Breaking News

ຄວາມແຕກຕ່າງຂອງໂອໄມຄຣອນທັງ 3 ສາຍພັນ BA.1, BA.2 ແລະ BA.2.2ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຕາງໜ້າຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂການລະບາດພະຍາດໂຄວິດ-19 ໄດ້ໃຫ້ຮູ້ໃນວັນທີ 28 ມີນາ​ 2022​ ນີ້ວ່າ: ປັດຈຸບັນ ສປປ ລາວ ກຳລັງປະ

ເຊີນກັບການລະບາດຂອງພະຍາດໂຄວິດ-19 ສ່ວນໃຫຍ່ແມ່ນສາຍພັນໂອໄມຄຣອນ, ສະນັ້ນ ໃນມື້ນີ້ຈະມາປຽບທຽບໃຫ້ເຫັນເຖິງຄວາມແຕກຕ່າງຂອງໂອໄມຄຣອນທັງ 3 ສາຍພັນ ໄດ້ແກ່ໂອໄມຄຣອນສາຍພັນ BA.1, BA.2 ແລະ BA.2.2 ໃຫ້ບັນດາທ່ານຮັບຊາບດັ່ງນີ້: ໂອໄມຄຣອນ BA.1 ຖືກຄົ້ນພົບຄັ້ງທຳອິດ ທີ່ທະວີບອາຟຣິກາໃຕ້ໃນເດືອນພະຈິກ 2021. ຂໍ້ສັງເກດແມ່ນບໍ່ຄ່ອຍສະແດງອາການ ເຖິງໄດ້ຮັບການສັກວັກຊິນແລ້ວກໍສາມາດຕິດເຊື້ອໄດ້, ອາການທີ່ສາມາດພົບໄດ້ປະກອບມີ: ອ່ອນເພຍ, ເມື່ອຍງ່າຍ, ປວດຕາມຕົນໂຕກ້າມຊີ້ນ, ບໍ່ຄ່ອຍມີໄຂ້, ໄອເລັກນ້ອຍ, ເຈັບຄໍ ແລະ ເຫື່ອອອກຫຼາຍຕອນກາງຄືນ; ໂອໄມຄຣອນ BA.2 ຖືກຄົ້ນພົບຄັ້ງທຳອິດໃນເດືອນມັງກອນ ປີ 2022, ຂໍ້ສັງເກດ ສາ ມາດແຜ່ລະບາດໄດ້ງ່າຍ ແລະ ໄວກວ່າເກົ່າເຖິງ 10% ແຕ່ອາການບໍ່ຮຸນແຮງ; ໂອໄມຄຣອນ BA.2.2 ຖືກຄົ້ນພົບຄັ້ງທຳອິດທີ່ຮ່ອງກົງໃນເດືອນມີນາ ປີ 2022, ຂໍ້ສັງເກດພົບວ່າມີຜູ້ເສຍຊີວິດເພີ່ມສູງຂຶ້ນ, ໂອໄມຄຣອນສາຍພັນ BA.2.2 ແຕກຕ່າງຈາກໂອໄມຄຣອນສາຍພັນ BA.1 ແລະ BA.2 ຄືການລະບາດເພີ່ມຂຶ້ນກວ່າທຸກສາຍພັນປະມານ 35% ແລະ ພົບຜູ້ເສຍຊີວິດໃນຮ່ອງກົງສູງສຸດຕິດອັນດັບໂລກ, ເຖິງແມ່ນວ່າສາຍພັນໂອໄມຄຣອນຈະມີອາການທີ່ບໍ່ຮຸນແຮງຫຼາຍ ແຕ່ທຸກຄົນກໍບໍ່ຄວນປະໝາດ ເຖິງຈະໄດ້ຮັບການສັກວັກຊິນຄົບໂດສ ຫຼື ເຂັມກະຕຸ້ນແລ້ວກໍຕາມ ແຕ່ທ່ານຍັງສາມາດຕິດເຊື້ອໄດ້. ດັ່ງນັ້ນ, ວິທີທີ່ດີທີ່ສຸດນອກຈາກການສັກວັກຊິນແລ້ວ ການປ້ອງກັນຕົນເອງຢ່າງເຂັ້ມງວດ ໃສ່ຜ້າປິດປາກ-ດັງທຸກຄັ້ງເມື່ອອອກຈາກບ້ານ ຫຼື ຢູ່ໃນສະຖານທີ່ແອອັດ, ພະຍາຍາມຫຼີກລ່ຽງສະຖານທີ່ໆມີຄົນຢູ່ຈຳນວນຫຼາຍ ແລະ ໝັ່ນລ້າງມືດ້ວຍສະບູ່ ຫຼື ເຈວລ້າງມືຂ້າເຊື້ອໃຫ້ກາຍເປັນນິໄສ ເພື່ອປ້ອງກັນຕົນເອງ ແລະ ຄົນອ້ອມຂ້າງໃຫ້ຫ່າງໄກຈາກເຊື້ອພະຍາດໂຄວິດໃຫ້ຫຼາຍທີ່ສຸດ. ທ່ານກ່າວໃຫ້ຮູ້ອີກວ່າ: ໂຄວິດ-19 ສາຍພັນໂອໄມຄຣອນ ສາມາດແຜ່ກະຈາຍຈາກຄົນສູ່ຄົນໄດ້ທາງລະ ອອງຝອຍ, ຂີ້ກະເທີ່, ນ້ຳລາຍ ໂດຍຜ່ານການສຳຜັດຕາ, ດັງ, ປາກ ສະນັ້ນ, ຖ້າຫາກທ່ານມີປະຫວັດເດີນທາງໄປສະຖານທີ່ສ່ຽງ ຄວນກວດດ້ວຍຊຸດເຄື່ອງກວດແບບໄວ ATK, ໝັ່ນສັງເກດອາການຂອງຕົນເອງ ຫາກບໍ່ດີຂຶ້ນຄວນໄປພົບແພດ. ສຳລັບຜູ້ສູງອາຍຸ ຫຼື ຜູ້ທີ່ມີພະຍາດປະຈຳໂຕ ຄວນຮີບຮ້ອນໄປພົບແພດ ເພື່ອໃຫ້ແພດປະເມີນອາການ ແລະ ຕິດຕາມອາການຢ່າງໃກ້ຊິດ. ທ່ານໃຫ້ຮູ້ອີກວ່າ: ໃນອີກ 2 ອາທິດຂ້າງໜ້າກໍຈະກ້າວເຂົ້າສູ່ປີໃໝ່ລາວແລ້ວ, ສິ່ງທີ່ໜ້າເປັນຫ່ວງ ແລະ ກັງວົນທີ່ສຸດກໍຄືອາດມີການຕິດເຊື້ອ ຈາກການໂຮມຊຸມນຸມກັນເປັນກຸ່ມຢູ່ຕາມສະຖານທີ່ຕ່າງໆ ຫຼື ອາດມີການຕິດເຊື້ອຈາກການສັງສັນໃນຄອບຄົວ ຫຼື ມີກິດຈະກຳທີ່ມີຄວາມສ່ຽງ. ສະນັ້ນ, ຮຽກຮ້ອງມາຍັງບັນດາທ່ານໃຫ້ ເອົາໃຈໃສ່ປະຕິບັດມາດຕະການປ້ອງກັນຕົນເອງຢ່າງເຄັ່ງຄັດ ແລະ ໄປຮັບການສັກວັກຊິນໃຫ້ຄົບໂດສ ແລະ ເຂັມກະຕຸ້ນ ຖ້າຫາກທຸກຄົນປ່ອຍປະລະເລີຍ ບໍ່ເຝົ້າລະວັງ ແລະ ບໍ່ປ້ອງກັນໂຕເອງຢ່າງເຂັ້ມງວດແລ້ວ, ໂຕເລກຜູ້ຕິດເຊື້ອໃໝ່ໃນທົ່ວປະເທດອາດເພີ່ມສູງຂຶ້ນເປັນຫຼາຍພັນຄົນຕໍ່ວັນຢ່າງແນ່ນອນ ຊຶ່ງຈະກະທົບຕໍ່ລະບົບສາທາ ລະນະສຸກຂອງປະເທດໃນຕໍ່ໜ້າ ເຊື່ອໝັ້ນວ່າບົນພື້ນຖານຄວາມສາມັກຄີເປັນຈິດໜຶ່ງໃຈດຽວກັນ ຮ່ວມໃຈກັນປະຕິບັດມາດຕະການທີ່ຄະນະສະເພາະກິດວາງອອກຢ່າງເປັນປະຈຳ ພວກເຮົາຈະສາມາດກ້າວຂ້າມຜ່ານວິກິດນີ້ ແລະ ຢູ່ຮ່ວມກັບພະຍາດໂຄວິດໄດ້ຢ່າງປອດໄພ.ທີ່ມາຂ່າວ: ປະຊາຊົນ

About admin

Check Also

ຟັງນໍາກັນເດີ!! ອ້າຍນ້ອງຫວຽດເພີ່ນເວົ້າວ່າ: ເພີ່ນບໍ່ໄດ້ເອົາແຮ່ຂອງລາວລ້າໆ ໃດ.

ຟັງນໍາກັນເດີ!! ອ້າຍນ້ອງຫວຽດເພີ່ນເວົ້າວ່າ: ເພີ່ນບໍ່ໄດ້ເອົາແຮ່ຂອງລາວລ້າໆ ໃດ ເພີ່ນຊື້ເອົາ! ແຕ່ບັນຫາຄືບໍ່ຮູ້ວ່າເງິນທີ່ເພີ່ນຈ່າຍໃຫ້ທາງການລາວ .. .. . ຈັກເອົາໄປໄວ້ໃສຫມົດ ເປັນຕື້ໆ ວ່າຊັ່ນ! ຄລິບ ..

Leave a Reply

Your email address will not be published.