Breaking News

ຄວາມແຕກຕ່າງ! ຂອງໂອໄມຄຣອນ 3 ສາຍພັນ

ສູນຂ່າວສານການແພດສຸຂະສຶກສາ Centre of Information and Education for Health ໄດ້ໃຫ້ຮູ້ວ່າ: ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ

ໄດ້ປຽບທຽບໃຫ້ເຫັນເຖິງຄວາມແຕກຕ່າງຂອງສາຍພັນໂຄວິດ-19 ສາຍພັນໂອໄມຄຣອນທີ່ມີເຖິງ 3 ສາຍພັນຄື: BA.1, BA.2 ແລະ BA.2.2

ໂອໄມຄຣອນ BA.1 ຖືກຄົ້ນພົບຄັ້ງທຳອິດ ທີ່ທະວີບອາຟຣິກາໃຕ້ໃນເດືອນພະຈິກ 2021. ຂໍ້ສັງເກດແມ່ນບໍ່ຄ່ອຍສະແດງອາການ ເຖິງໄດ້ຮັບການສັກວັກຊິນແລ້ວກໍສາມາດຕິດເຊື້ອໄດ້, ອາການທີ່ສາມາດພົບໄດ້ປະກອບມີ: ອ່ອນເພຍ, ເມື່ອຍງ່າຍ, ປວດຕາມຕົນໂຕກ້າມຊີ້ນ, ບໍ່ຄ່ອຍມີໄຂ້, ໄອເລັກນ້ອຍ, ເຈັບຄໍ ແລະ ເຫື່ອອອກຫຼາຍຕອນກາງຄືນ.

ໂອໄມຄຣອນ BA.2 ຖືກຄົ້ນພົບຄັ້ງທຳອິດໃນເດືອນມັງກອນ ປີ 2022, ຂໍ້ສັງເກດ ສາມາດແຜ່ລະບາດໄດ້ງ່າຍ ແລະ ໄວກວ່າເກົ່າເຖິງ 10% ແຕ່ອາການບໍ່ຮຸນແຮງ.

ໂອໄມຄຣອນ BA.2.2 ຖືກຄົ້ນພົບຄັ້ງທຳອິດທີ່ຮ່ອງກົງໃນເດືອນມີນາ ປີ 2022, ຂໍ້ສັງເກດພົບວ່າມີຜູ້ເສຍຊີວິດເພີ່ມສູງຂຶ້ນ, ໂອໄມຄຣອນສາຍພັນ BA.2.2 ແຕກຕ່າງຈາກໂອໄມຄຣອນສາຍພັນ BA.1 ແລະ BA.2 ຄືການລະບາດເພີ່ມຂຶ້ນກວ່າທຸກສາຍພັນປະມານ 35% ແລະ ພົບຜູ້ເສຍຊີວິດໃນຮ່ອງກົງສູງສຸດຕິດອັນດັບໂລກ.

ທ່ານຍັງໄດ້ຮຽກຮ້ອງໃຫ້ທຸກຄົນ ເອົາໃຈໃສ່ປະຕິບັດມາດຕະການປ້ອງກັນຕົນເອງຢ່າງເຄັ່ງຄັດ ແລະ ໄປຮັບການສັກວັກຊິນໃຫ້ຄົບໂດສ ແລະ ເຂັມກະຕຸ້ນ.

ອ່ານເພີ່ມເຕີມ: https://bit.ly/3wImufS

About admin

Check Also

ເປັນກຳລັງໃຈໃຫ້ຊາວກະສິກອນ!ຜົນຈາກພາຍຸ ເຮັດໃຫ້ນ້ຳຖ້ວມສວນຜັກຂອງຊາວກະສິກອນ ຢູ່ເມືອງປາກຊ່ອງ ແຂວງຈຳປາສັກ.

ເປັນກຳລັງໃຈໃຫ້ຊາວກະສິກອນ! ຜົນຈາກພາຍຸ ເຮັດໃຫ້ນ້ຳຖ້ວມສວນຜັກຂອງຊາວກະສິກອນ ຢູ່ເມືອງປາກຊ່ອງ ແຂວງຈຳປາສັກ. ປັດຈຸບັນ, ນ້ຳຍັງບໍ່ບົກລົງ ຄາດຄະເນຜົນເສຍຫາຍ ຈາກຜັກເໜົ່າ ມູນຄ່າກວ່າ 20ລ້ານກີບນອກນີ້, ຍັງມີສວນກາເຟພວມປູກໃໝ່ເຄິ່ງເຮັກຕ້າ. ຄລິບ ອັບເດດ 29/09/2022(ພາບຂ່າວຈາກ …

Leave a Reply

Your email address will not be published.