ຕອບປະເດັນ ກ່ຽວກັບການສະເໜີຂໍຊື້ຮຸ້ນທະນາຄານການຄ້າຕ່າງປະເທດລາວ ມະຫາຊົນ 51%

ຕໍ່ປະເດັນຂ່າວ ທີ່ສັງຄົມໃຫ້ຄວາມສົນໃຈ ກ່ຽວກັບການສະເໜີຂໍຊື້ຮຸ້ນທະນາຄານການຄ້າຕ່າງປະເທດລາວ ມະຫາຊົນ 51% ທີ່ກະຊວງການເງິນຖືຄອງຢູ່ຂອງບໍລິສັດ ພູສີ ກຣຸບ ຈຳກັດ

ອີງຕາມການເຮັດວຽກຮ່ວມກັນຂອງພາກສ່ວນກ່ຽວ ຂ້ອງ ກະຊວງການເງິນ, ທະນາຄານແຫ່ງ ສປປ ລາວ ແລະ ຫ້ອງວ່າການສຳນັກງານນາຍົກລັດຖະມົນຕີ ເຫັນວ່າທະນາ ຄານການຄ້າຕ່າງປະເທດລາວ ມະຫາຊົນ ແມ່ນໄດ້ເຂົ້າຈົດ ທະບຽນໃນຕະຫລາດຫລັກຊັບແລ້ວ. ສະນັ້ນ ທຸກການເຄື່ອນໄຫວຂອງທະນາຄານດັ່ງກ່າວນັ້ນ ແມ່ນມີຄວາມໂປ່ງໃສ.

ສ່ວນການສະເຫນີຂອງບໍລິສັດພູສີ ຕາມແຈ້ງການ ຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 1465/ຫສນຍ, ລົງວັນທີ 10 ພະຈິກ 2021 ນັ້ນ ແມ່ນເປັນການປະຕິບັດພາລະບົດບາດປົກກະຕິຂອງ ຫ້ອງວ່າການສຳນັກງານນາຍົກລັດຖະມົນຕີ ໃນການປະສານງານ ລະຫວ່າງ ຂະແໜງການຂັ້ນສູນກາງ ແລະ ທ້ອງຖິ່ນ ຕາມລະບຽບ ແລະ ກົນໄກການເຮັດວຽກຂອງຕົນ.

ຍ້ອນເປັນພຽງແຕ່ການປະສານງານ ລະຫວ່າງ ຫ້ອງວ່າການສຳນັກ ງານນາຍົກລັດຖະມົນຕີ ກັບຂະແໜງການກ່ຽວຂ້ອງຂັ້ນສູນກາງດ້ວຍກັນເທົ່ານັ້ນ ແຕ່ບໍ່ທັນແມ່ນການຕົກລົງໃດໆຈາກຂັ້ນເທິງ ຄືດັ່ງສັງຄົມຈໍານວນຫນຶ່ງເຂົ້າໃຈ. ດັ່ງນັ້ນ ຈິ່ງແຈ້ງໃຫ້ສັງຄົມຮັບຊາບ ແລະ ເຂົ້າໃຈຢ່າງທົ່ວເຖີງກັນ.

Source: http://www.laogov.gov.la/activities/pages/office.aspx

About admin

Check Also

ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ•

😱ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ •ເຊິ່ງທາງເຟສບຸກຂອງ Phonthida Loy ໄດ້ແຊປະສົບການຕົນເອງວ່າ: ຫາກະເຄີຍເຈີກັບໂຕເອງ ຍ້ອນກິນທ້ອມທຸກມື້ ຍ້ອນວ່າຢາກນອນຫລັບ ກິນເບຍໃສ່ຍາມໃດຕ້ອງອັດທ້ອມໃສ່ ຫມູ່ຄູ່ຮູ້ດີ ມາມື້ນີ້ ຂ້ອຍຄິດວ່າຂ້ອຍຊີເຊົາກິນ ເພາະມີອາການ ເມື່ອຍ …

Leave a Reply

Your email address will not be published. Required fields are marked *