ອົງການ​ອະນາໄມ​ໂລກ​ ເຕືອນ​ ຖ້າອາໄສແຕ່ວັກຊີນ ໂຄວິດຈະບໍ່ສີ້ນສຸດໄດ້

ເອີຣົບ​ ພົບກໍລະນີຕິດເຊື້ອໂຄວິດ-19 ເພີ່ມໃໝ່ຕໍ່ອາທິດຈຳນວນຫຼາຍກວ່າທຸກອາທິດທີ່ຜ່ານມາ,​ WHO ເຕືອນວ່າ

ອາໄສແຕ່ວັກຊິນບໍ່ສາມາດສິ້ນສຸດການແຜ່ລະບາດຂອງພະຍາດໂຄວິດ-19 ໄດ້ຕາມ​ຂ່າວ​ cri​ ລາຍງານໃນວັນທີ 12 ພະຈິກນີ້​ ຕາມເວລາທ້ອງຖິ່ນ, ອົງການອະນາໄມໂລກຫຼື WHO ໄດ້ເປີດເຜີຍຂໍ້ມູນສະແດງໃຫ້ເຫັນວ່າ:

ນັບແຕ່ວັນທີ 1 ຫາວັນທີ 7 ພະຈິກນີ້, ເອີຣົບໄດ້ລາຍງານກໍລະນີຕິດເຊື້ອພະຍາດໂຄວິດ-19 ເພີ່ມໃໝ່ເກືອບ 2 ລ້ານກໍລະນີ ເຊິ່ງເປັນອາທິດໜຶ່ງທີ່ເອີຣົບພົບກໍລະນີຕິດເຊື້ອເພີ່ມໃໝ່ຫຼາຍທີ່ສຸດພາຍຫຼັງເກີດການແຜ່ລະບາດຂອງພະຍາດໂຄວິດ-19 ເປັນຕົ້ນມາ.

ໃນມື້ດຽວກັນ, ທ່ານເຕໂດຼສ ອັດຮານົມ ເກເບຼເຢຊຸສ ຜູ້ອຳນວຍການໃຫຍ່ WHO ໄດ້ປະກອບຄວາມເຫັນກ່ຽວກັບສະພາບການຫຼ້າສຸດຂອງການແຜ່ລະບາດພະຍາດໂຄວິດ-19 ຢູ່ເອີຣົບ ໂດຍຊີ້ໃຫ້ເຫັນວ່າ:

ຢູ່ປະເທດເອີຣົບຕາເວັນຕົກຈຳນວນໜຶ່ງທີ່ມີອັດຕາສັກວັກຊີນໂຄວິດ-19 ສູງ​ ແລະ​ ນຳໜ້າໂລກກໍ່ໄດ້ປະສົບການແຜ່ລະບາດຂອງພະຍາດໂຄວິດ-19 ຮອບໃໝ່ ເຊິ່ງເປັນການເຕືອນໃຫ້ຄົນທັງຫຼາຍຮູ້ວ່າ, ພຽງແຕ່ອາໄສວັກຊີນເທົ່ານັ້ນບໍ່ສາມາດສິ້ນສຸດການແຜ່ລະບາດຂອງພະຍາດໂຄວິດ-19.

ປະເທດຕ່າງໆຕ້ອງໃຊ້ມາດຕະການແບບສັງລວມ, ເພື່ອຊອກຫາຄວາມດຸນດ່ຽງກັນລະຫວ່າງການປ້ອງກັນ​ ແລະ​ ຄວບຄຸມການແຜ່ລະບາດຂອງພະຍາດໂຄວິດ-19 ກັບການຟື້ນຟູເສດຖະກິດສັງຄົມ.ທ່ານ​ ເຕໂດຼສ ອັດຮານົມ ເກເບຼເຢຊຸສຍັງ​ ກ່າວວ່າ:

ພວກເຮົາສືບຕໍ່ມີຂໍ້ສະເໜີໃຫ້ປະເທດຕ່າງໆດຳເນີນການກວດຫາເຊື້ອ ໃສ່ຜ້າປິດປາກແລະດັງ ຮັກສາຄວາມຫ່າງທາງສັງຄົມ ຫຼີກລ່ຽງການຊຸມນຸມກັນ ແລະໃຊ້ມາດຕະການອື່ນໆໂດຍອີງຕາມສະພາບຕົວຈິງຂອງປະເທດຕົນ, ປະເມີນສະພາບພະຍາດຂອງປະເທດຕົນເລື້ອຍໆ, ແລະປັບປຸງມາດຕະການໃຫ້ເໝາະສົມກັບສະພາບຕົວຈິງຢ່າງທັນການ.

About admin

Check Also

ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ•

😱ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ •ເຊິ່ງທາງເຟສບຸກຂອງ Phonthida Loy ໄດ້ແຊປະສົບການຕົນເອງວ່າ: ຫາກະເຄີຍເຈີກັບໂຕເອງ ຍ້ອນກິນທ້ອມທຸກມື້ ຍ້ອນວ່າຢາກນອນຫລັບ ກິນເບຍໃສ່ຍາມໃດຕ້ອງອັດທ້ອມໃສ່ ຫມູ່ຄູ່ຮູ້ດີ ມາມື້ນີ້ ຂ້ອຍຄິດວ່າຂ້ອຍຊີເຊົາກິນ ເພາະມີອາການ ເມື່ອຍ …

Leave a Reply

Your email address will not be published. Required fields are marked *