Breaking News

ພໍ່ແມ່ພີ່ນ້ອງ! ກຽມຮັບມືອາກາດໜາວ ພາກເໜືອດ້ານຕາເວັນອອກໜາວເຢັນລົງ 2 ຫາ 4 ອົງສາ

ພໍ່ແມ່ພີ່ນ້ອງ! ກຽມຮັບມືອາກາດໜາວ ພາກເໜືອດ້ານຕາເວັນອອກໜາວເຢັນລົງ 2 ຫາ 4 ອົງສາ​ ກົມອຸຕຸນິຍົມ ແລະ ອຸທົກກະສາດ ລາຍງານວ່າ:

ສະພາບອາກາດ ໃນໄລຍະວັນທີ 8 ຫາ 14 ພະຈິກ 2021 ນີ້ ມວນອາກາດໜາວເຢັນຈາກປະເທດຈີນ ຈະເພີ່ມກຳລັງແຮງຂຶ້ນແຜ່ລົງມາປົກຄຸມຢູ່ທຸກພາກຂອງປະເທດລາວອີກເທື່ອໃໝ່, ສົມທົບກັບກະແສລົມຕາເວັນອອກສ່ຽງເໜືອ ພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ອາກາດເຢັນລົງ 1 ຫາ 3 ອົງສາ

ພ້ອມມີໝອກບາງປົກຫຸ້ມໃນຕອນກາງຄືນ ຫາ ຕອນເຊົ້າ ແລະ ມີຝົນຕົກໃນລະດັບຄ່ອຍຢູ່ບາງທ້ອງຖິ່ນໃນແຕ່ລະພາກ, ສະເພາະຢູ່ແຂວງພາກເໜືອດ້ານຕາເວັນອອກ, ແຂວງໄຊສົມບູນ ແລະ ເຂດພູພຽງບໍລະເວນ ອາກາດໜາວເຢັນ ຫາ ໜາວເຢັນຫຼາຍ ພ້ອມມີໝອກບາງປົກຫຸ້ມໃນຕອນເຊົ້າ.

ຄາດຄະເນສະພາບອາກາດ ໃນແຕ່ລະພາກດັ່ງລຸ່ມນີ້:👉 ພາກເໜືອດ້ານຕາເວັນອອກ: ໃນໜຶ່ງອາທິດຕໍ່ໜ້າ ອາກາດຈະເຢັນ ຫາ ໜາວເຢັນລົງ 2 ຫາ 4 ອົງສາ.

👉 ພາກເໜືອດ້ານຕາເວັນຕົກ: ໃນໜຶ່ງອາທິດຕໍ່ໜ້າ ອາກາດເຢັນ ຫາ ໜາວເຢັນລົງ 1 ຫາ 3 ອົງສາ.

👉 ພາກກາງ: ໃນໜຶ່ງອາທິດຕໍ່ໜ້າ ອາກາດເຢັນລົງ 1 ຫາ 3 ອົງສາ.

👉 ພາກໃຕ້: ໃນໜຶ່ງອາທິດຕໍ່ໜ້າ ອາກາດຈະເຢັນລົງ 1 ຫາ 3 ອົງສາ.

👉​ ນະຄອນຫຼວງວຽງຈັນ: ໃນໜຶ່ງອາທິດຕໍ່ໜ້າ ອາກາດຈະເຢັນລົງພ້ອມມີໝອກບາງປົກຫຸ້ມໃນຕອນເຊົ້າ.

About admin

Check Also

ແຊຣ໌ຕໍ່ໆ ເຕືອນ​ພີ່ນ້ອງຊາວລາວທຸກຄົນ

ແຊຣ໌ເຕືອນ ພີ່ນ້ອງຊາວລາວທຸກຄົນ ລະວັງ​ນັກຕົ້ມຕຸນ ກ່ອນຈະສັ່ງຫຍັງຄວນເບິ່ງດີໆກ່ອນ​ ມີຜູ້ໃຊ້ເຟສ໌ທ່ານໜຶ່ງຝາກເຕືອນ ເພື່ອບໍ່ໃຫ້ຄົນອື່ນຕົກເປັນເຫຍື່ອ​ ໂດຍໄດ້ຝາກວ່າ: ຢາກໃຫ້ແອັດມິນລົງເຕືອນທຸກບໍໃຫ້ເຊື່ອກຸ່ມຄົນພວກນີ້​ ຂ້ອຍສັ່ງເຄື່ອງນຳເພິ່ນແຕ່ວັນທີ11ເພິ່ນວ່າເຄື່ອງຮອດລາວທີ15. ມື້ນີ້ວັນທີ18ແລ້ວມິດຢູ່.ຕິດຕໍຫາກະບໍໄດ້ ບັອກຂ້ອຍທູກຢ່າງ ອ່ານແຊັດທີ່ສົນທະນາກັນ ທີ່ມາ

Leave a Reply

Your email address will not be published. Required fields are marked *