Breaking News

ຍັງດີ ທີ່ຢືດໄດ້ທັນ ສິ້ນສ່ວນຫມູ 400 ກວ່າກິໂລກຼາມ.

ສິ້ນສ່ວນຫມູ ຈຳນວນ 400 ກວ່າກິໂລກຼາມ ທີ່ນຳເຂົ້າຈາກຫວຽດນາມ ຍັງດີທີ່ກວດຢືດໄດ້ກ່ອນ, ຖ້າຕົກເຖິງທ້ອງຜູ້ບໍລິໂພກ ອາດສົ່ງຜົນຕໍ່ສຸຂະພາບ ໃນສະເພາະຫນ້າ ແລະ ຍາວນານໄດ້.

ເຈົ້າໜ້າທີ່ກະສິກຳ ແລະ ປ່າໄມ້ ນະຄອນໄກສອນພົມວິຫານ ແຂວງສະຫວຫນນະເຂດ ໄດ້ລົງກວດກາໃນຕະຫລາດສະຫວັນໄຊ ໃນວັນທີ 31 ມີນາ 2022 ໄດ້ຢຶດສິນຄ້າ ການນຳເຂົ້າໝູສຳແຫຼະປະເພດສີ້ນສ່ວນໝູ ແຊ່ແຂງ ມາແຕ່ປະເທດຫວຽດນາມ ໂດຍບໍ່ຖືກຕ້ອງທີ່ບັນຈຸໃສ່ແກັດເຈ້ຍ ຈໍານວນ 10 ແກັດ ນໍ້າໜັກ 477 ກິໂລໃນນັ້ນມີ: ຊີ້ນໜູ 227 ກິໂລກຼາມ,ຕັບ 30 ກິໂລ, ໜັງໝູ 52 ກິໂລ, ປອດໝູ 35 ກິໂລ,ກະດູດຂ້າງ60 ກິໂລ ແລະ ຊີ້ນສາມຊັ້ນ 73 ກິໂລກຼາມ.

ເຊິ່ງເຈົ້າຂອງສິນຄ້າດັ່ງກ່າວແມ່ນຂອງ ທ້າວ ຖັງ ອາຍຸ 29 ປີ ສັນຊາດຫວຽດນາມ,ພັກຢູ່ບ້ານຫົວເມືອງໃຕ້ ນະຄອນ ໄກສອນ ພົມວິຫານ

ເປັນຜູ້ນຳມາຈໍາໜ່າຍ-ຂາຍຢູ່ຕະຫຼາດສະຫວັນໄຊ ໂດຍບໍ່ໄດ້ຮັບອະນຸຍາດຈາກພາກສ່ວນທີ່ກ່ຽວຂ້ອງ ເຊິ່ງເປັນການລັກລອບນໍາເຂົ້າສິນຄ້າ ທີ່ບໍ່ໄດ້ຜ່ານການກວດກາຂອງເຈົ້າໜ້າທີ່ ແລະ ເປັນການນໍາເຂົ້າທີ່ບໍ່ຖືກຕ້ອງຕາມລະບຽບກົດໝາຍ.

ດັ່ງນັ້ນ, ຈຶ່ງໄດ້ຢຶດເອົາສິນຄ້າ ແລ້ວນໍາໄປທໍາລາຍຖິ້ມ ເພື່ອຮັບປະກັນບໍ່ໃຫ້ຈໍາໜ່າຍສິນຄ້າດັ່ງກ່າວ ທີ່ຈະສົ່ງຜົນກະທົບຕໍ່ສຸຂະພາບຂອງຜູ້ບໍລິໂພກ.

ການທໍາລາຍສີ້ນສ່ວນແຊ່ແຂງໃນຄັ້ງນີ້ ເພື່ອປ້ອງກັນ, ສະກັດກັ້ນພະຍາດອະຫິວາໝູ ອາຟຣິກາ ທີ່ກໍາລັງລະບາດບໍ່ໃຫ້ແຜ່ລາມ, ບໍ່ໃຫ້ປະຊາຊົນ ບໍລິໂພກ ຜະລິດຕະພັນສັດຊີ້ນໝູອາດຕິດພະຍາດ.

………@ ຖວທ ນະຄອນໄກສອນ

About admin

Check Also

ຟັງນໍາກັນເດີ!! ອ້າຍນ້ອງຫວຽດເພີ່ນເວົ້າວ່າ: ເພີ່ນບໍ່ໄດ້ເອົາແຮ່ຂອງລາວລ້າໆ ໃດ.

ຟັງນໍາກັນເດີ!! ອ້າຍນ້ອງຫວຽດເພີ່ນເວົ້າວ່າ: ເພີ່ນບໍ່ໄດ້ເອົາແຮ່ຂອງລາວລ້າໆ ໃດ ເພີ່ນຊື້ເອົາ! ແຕ່ບັນຫາຄືບໍ່ຮູ້ວ່າເງິນທີ່ເພີ່ນຈ່າຍໃຫ້ທາງການລາວ .. .. . ຈັກເອົາໄປໄວ້ໃສຫມົດ ເປັນຕື້ໆ ວ່າຊັ່ນ! ຄລິບ ..

Leave a Reply

Your email address will not be published.