນເປັນບວກ3ຄົນຄື:ພໍ່,ແມ່,ເອື້ອຍລ້ຽງ.. ກະຣັດລອດ ຈັກລອດແນວໃດທັ້ງທີເປັນໄຂ້ຄົນທີ່2..

7. ຫຼັງຈາກນັ້ນ ກະໄດ້ຂໍປົວນຳໝໍຢູ່ໂຮງໝໍ103 ເພາະວ່າພໍ່ ມີພະຍາດເບົາຫວານ ແລະ ໄວຣັສຕັບ,ແມ່ເປັນໄທລອຍ ມີຫ້ອງວ່າງພໍດີ3ຕຽງ ເລີຍໄດ້ປົວຢູ່ນຳກັນ

8. ຜ່ານມາໄດ້2ມື້ ຂ້ອຍເອງມີອາການຕັນດັງ ມີໄຂ້ແຕ່2ເທື່ອ ໄຂ້37.5 ກະເລີຍແຍກຫ້ອງ #ບ້ານກະຄື ແບ່ງເຄິ່ງກັນເລີຍ ເອົາຕັ່ງມາຂັ້ນກາງເຮືອນໄວ້ ນ້ອງກະແຍກນອນຫ້ອງ1 ໂຢກັບລູກກະແຍກນອນຫ້ອງ1 ໃຄແຕ່ຫ້ອງນໍ້າຕິດທຸກຫ້ອງນອນ ແຍກທຸກຢ່າງ ຖ້ວຍ,ບ່ວງ,ຈອກ ຜູ້ທີ່ຍັງບໍ່ມີອາການກະເປັນຄົນເຮັດອາຫານ ມາປະໄວ້ຕັ່ງທີ່ຂັ້ນເຮືອນ..

9. ຜ່ານມາໄດ້ອີກ4ມື້ ໂຢເລີ່ມມີອາການໄອ ມີໄຂ້38-39 ເລີຍໄດ້ແຍກໄປນອນອີກຫ້ອງ1 10. ກະຣັດລ່າເລີງດີ ແຂງແຮງດີ ສ່ວນຂ້ອຍ ແມ່ນເຊົາ ແລະຟື້ນໂຕໄດ້ໄວກ່ອນໝູ່ ເປັນຫວັດ2ມື້ ໄຂ້ແຕ່2ເທື່ອ ພາຍໃນມື້ດຽວ.. ແລ້ວກະເຊົາໄຂ້ເຊົາເປັນຫວັດ ..

11. ວິທີປົວ: ໝໍໃຫ້ກິນຢາຕາມອາການ ມີໄຂ້ກິນຢາລົດໄຂ້ ເປັນຫວັດກິນຢາດີຫວັດ ແລະ ຢາວິຕາມິນຊີ1000mg 1ເມັດເຊົ້າແລງກິນນໍ້າໃຫ້ຫຼາຍໆ ສ່ວນໂຕແມ່ນກິນນໍ້າຫົວເສືອໝົດມື້ລະເກືອບ3ຕຸກໃຫຍ່ ກິນນໍ້າຕົ້ມນໍ້າຂິງ,ຫົວສິງໄຄ,ຂ່າຕ່າງຫາກ ຫ້າມກິນນໍ້າເຢັນເດັດຂາດ ຮົມຢາເຊົ້າແລງ ໃສ່ຂິງ,ຂ່າ,ຫົວສີໄຄ,ໃບຂີ້ຫູດ .. ກິນອໍລາລິດມື້ລະຊອງລົດໝາກກ້ຽງ ເພື່ອເພີ່ມເກືອແຮ່ໃຫ້ຮ່າງກາຍ ເຮົາຮົມຢາຫຼາຍເຫື່ອອອກຫຼາຍ .. ເກືອບ້ວນຄໍເຊົ້າແລງ ນໍ້າເກືອລ້າງດັງ ຖ້າຫາກມີນໍ້າມູກ.. ສຳຄັນສຸດແມ່ນ ນອນພັກຜ່ອນໃຫ້ໄດ້ຫຼາຍໆ .. ອີກອັນສຳຄັນແມ່ນປາກບໍ່ໄດ້ລົດຊາດ ດັງບໍ່ໄດ້ກິ່ນ ບໍ່ຢາກເຂົ້າ ກິນບໍ່ແຊບ ..ແຕ່ ພາກັນໃຈສູ້ ກິນໃຫ້ໄດ້ຫຼາຍໆ ທັງທີ່ບໍ່ແຊບ ຄິດພາບອອກບໍ່ ລິ້ນບໍ່ໄດ້ລົດຊາດ ຫຍໍ້າແນວແຊບກະບໍ່ຮູ້ສຶກຫຍັງ ແຕ່ກະກິນ ປວດຮາກກະກິນ .. ໃຈຕ້ອງສູ້

12. ພໍ່,ແມ່ ທີ່ມີພະຍາດປະຈຳໂຕ : ສ່ວນໂຕລາວທັງ2ເປັນຄົນແຂງແຮງ , ສັກວັກຊີນຄົບ2ເຂັມ ລາວກິນນໍ້າຕົ້ມນໍ້າອຸ່ນໄດ້ດີ ຮົ່ມຢາໄດ້ດີ, ນອນພັກຜ່ອນໄດ້ ເລີຍບໍ່ມີອາການແຊກຊ້ອນໃດໆ

13.ຄົນທີ່ອາການຄ່ອນຂ້າງໜັກແມ່ນໂຢ : ໂຢມີອາການໄອຫຼາຍ ໄອຈົນເຈັບໜ້າເອິກ ເວົ້າກະບໍ່ໄດ້ ເພາະວ່າຄັນເວົ້າກະມີແຕ່ໄອ ໝໍເລີຍໃຫ້ກິນຢາ Erythromycinກັບchlorpheniramine ກິນລະງ່ວງ ເພາະລະງັບ ໃຫ້ນອນຫຼາຍໆ.. #ທີ່ມີອາການໄອຫຼາຍຍ້ອນຜູ້ກ່ຽວເຄີຍເປັນນັກຮ້ອງ ແລ້ວຫຼອດສຽງອັກເສບ ປົກກະຕິກະເປັນຄົນໄອເຣື້ອຣັງຢູ່ແລ້ວ ມາບວກຕື່ມຕິດໂຄວິດເລີຍກາຍເປັນໂຄດດດດໄອ..ໂຢຜ່ານມາໄດ້4ມື້ ໄອເລີ່ມລົດລົງ ໄຂ້ບໍ່ມີ ອາການດີຂຶ້ນຫຼາຍ ຈົນເຊົາຈາກໂຄວິດ.

14. ທີ່ເຮົາຕັດສິນໃຈປົວຢູ່ບ້ານ ຍ້ອນວ່າ ຕອນໄປກວດຢູ່ໂຮງໝໍ ຜົນເປັນລົບ ຈົນຜ່ານມາ2-6ມື້ຈັ່ງມີອາການ ແຕ່ພາກັນເອົາໃຈໃສ່ປົວໂຕເອງ ເຮັດຕາມໝໍແນະນຳ #ສຳຄັນທີ່ສຸດແມ່ນຕ້ອງມີເຄື່ອງວັດອອກຊິເຈນໃນເລືອດ ແລະຫົວໃຈ ເຄື່ອງທີ່ນ້ອຍໆໜີບນິ້ວຊີ້ ມັນຈະບອກຄ່າເຮົາ ອອກຊິເຈນໃນເລືອດ 96-100 ແມ່ນປອດໄພ ແຕ່ຖ້າລຸດ94ແມ່ນສະແດງວ່າເຮົາສ່ຽງຕໍ່ເຊື້ອລົງປອດ ສ່ວນຫົວໃຈແມ່ນ60-100ແມ່ນປົກກະຕິ ຖ້າກາຍ150ແມ່ນສ່ຽງຫົວໃຈລົ້ມເຫຼວ

#ບວກກັບໜ່ວຍງານບ້ານເພິ່ນລົງມາສີດຢາ ແລ້ວກະເໜັ່ງເຊືອກຂາວແດງໃສ່ປະຕູຮົ້ວໂລດ ຕິດປ້າຍແດງໃຫຍ່ໆໃສ່ໜ້າປະຕູ ກະຄືໄປໃສບໍ່ໄດ້ ..😂 ✌🏻✌🏻ຢາກໃຫ້ກຳລັງໃຈທຸກຄົນທີ່ຍັງຕິດໂຄວິດ19ຢູ່ຕອນນີ້ ໃຫ້ສູ້ ກິນນໍ້າອຸ່ນຫຼາຍໆ ບໍ່ຢາກເຂົ້າກະຕ້ອງກິນ ..

ນອນຫຼາຍ ບໍ່ຢາກນອນກະຕ້ອງນອນ ແຕ່ຕື່ນມາກະຕ້ອງອອກກຳລັງກາຍເບົາໆ ພະຍາຍາມເໜັງຂາຫຼາຍໆເພື່ອໃຫ້ເລືອດແລ່ນດີ .. ໂຄວິດກະຄ້າຍຄືໄຂ້ຫວັດທຳມະດາ ຖ້າເຮົາປົວທ່ວງທັນ ມັນກະບໍ່ໄດ້ເປັນອັນຕະລາຍ ສຳຄັນແມ່ນ ສັກວັກຊີນໃຫ້ຄົບ..

✌🏻✌🏻ສ່ວນຄົນທີ່ຍັງບໍ່ຕິດກະຮັກສາໂຕເອງດີໆ ໝັ່ນລ້າງມື ໃສ່ຜ້າປິດປາກ ເພາະເຊື້ອຕອນນີ້ມັນມີຢູ່ທຸກບ່ອນ ທຸກທີ່ ຄົນທີ່ຕິດສະແດງອາການກະມີຫຼາຍ ຄົນທີ່ຕິດບໍ່ສະແດງອາການແຮງມີຫຼາຍກ່ອນ .. ສູ້ໆ ຂໍໃຫ້ທຸກຄົນປອດໄພ.. 🥰ແລະຢາກຂອບໃຈນຳດຣ ທີ່ຢູ່ໂຮງໝໍ103 ທີ່ໃຫ້ຄຳປຶກສາ ແລະເບິ່ງພໍ່ແມ່ຈົນຊ່ວງເຊົາ ບໍ່ຮູ້ຊື່ເພິ່ນ😂 ແຕ່ມີເບີເພິ່ນຢູ່ ຂໍອວຍພອນໃຫ້ເພິ່ນຊ່ວງເຊົາຈາກໂຄວິດ ຂໍໃຫ້ເພິ່ນປອດໄພ ແຂງແຮງໄວໆ

#ເພາະເພິ່ນເສຍສະລະດູແລຄົນເຈັບຈົນເພິ່ນໄດ້ຕິດເຊື້ອໂຄວິດໃນເຄສຜ່າຕັດ.. ຂອບໃຈນຳດຣຫຼາຍໆເດີ້Cr : Nounee Vannida#Clipded #ເລື່ອງດັງ

About admin

Check Also

ຂໍເປັນກຳລັງໃຈໃຫ້ເຈົ້າໜ້າທີ່ ທີ່ກຳລັງປະຕິບັດໜ້າທີ່ກັບຄະດີນີ້ (ຍັງບໍ່ເປັນທາງການ)

ເຫດການສະເທືອນຂວັນ ສາວລາວ ຖືກຄາດຕະກໍາ ພັບຍັດສົບໃສ່ຫີບໄຫຼນໍ້າຂອງຕິດຝັ່ງໄທ ພ້ອມຊອກລູກນ້ອຍບໍ່ທັນເຫັນ🥲 ຈາກຄະດີປິດສະໜາ ວັນທີ 29 ກັນຍາ 2022 ເວລາ 11:00 ໂມງ ມີຄົນພົບສົບ ຍິງສາວ …

Leave a Reply

Your email address will not be published.