Breaking News

ຊົມເຊີຍ! ນ້ອງໆນັກຮຽນທີ່ຄອບຄົວຂາດເຂີນ ໄດ້ຮັບລົດຖີບ ເພື່ອນຳໃຊ້ເຂົ້າໃນການເດີນທາງໄປໂຮງຮຽນ

ຊົມເຊີຍ! ນ້ອງໆນັກຮຽນທີ່ຄອບຄົວຂາດເຂີນ ໄດ້ຮັບລົດຖີບ ເພື່ອນຳໃຊ້ເຂົ້າໃນການເດີນທາງໄປໂຮງຮຽນທີ່ຫ້ອງການສຶກສາທິການ ແລະ ກິລາ ເມືອງທ່າແຕງ ແຂວງເຊກອງ ໃນຕອນເຊົ້າຂອງວັນທີ 29 ມີນາ 2022 ຜ່ານມາ,

.

ໄດ້ມີພິທີມອບ-ຮັບລົດຖີບ ໃຫ້ນັກຮຽນ ຜູ້ທີ່ທຸກຍາກຂາດເຂີນ ຂອງໂຮງຮຽນຊັ້ນມັດທະຍົມຕົ້ນແຫ່ງຕ່າງໆຂອງເມືອງທ່າແຕງ.

ໂດຍການ ມອບຂອງທ່ານ ອຸດົມໄຊ ດອມສະຫວັນ ຫົວໜ້າ ຫ້ອງການສຶກສາທິການ ແລະ ກິລາ ເມືອງທ່າແຕງ ແຂວງເຊກອງ, ຮັບໂດຍແມ່ນນັກຮຽນກຸ່ມເປົ້າໝາຍ, ຊ້ອງໜ້າຄູອາຈານ ແລະ ຜູ້ປົກຄອງນັກຮຽນເຂົ້າຮ່ວມເປັນສັກຂີພະຍານ.

ລົດຖີບທີ່ມອບໃຫ້ກັບນັກຮຽນ ໂຮງຮຽນມັດທະຍົມຕົ້ນແຫ່ງຕ່າງໆຂອງເມືອງທ່າແຕງໃນຄັ້ງນີ້ ມີທັງໝົດ 32 ຄັນ, ລວມມູນຄ່າ 25. 280. 000 ກີບ.

ເຊິ່ງໄດ້ມາຈາກ ກອງທຶນການສຶກສາເພື່ອການພັດທະນາ ຫຼື EDF- Lao ທີ່ເຫັນໄດ້ເຖິງຄວາມສຳຄັນຂອງການສຶກສາ ກໍ່ຄືບັນດາລູກຫຼານນັກຮຽນທີ່ເປັນໜໍ່ແໜງຂອງປະເທດຊາດ.

ເວົ້າສະເພາະກໍແມ່ນຜູ້ທີ່ທຸກຍາກຂາດເຂີນດ້ານທຶນຮອນ ເພື່ອແບ່ງເບົາຄວາມຂາດເຂີນໃຫ້ກັບຄອບຄົວ, ຊ່ວຍເຫຼືອໃຫ້ເຂົາເຈົ້າມີໂອກາດໄດ້ຮັບການສຶກສາຮໍ່າຮຽນເທົ່າທຽມກັບຄົນອື່ນໆ.

ຜ່ານມາກອງທຶນການສຶກສາເພື່ອການພັດທະນາ ຫຼື EDF- Lao ໄດ້ປະກອບສ່ວນໃນການ ພັດທະນາວຽກງານສຶກສາຂອງເມືອງທ່າແຕງຢ່າງຕໍ່ເນື່ອງ ເປັນຕົ້ນ:ໄດ້ແຈກຢາຍອຸປະກອນການຮຽນ ແລະ ເຄື່ອງແບບຮຽນ ປະເພດປຶ້ມຂຽນ,ບິກຂຽນ,ເສື້ອຂາວ,ໂສ້ງ

ນັກຮຽນ,ເກີບ,ກະເປົ໋າ,ສາຍແອວ,ອື່ນໆ ແລະ ປີຕໍ່ໜ້າ ກໍຍັງຈະສືບຕໍ່ສະໜອງອຸປະກອນໃຫ້ນັກຮຽນກຸ່ມເປົ້າໝາຍຕື່ມອີກ.

ທີ່ມາ: Media Laos, ຂ່າວເຊກອງ

About admin

Check Also

ຟັງນໍາກັນເດີ!! ອ້າຍນ້ອງຫວຽດເພີ່ນເວົ້າວ່າ: ເພີ່ນບໍ່ໄດ້ເອົາແຮ່ຂອງລາວລ້າໆ ໃດ.

ຟັງນໍາກັນເດີ!! ອ້າຍນ້ອງຫວຽດເພີ່ນເວົ້າວ່າ: ເພີ່ນບໍ່ໄດ້ເອົາແຮ່ຂອງລາວລ້າໆ ໃດ ເພີ່ນຊື້ເອົາ! ແຕ່ບັນຫາຄືບໍ່ຮູ້ວ່າເງິນທີ່ເພີ່ນຈ່າຍໃຫ້ທາງການລາວ .. .. . ຈັກເອົາໄປໄວ້ໃສຫມົດ ເປັນຕື້ໆ ວ່າຊັ່ນ! ຄລິບ ..

Leave a Reply

Your email address will not be published.