Breaking News

ສປຊ ເຕືອນ ປະເທດກຳລັງພັດທະນາອາດມີໜີ້ສິນເພີ່ມຂຶ້ນ

ໃນກອງປະຊຸມສະຫະປະຊາຊາດ ວ່າດ້ວຍການຄ້າ ແລະ ການພັດທະນາ ( UNCTAD ) ຈັດຂຶ້ນເມື່ອບໍ່ດົນມານີ້ ໄດ້ເຕືອນວ່າ ການແຜ່ລະບາດຂອງພະຍາດໂຄວິດ – 19 ຊ້ຳຕື່ມດ້ວຍຄວາມຂັດແຍ່ງລະຫວ່າງ ຣັດເຊຍ – ອູແກຣນ

ໄດ້ເຮັດໃຫ້ລາຄາພະລັງງານເພີ່ມຂຶ້ນ, ດຶງລາຄາສິນຄ້າເພີ່ມຂຶ້ນເປັນເງົາຕາມມາ ຈາກບັນຫາດັ່ງກ່າວຈະເຮັດໃຫ້ປະເທດກຳລັງພັດທະນາມີໜີ້ສິນເພີ່ມຂຶ້ນ.

.

UNCTAD ລະບຸວ່າ: ການແຜ່ລະບາດຂອງພະຍາດໂຄວິດ – 19 ໄດ້ເຮັດໃຫ້ບັນດາປະເທດກຳລັງພັດທະນາປະສົບກັບບັນຫາສະພາບຄ່ອງດ້ານການເງິນ ເຮັດໃຫ້ໜີ້ສິນເພີ່ມຂຶ້ນ ບວກກັບຄວາມຂັດແຍ່ງລະຫວ່າງ ຣັດເຊຍ ກັບ ອູແກຣນ ຍິ່ງເຮັດໃຫ້ລາຄາສິນຄ້າເພີ່ມຂຶ້ນ ຍິ່ງຈະປະເຊີນກັບບັນຫາຕ່າງໆນາໆເພີ່ມຂຶ້ນອີກ.ແນວໃດກໍຕາມ UNCTAD ໄດ້ຮຽກຮ້ອງໃຫ້ນຳເອົາບັນຫາດັ່ງກ່າວນັ້ນໄປປຶກສາຫາລືກັບກຸ່ມຈີ 20 ລວມທັງທະນາຄານໂລກ ແລະ ກອງທຶນການເງິນລະຫວ່າງປະເທດ ( IMF ) ເພື່ອຫາກົນໄກປັບໂຄງສ້າງໜີ້ ແລະ ຫຼຸດຜ່ອນພາລະໜີ້ໃຫ້ແກ່ບັນດາປະເທດກຳລັງພັດທະນາ.

ຂໍ້ມູນຂອງ UNCTAD ຄາດການວ່າ: ບັນດາປະເທດກຳລັງພັດທະນາຈະຕ້ອງ ການງົບປະມານ ຈຳນວນ 310.000 ລ້ານໂດລາສະຫະລັດ ເພື່ອຊຳລະໜີ້ສາທາລະນະຈາກຕ່າງປະເທດ ໃນປີ 2022 ນີ້. ນອກຈາກນີ້ UNCTAD ຍັງລະບຸວ່າ:

ປະເທດແອງໂກລາ, ເອຢິບ, ມົງໂກລີ, ປາກິດສະຖານ ແລະ ສີລັງກາ ການພັດທະນາເສດຖະກິດອາດຈະຢຸດສະງັກລົງ ເນື່ອງຈາກໜີ້ຄ້າງຊຳລະເພີ່ມສູງຂຶ້ນ.

About admin

Check Also

28 ບ້ານ ຂອງແຂວງເຊກອງ ໄດ້ຮັບຜົນກະທົບຈາກໄພພິບັດ ລົມພະຍຸໂນຣູ (Noru)

28 ບ້ານ ຂອງແຂວງເຊກອງ ໄດ້ຮັບຜົນກະທົບຈາກໄພພິບັດ ລົມພະຍຸໂນຣູ (Noru) ຕາມການລາຍງານຂອງຄະນະກຳມະການຄຸ້ມຄອງໄພພິບັດ ຂັ້ນແຂວງ ໃນວັນທີ 29 ກັນຍາ ນີ້ ກ່ຽວກັບສະພາບຜົນກະທົບຈາກໄພພິບັດທາງທຳມະຊາດ ລະຫວ່າງວັນທີ 27-29 …

Leave a Reply

Your email address will not be published.