ເຕືອນ ! ຕິດຢາດົມອັນຕະລາຍກວ່າທີ່ຄິດ

ຢາດົມ ເປັນຂອງໃຊ້ຂ້າງກາຍທີ່ຂາດບໍ່ໄດ້ເວລາທີ່ຮູ້ສຶກມຶນຫົວ ປວດຫົວ ຫາຍໃຈບໍ່ສະດວກ ຫຼື ບາງຄົນກໍ່ບໍ່ໄດ້ຮູ້ສຶກເຈັບປ່ວຍຫຍັງ ພຽງແຕ່ຢາກດົມເທົ່ານັ້ນ ແຮງດົມກໍ່ແຮງຕິດ ຂາດບໍ່ໄດ້ ຈົນບາງເທື່ອອາດກາຍເປັນພາບລັກທີ່ບໍ່ດີ

ແຕ່​ຖ້າ​ເວົ້າ​ເຖິງ​ໃນ​ເລື່ອງ​ຂອງ​ປະໂຫຍດ​ ແລະ ​ໂທດ​ຕໍ່​ສຸຂະພາບ​ແລ້ວ​ “ການ​ຕິດ​ຢາດົ​ມ​” ມີ​ຜົນ​ເສຍ​ຕໍ່​ຮ່າງກາຍຫຼື​ບໍ​ ຕາມ​ມາ​ຫາ​ຄຳ​ຕອບ​ໄດ້​

ຢາດົມ ຄື ຢາສະໝຸນໄພຮູບແບບແທ່ງ ຜະລິດຂຶ້ນມາຈາກກາລະບູນ ພິມເສນ ເມນທອນ ແລະ ນ້ຳມັນຫອມລະເຫີຍຕ່າງໆ ເຊັ່ນ ຫອມລາບ ນ້ຳມັນຂຽວ ນ້ຳມັນການພູ ຫຼື ນ້ຳມັນຢູຄາລິບຕັດ ຊຶ່ງກະຕຸ້ນໃຫ້ຮ່າງກາຍຕື່ນຕົວ ແລະສົດຊື່ນຂຶ້ນ

ຢາດົມເຮັດອອກມາເພື່ອຄວາມສະດວກໃຊ້ ສະດວກພົກພາ ຕິດຕົວເອົາໄວ້ໄດ້ຕະຫຼອດເວລາ ເພື່ອເວລາໃດທີ່ຮູ້ສຶກວິນຫົວ ຫຼື ຢາກຮາກກໍຈັບຂຶ້ນມາສູບດົມໄດ້ຕະຫຼອດ ແຕ່ສຳລັບໃຜທີ່ດົມເລື້ອຍໆຈົນຕິດ ມີຂໍ້ເສຍຕໍ່ຮ່າງກາຍຫຼາຍປານໃດມາເບິ່ງ?

ຢາດົມຈະເຮັດໃຫ້ຮູ້ສຶກຕື່ນໂຕ ເພາະມີສ່ວນປະສົມຂອງມິ້ນ (ຫອມລາບຫຼືຫອມຫໍ່) ແລະ ຈະເຮັດໃຫ້ມີພະລັງຂຶ້ນມາອີກເທື່ອ ແຕ່ຖ້າບໍ່ໄດ້ອອກກຳລັງກາຍເປັນປະຈຳ ຫຼື ຮັບປະທານອາຫານເພື່ອສຸຂະພາບສະໝ່ຳສະເໝີ ຢາດົມກໍຄົງຈະຊ່ວຍຫຍັງຫຼາຍບໍ່ໄດ້

ການໃຊ້ຢາດົມຕິດຕໍ່ກັນເປັນເວລາດົນໆ ອາດຈະມີຜົນຕໍ່ ‘ເຍື່ອຫຸ້ມດັງ’ ເຮັດໃຫ້ເກີດການອັກເສບໄດ້ ຊຶ່ງມີຜົນໃຫ້ເກີດອາການຈາມ ແລະ ອາການອື່ນໆ ສ່ວນກໍລະນີທີ່ເກີດການອັກເສບຂັ້ນຮຸນແຮງ ອາດຮຸນແຮງເຖິງຂັ້ນຮັກສາບໍ່ຫາຍກໍໄດ້ສຳລັບຜູ້ທີ່ແພ້ຢາດົມ ມັກຈະມີອາການຈາມ ຂໍ້ຄວນລະວັງໃນການໃຊ້ຢາດົມ

ເດັກນ້ອຍແລະເດັກນ້ອຍບໍ່ຄວນໃຊ້ ເພາະຢາດົມມີສານເຄມີທີ່ຄວາມເຂັ້ມຂົ້ນສູງ ຈຶ່ງອາດຈະເຮັດໃຫ້ເປັ ອັນຕະລາຍກັບເດັກໄດ້ຫາກເດັກໃຊ້ຜິດວິທີ ດັ່ງນັ້ນຈຶ່ງຄວນເກັບໄວ້ໃຫ້ຫ່າງຈາກມືເດັກ ນອກຈາກນີ້ ບໍ່ຄວນນຳມາໃຊ້ກັບເດັກເດັກນ້ອຍເດັດຂາດ ເພາະອາດຈະເຮັດໃຫ້ເດັກຫາຍໃຈບໍ່ອອກໄດ້

ຜູ້ທີ່ມີພະຍາດກ່ຽວກັບໂພງດັງຄວນຫຼີກລ້ຽງຖ້າຫາກເຈົ້າເປັນຜູ້ທີ່ມີພະຍາດຫຼືບັນຫາກ່ຽວກັບໂພງດັງ ເຊັ່ນ ພະຍາດໄຊນັດ ຫຼືອາການຕິດເຊື້ອໃນໂພງດັງ ຄວນຫຼີກລ້ຽງການໃຊ້ ເພາະອາດຈະເຮັດໃຫ້ເກີດຄວາມເສຍຫາຍກັບເນື້ອເຢື່ອໃນໂພງດັງຫຼາຍຂຶ້ນໄດ້
ສູບດົມໃຫ້ຖືກວິທີ ບໍ່ຄວນສູບດົມປັກຄາດັງຄວນສູບດົມໃກ້ໆ ແຕ່ບໍ່ສຳຜັດໂດຍກົງ ແລະ ບໍ່ຄວນໃຫ້ຫຼອດຢາເຂົ້າໄປຄ້າງໄວ້ໃນດັງ ເພາະສານທຸກຕົວອາດເຮັດໃຫ້ລະຄາຍເຄືອງເມື່ອສຳຜັດບໍ່ຄວນໃຊ້ຮ່ວມກັບຜູ້ອື່ນ

ຄວນຫຼີກລ້ຽງການໃຊ້ຫຼອດຢາດົມທີ່ສຳຜັດດັງຜູ້ອື່ນແລ້ວ ເພາະອາດເຮັດໃຫ້ເກີດການຕິດເຊື້ອຈາກຄົນໜຶ່ງສູ່ຄົນໜຶ່ງໄດ້ຢາດົມແບບທາຕ້ອງໃຊ້ແນວໃດໃຫ້ປອດໄພຢາດົມທີ່ເປັນລັກສະນະຢານ້ຳ ຫຼື ຢາຂີ້ເຜິ້ງ ໃຫ້ທາສຳລີຫຼືຜ້າເຊັດໜ້າ ຫຼື ທາບາງໆຢູ່ໜ້າເອິກ ແລ້ວສູບໄອລະເຫີຍ ຫຼື ອາດທາດ້ານນອກຂອງດັງ ແຕ່ຕ້ອງໃຊ້ຢາປະລິມານນ້ອຍໆກໍພຽງພໍ

ນອກຈາກນີ້ ກ່ອນຈະໃຊ້ຢາດົມຫຼືຢາອື່ນໆທຸກຊະນິດ ກໍຄວນອ່ານລາຍລະອຽດໃຫ້ດີກ່ອນ ທີ່ສຳຄັນບໍ່ຄວນໃຊ້ຕິດຕໍ່ກັນເປັນເວລາດົນ ແລະ ຄວນໃຊ້ໃນປະລິ ມານທີ່ເໝາະສົມ ພຽງເທົ່ານີ້ເຈົ້າກໍປອດໄພແລ້ວ

About admin

Check Also

ໃຜແຊຣ໌ຂໍໄຫ້ມີບຸນມີອະນິສົງຫຼວງຫຼາຍເດີຂໍໄຫ້ມົດທຸກມົດໂສກມົດໂລກມົດໄຟຫາຍ

ເອົາພຣະສັກສິດພຣະອົງທອງດຳຫາເບິ່ງຍາກເອົາຂື້ນແທ້ນແລ້ວເຊີນພີນ້ອງມາສົງໄດ້ສົງການປີນີ້ ສຳເລັດພາຍໄນແລ້ວວັດບ້ານບຶງຂາມເມືອງແລະເເຂວງສາລະວັນ ໄຜແຊລ໌ຂໍໄຫ້ມີບຸນມີອະນິສົງຫຼວງຫຼາຍເດີຂໍໄຫ້ມົດທຸກມົດໂສກມົດໂລກມົດໄຟຫາຍພະຍາດໂລຄາອັນຕະລາຍທັ້ງຫຼາຍທັງປ່ວງສາທຸສາທາສຸສາທຸ ຊົມຄຼິບ

Leave a Reply

Your email address will not be published. Required fields are marked *