Breaking News

ມີລູກຍາກຢ່າໂທດແຕ່ແມ່ຍິງ..!! 7 ສິ່ງທີ່ຜູ້ຊາຍຄວນປະຕິບັດ ເພື່ອໃຫ້ອະສຸຈິແຂງແຮງ

ໃນປັດຈຸບັນມີຜູ້ຊາຍຫຼາຍຄົນທີ່ມີບັນຫາກ່ຽວກັບການມີລູກຍາກ ບໍ່ວ່າຈະລອງວິທີໃດມາແລ້ວກໍ່ຕາມກໍ່ບໍ່ໄດ້ຜົນ ເຊິ່ງບາງຄັ້ງ ບັນຫາທີ່ແທ້ຈິງ ອາດເກີດຈາກພຶດຕິກຳບາງຢ່າງຂອງເຈົ້າໂດຍບໍ່ຮູ້ໂຕ, ແຕ່ມັນຈະສົ່ງຜົນກະທົບຕໍ່ການມີລູກຍາກກໍເປັນໄດ້, ມື້ນີ້ ແອັດມິນ ມີວິທີຊ່ວຍໃຫ້ອະສຸຈິຂອງຜູ້ຊາຍແຂງແຮງມາຝາກ

1. ກິນໝາກເລັ່ນຫຼາຍໆ: ອະສຸຈິຫຼາຍກວ່າ 90% ຂອງຜູ້ຊາຍຈະມີຮູບຮ່າງທີ່ແຕກຕ່າງກັນ ຈຶ່ງມັກບໍ່ສາມາດເຂົ້າປະຕິສົນທິກັບໄຂ່ຂອງຜູ້ຍິງໄດ້ ແລະເຮັດໃຫ້ຜູ້ຍິງມີລູກຍາກ, ຈຶ່ງແນະນຳໃຫ້ກິນໝາກເລັ່ນຕະຫຼອດ ເພາະອຸດົມດ້ວຍສານຕ້ານອະນຸມູນອິດສະລະທີ່ເອີ້ນວ່າ ໄລໂຄປີນ ຊ່ວຍໃຫ້ອະສຸຈິສົມບູນ ແລະເພີ່ມໂອກາດໃຫ້ມີລູກງ່າຍ

2. ການອອກກຳລັງກາຍ: ເພາະເຮັດໃຫ້ຮ່າງກາຍຜະລິດອະສຸຈິທີ່ແຂງແຮງໄດ້ຫຼາຍຂຶ້ນ ແລະມີອະສຸຈິຫຼາຍຂຶ້ນກວ່າຄົນບໍ່ອອກກຳລັງກາຍເຖິງ 33%

3. ຫຼິ້ນໂທລະສັບໃຫ້ໜ້ອຍລົງ: ເພາະປັດໄຈສຳຄັນທີ່ເຮັດໃຫ້ອະສຸຈິເຄື່ອນໂຕຊ້າ ເພາະຄື້ນແມ່ເຫຼັກໄຟຟ້າຈາກໂທລະສັບ ເຊິ່ງເກີດຈາກພຶດຕິກຳການໃຊ້ໂທລະສັບ ແລະ ເອົາຕິດໂຕໃສ່ຖົງໂສ້ງຕະຫຼອດ ທາງອອກທີ່ດີຄວນຫຼຸດການໃຊ້ໂທລະສັບ ຫຼື ຫຼີກລ້ຽງການເອົາໂທລະສັບໃສ່ຖົງໂສ້ງ

4. ຫຼີກລ້ຽງການໃຊ້ສານຫຼໍ່ລື່ນ: ຫາກຕ້ອງການມີລູກ ຄວນຢຸດໃຊ້ສານຫຼໍ່ລື່ນໃນຂະນະມີເຊັກສ໌ ເພາະມີສານເຄມີໃນປະລິມານຫຼາຍທີ່ຈະຂ້າອະສຸຈິໄດ້

5. ຢ່າຫຼິ້ນຄອມພິວເຕີເທິງຕັກ: ເພາະການທີ່ເອົາຄອມພິວເຕີໄວ້ເທິງຕັກດົນໆ ຈະເປັນອັນຕະລາຍຕໍ່ເຊື້ອອະສຸຈິ ເພາະຄວາມຮ້ອນຈາກໂຕເຄື່ອງ ຈະເຮັດໃຫ້ໜ່ວຍອັນທະຜະລິດອະສຸຈິໄດ້ໜ້ອຍລົງ

6. ຫຼຸດເຄື່ອງດື່ມທີ່ມີຄາເຟອິນ: ຜູ້ຊາຍຕ້ອງກິນເຄື່ອງດື່ມທີ່ມີຄາເຟອິນບໍ່ໃຫ້ເກີນ 300 ມີລີກຼາມຕໍ່ມື້ ເພາະຄາເຟອິນ ຈະເຮັດໃຫ້ຈຳນວນອະສຸຈິຫຼຸດລົງ

7. ຫຼຸດເຄື່ອງດື່ມແອວກໍຮໍ: ບາງຄົນຢາກມີລູກ ແຕ່ເຮັດແນວໃດເມຍກໍ່ບໍ່ມີລູກຈັກເທື່ອ ເຊິ່ງອາດເປັນຕົ້ນເຫດມາຈາກການດື່ມທາດແອວກໍຮໍຂອງເຈົ້ານັ້ນເອງ ໂດຍສະເພາະຄົນທີ່ກິນຫຼາຍ, ຖ້າຢາກກິນແທ້ໆ ຄວນກິນມື້ລະ 2 ຈອກຕໍ່ມື້

ແຫຼ່ງທີ່ມາ: ສາລະໜ້າຮູ້

About admin

Check Also

ຂໍເປັນກຳລັງໃຈໃຫ້ເຈົ້າໜ້າທີ່ ທີ່ກຳລັງປະຕິບັດໜ້າທີ່ກັບຄະດີນີ້ (ຍັງບໍ່ເປັນທາງການ)

ເຫດການສະເທືອນຂວັນ ສາວລາວ ຖືກຄາດຕະກໍາ ພັບຍັດສົບໃສ່ຫີບໄຫຼນໍ້າຂອງຕິດຝັ່ງໄທ ພ້ອມຊອກລູກນ້ອຍບໍ່ທັນເຫັນ🥲 ຈາກຄະດີປິດສະໜາ ວັນທີ 29 ກັນຍາ 2022 ເວລາ 11:00 ໂມງ ມີຄົນພົບສົບ ຍິງສາວ …

Leave a Reply

Your email address will not be published.