ເຫດຜົນທີ່ຄວນຢຸດດື່ມນ້ຳອັດລົມ !

ນ້ຳອັດລົມເປັນເຄື່ອງດື່ມທີ່ແຊບດື່ມແລ້ວສົດຊື່ນຖ້າດື່ທແບບພໍປະມານແຕ່ດື່ມຫຼາຍມັນກໍ່ມີຜົນຂ້າງຄຽງຄືກັນ ມາອ່ານເບິ່ງເຫດຜົນວ່າເປັນຍ້ອນຫຍັງເຮົາຈຶ່ງຄວນຢຸດດື່ມ

• ມີຄວາມສຸກໃນການກິນຫຼາຍຂຶ້ນ

ເພາະປະສາດຮັບລົດດີນ້ຳອັດລົມທີ່ມີນ້ຳຕານຫຼວງຫຼາຍ ທີ່ເຮັດໃຫ້ລົດຂອງອາຫານປ່ຽນແປງໄປໄດ້ຍິ່ງເຈົ້າດື່ມນ້ຳອັດລົມດຸຊ້ຳໃດ ປະສາດການຮັບລົດຊາດຂອງເຈົ້າກໍຈະປ່ຽນໄປຫຼາຍເທົ່ານັ້ນ ດັ່ງນັ້ນທັນທີ່ທີ່ເຈົ້າຢຸດດື່ມນ້ຳອັດລົມ ຜົນທີ່ໄດ້ຄື ປະສາດຮັບລົດຂອງເຈົ້າກໍຈະເປັນປົກກະຕິ ໄດ້ ຮັບລົດຊາດອາຫານແບບຂອງແທ້

• ລຸດຄວາມສ່ຽງການເປັນເບົາຫວານໄດ້ເຖິງ 2 ປະເພດ

ຈາກ​ການສຶກສາ​ຂອງ​ Diabetes Care ໃນ​ປີ​ 2010 ຫາກ​ເຈົ້າ​ດື່ມ​ນ້ຳ​ອັດ​ລົມ​ເປັນ​ປະຈຳ​ ຈະ​ເຮັດໃຫ້​ເຈົ້າ​ມີ​ໂອ​ກາດ​ສ່ຽງ​ເປັນ​ເບົາ​ຫວານ​ 2 ປະ​ເພດ​ໄດ້​ເຖິງ​ 26%ເຖິງຈະ​ດື່ມ​ນ້ຳ​ອັດ​ລົມ​ແບບ​ສຸຂະພາບ​ ກໍ​ບໍ່​ໄດ້​ຊ່ວຍ​ໃຫ້​ດີ​ຂຶ້ນ​ ທາງ​ທີ່​ດີ​ເຈົ້າ​ຄວນ​ຈະ​ເຊົາ​ດື່ມ​ເລີຍ​ຈຶ່ງ​ດີ​ທີ່ສຸດ​

• ໄດ​ເອດ​ ຫຼຸດ​ນ້ຳ​ໜັກ​ໄດ້​ງ່າຍ​ຂຶ້ນ​

ຖ້າ​ຢາກຫຼຸດ​ນ້ຳ​ໜັກ​ໄດ້​ງ່າຍ​ຂຶ້ນ​ ເຈົ້າ​ຕ້ອງ​ຕັດ​ນ້ຳ​ອັດ​ລົມ​ອອກ​ໄປ​ຈາກ​ຊີວິດ​ ນ້ຳ​ໜັກ​ເຈົ້າ​ເຖິງ​ຈະ​ລົງ​ໄດ້​ໄວ​ຂຶ້ນເພາະ​ນ້ຳ​ອັດ​ລົມ​ພຽງ​ 12 ອອນ​ ມີ​ນ້ຳ​ຕານ​ກວ່າ​ 39 ກຮາມ​ ແລະ​ ມີ​ພະລັງ​ງານ​ກວ່າ​ 90 ແຄລໍຮີ

• ໝາກໄຂ່ຫຼັງເຮັດວຽກ​ໄດ້​ດີ​ຂຶ້ນ​

ການ​ເຊົາດື່ມ​ນ້ຳ​ອັດ​ລົມ​ເຮັດໃຫ້​ໄຕ​ຂອງ​ເຈົ້າ​ເຮັດວຽກ​ໄດ້​ດີ​ ແຂງ​ແຮງ​ ແລະ​ ບໍ່​ເສຍງ່າຍ​ ຍິ່ງ​ເຈົ້າ​ດື່ມ​ຫຼາຍຊ້ຳໃດໝາກໄຂຫຼັງຂອງເຈົ້າ​ກໍ​ເຮັດວຽກ​ໜັກ​ຫຼາຍ​ເທົ່າ​ນັ້ນ​

• ຫົວ​ໃຈ​ແຂງ​ແຮງ​ຂຶ້ນ​

ຕາມ​ຜົນ​ການສຶກສາ​ຂອງ​ມະຫາ​ວິທະຍາ​ໄລ​ Harvard ພົບ​ວ່າ​ ໃນ​ບັນດາ​ເຄື່ອງ​ດື່ມ​ທັງ​ໝົດ​ ນ້ຳ​ອັດ​ລົມ​ຈະ​ເຮັດໃຫ້​ຫົວ​ໃຈ​ຂອງ​ເຈົ້າ​ປ່ວຍ​ໄດ້​ຫຼາຍ​ທີ່ສຸດ​ເພາະ​ນ້ຳ​ອັດ​ລົມ​ຈະ​ເພີ່ມ​ຄວາມ​ດັນ​ເລືອດ​ໃນ​ຮ່າງກາຍ​

• ແຂ້ວ​ຂາວ​ ຍິ້ມ​ງາມ​​

ເພາະ​ກົດ​ຊິດິກ​ນັ້ນ​ຈະ​ທຳລາຍ​ເຄືອບ​ແຂ້ວ​ ເພີ່ມ​ຄວາມ​ເປັນ​ຫຼຸມ​​ໃຫ້​ແຂ້ວ​ ແຖມ​ແຂ້ວ​ເຫຼືອງ​ອີກ​ຖ້າ​ເຈົ້າ​ສາມາດ​ເຊົາ​ດື່ມ​ນ້ຳ​ອັດ​ລົມ​ໄດ້​​ ນອກ​ຈາກ​ຈະ​ເຮັດໃຫ້​ແຂ້ວ​ຂາວ​ຂຶ້ນ​ ຍິ້ມກໍ່​ງາມ​ຂຶ້ນ​ແລ້ວ​ ເຈົ້າ​ຍັງ​ບໍ່​ມີແຂ້ວແມງ​ອີກ​ດ້ວຍ

• ເຈົ້າ​ຈະ​ສະຫຼາດ​ຂຶ້ນ​ ຄວາມ​ຈຳ​ດີ

ນ້ຳ​ຕານ​ສົ່ງ​ຜົນ​ໂດຍ​ກົງ​ກັບ​ສະໝອງ​ຂອງ​ເຈົ້າ​ ຖ້າ​ເຈົ້າຍິ່ງ​ດື່ມ​ນ້ຳ​ອັດ​ລົມ​ມາ​ດົນເທົ່າໃດກໍ​ຍິ່ງ​ທຳລາຍ​ສະໝອງ​ຂອງ​ເຈົ້າ​ຫຼາຍ​ເທົ່າ​ນັ້ນ​ທັນ​ທີ​ທີ່​ເຊົາ​ດື່ມ​ຈະ​ເຮັດໃຫ້​ເຈົ້າ​ໂຟ​ກັດ​ຫຍັງ​ໄດ້​ຊັດເຈນ​ຫຼາຍ​ຂຶ້ນ​ ຈົດ​ຈຳ​ໄດ້​ດີ​ຂຶ້ນ​

• ເຂົ້າ​ຫ້ອງ​ນ້ຳ​ນ້ອຍ​ລົງ​

ນ້ຳ​ອັດ​ລົມ​ ນັ້ນ​ບໍ່​ແມ່ນ​ນ້ຳ​ລ້າໆ​ ເຮັດໃຫ້​ຮ່າງກາຍ​ເຮົາຕ້ອງ​ໝັ່ນ​ນຳ​ຂອງ​ເສຍ​ອອກຈາກ​ຮ່າງກາຍ​ເອີ້ນ​ໄດ້​ວ່າ​ ຍິ່ງເຈົ້າ​ດື່ມ​ນ້ຳ​ອັດ​ລົມຫຼາຍ​ເທົ່າໃດ​ ເຈົ້າຍິ່ງ​ທຳລາຍ​ກະເພາະຍ່ຽວ​ຂອງ​ເຈົ້າ​ຫຼາຍ​ເທົ່າ​ນັ້ນ​

• ພູ​ມ​ຄຸ້ມ​ກັນ​ດີ​ຂຶ້ນ​

ນ້ຳ​ອັດ​ລົມ​ ເຮັດໃຫ້​ຄວາມ​ດັນ​ຂອງ​ເຈົ້າ​ສູງ​ຂຶ້ນ​ ນ້ຳ​ໜັກ​ຂຶ້ນ​ ປ່ວຍ​ງ່າຍ​ຂຶ້ນ​ຖ້າ​ບໍ່​ດື່ມ​ຈະ​ເກີດ​ຫຍັງ​ຂຶ້ນ​ ກະບໍ່​ມີຄວາມ​ດັນ​ ນ້ຳ​ໜັກ​ລົງ​ ແຂງແຮງບໍ່ເຈັບປວຍງ່່າຍ​

• ມີ​ພະລັງ​ງານ​ເພີ່ມ​ຂຶ້ນ​

ຄືກັນ​ກັບ​ກາ​ເຟ​ ນ້ຳ​ອັດ​ລົມ​ມີ​ກາ​ເຟ​ອີນ​ຄື​ກັນ​ ແລະ​ ກາ​ເຟ​ອີນ​ເຮັດໃຫ້​ເຈົ້າ​ເມື່ອຍຫຼາຍ​ຂຶ້ນ​ເຖີງ​ວ່າຈະ​ເຮັດໃຫ້​ເຈົ້າ​ຕື່ນ​ຕົວ​ຕະຫຼອດ​ເວລາ​ກໍ່​ຕາມ​ ສູ້​ເຈົ້າມາໃຊ້​ພະລັງ​ງານ​ຕາມ​ຮ່າງກາຍ​ແບບ​ບໍ່​ຕ້ອງ​ຝືນ​ຈະ​ດີກວ່າ​

• ກະດູກ​ແຂງ​ແຮງ​ ບໍ່​ຜຸ

ນ້ຳ​ອັດ​ລົມ​ເຮັດໃຫ້​ເປັນ​ພະຍາດ​ກະດູກ​ຜຸ​ໄດ້​ເພາະ​ ຜົນ​ການສຶກສາ​ໃນ​ປີ​ 2104 ພົບ​ວ່າ​ ການ​ດື່ມ​ນ້ຳ​ອັດ​ລົມ​ນັ້ນ​ມີ​ແນວ​ໂນ້ມ​ສົ່ງ​ຜົນ​ໃຫ້​ຜູ້ຍິງ​ໃນໄ​ວ​ໝົດ​ປະຈຳ​ເດືອນ​ມີ​ການ​ແຕກ​ຂອງກະດູກ​ບໍລິເວນ​ແອວ​ເພີ່ມ​ຂຶ້ນ​ເຖິງ​ 14%
ຍິ່ງ​ອາຍຸຫຼາຍຍິ່ງ​ຕ້ອງ​ລະ​ວັງ​ ກິນ​ແຄລ​ຊຽມ​ເສີມ​ດ້ວຍ​ຈະ​ດີກວ່າ​

• ອາຍຸ​ຍືນ​ຂຶ້ນ​

ຂໍ້​ດີ​ທີ່ສຸດ​ຂອງ​ການ​ບໍ່​ດື່ມ​ນ້ຳ​ອັດ​ລົມ​ຄື​ ການ​ມີ​ອາຍຸ​ຍືນ​ຍາວ​ຂຶ້ນ​ເມື່ອ​ບັນຫາ​ເລື່ອງ​ພະຍາດ​ຫຼຸດລົງ​ ເຈົ້າ​ກໍ​ຈະ​ມີ​ເວລາ​ຢູ່ໃນ​ໂລກ​ນີ້​ໄດ້​ດົນຫຼາຍຂຶ້ນ​ຫຼັງ​ຈາກ​ທີ່​ໄດ້​ອ່ານ​ແລ້ວ​ ໃຜ​ທີ່​ມັກ​ດື່ມ​ນ້ຳ​ອັດ​ລົມ​ເປັນ​ຊີວິດ​ຈິດ​ໃຈ​​ ເຈົ້າ​ຄວນ​ຈະ​ດື່ມ​ໃຫ້​ນ້ອຍ​ລົງ​ ຫຼື ຖ້າ​ເປັນ​ໄປ​ໄດ້​ຖ້າ​ເຈົ້າ​ເຊົາດື່ມ​ໄດ້​​ຈະ​ເປັນ​ປະໂຫຍດ​ຕໍ່​ຮ່າງ ກາຍ​ຂອງ​ເຈົ້າ​ເອງ​