Breaking News

ພິທີມອບ-ຮັບໂຄງການຊ່ວຍເຫຼືອໂຮງໝໍມະໂຫສົດ​ ໄລຍະທີໜຶ່ງ​

ຕາມ​ຂ່າວ​ cri ລາຍງານວ່າ: ພິທີມອບ-ຮັບໂຄງການຊ່ວຍເຫຼືອໂຮງໝໍມະໂຫສົດ ໄລຍະທີໜຶ່ງ ຂອງກະຊວງສາທາລະນະສຸກ ແຫ່ງ ສປປ ລາວ ຈັດຂຶ້ນໃນຕອນເຊົ້າວັນທີ 11 ພະຈິກ 2021 ນີ້,​ ຕ່າງໜ້າ​ລັດຖະບານ​ ສປ​ ຈີນ​

ມອບໂດຍ​ ທ່ານ ຈຽງ ຈ້າຍຕຸ່ງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປ ຈີນ​ ປະຈໍາ ສປປ ລາວ​ ແລະ​ ຕ່າງໜ້າລັດຖະບານແຫ່ງ ສປປ​ ລາວ​ ຮັບໂດຍ​ ທ່ານ​ ບຸນແຝງ ພູມມະໄລສິດ ລັດຖະມົນຕີ​ກະຊວງ​ສາທາລະນະ​ສຸກ​ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ໂຄງການດັ່ງກ່າວ​ ແມ່ນໄດ້ຮັບການຊ່ວຍເຫຼືອຈາກ ສປ ຈີນ ເປັນໂຄງການທີ່ໃຫຍ່ທີ່ສຸດການຊ່ວຍເຫລືອດ້ານສາທາລະນະສຸກຂອງ ສປ ຈີນ ຕໍ່ຕ່າງປະເທດ.ໂຮງຫມໍແຫ່ງນີ້ມີເນື້ອທີ່ 5 ເຮັກຕາປາຍ,​ ເນື້ອທີ່ປຸກສ້າງປະມານ 3 ເຮັກຕາປາຍ ເຊິ່ງແບ່ງອອກເປັນສອງໄລຍະ,​

ສໍາລັບໄລຍະທີຫນື່ງປະກອບມີຕຶກອາຄານ 8 ຊັ້ນ ແລະ 4 ຊັ້ນ, ໄລຍະທີສອງປະກອບມີຕຶກອາຄານ 5 ຊັ້ນ ແລະ 4 ຊັ້ນ ຄາດວ່າຈະສ້າງສໍາເລັດໃນທ້າຍປີ 2022 ນີ້ ປະກອບມີທັງຫມົດ 600 ຕຽງ.

ນອກນີ້,​ ຍັງຊ່ວຍເຫລືອອຸປະກອນການແພດຈໍານວນຫນຶ່ງ ແລະ​ ພາຍຫລັງສ້າງສໍາເລັດແລ້ວຍັງຈະຊ່ວຍຝຶກອົບຮົມໃຫ້ແກ່ແພດຫມໍໂຮງຫມໍດັ່ງກ່າວໄປໄລຍະສາມປີ ເພື່ອຍົກສູງຄຸນນະພາບການປິ່ນປົວໃຫ້ແພດຫມໍລາວ.

ໂຮງຫມໍແຫ່ງນີ້ຈະເປັນໂຮງຫມໍພາກລັດທີ່ໃຫຍ່ທີ່ສຸດໃນ ສປປ ລາວ, ມີຄວາມທັນສະໄຫມ ແລະ​ ທັງປະຢັດພະລັງງານ

About admin

Check Also

ຂໍເປັນກຳລັງໃຈໃຫ້ເຈົ້າໜ້າທີ່ ທີ່ກຳລັງປະຕິບັດໜ້າທີ່ກັບຄະດີນີ້ (ຍັງບໍ່ເປັນທາງການ)

ເຫດການສະເທືອນຂວັນ ສາວລາວ ຖືກຄາດຕະກໍາ ພັບຍັດສົບໃສ່ຫີບໄຫຼນໍ້າຂອງຕິດຝັ່ງໄທ ພ້ອມຊອກລູກນ້ອຍບໍ່ທັນເຫັນ🥲 ຈາກຄະດີປິດສະໜາ ວັນທີ 29 ກັນຍາ 2022 ເວລາ 11:00 ໂມງ ມີຄົນພົບສົບ ຍິງສາວ …

Leave a Reply

Your email address will not be published.