ສາວທໍ້ ຫາເງິນສົ່ງນ້ອງຮຽນຕໍ່ອາເມລິກາ ແຕ່ພໍບໍ່ໄຫວ ພໍ່ແມ່ເຖິງກັບຕັດຂາດ ດ່າອະກະຕັນຍູ

ເມື່ອໄວໆນີ້ ຍິງສາວຊາວຫວຽດນາມ ຜູ້ໃຊ້ບັນຊີຕິ໊ກຕ໊ອກ ໄດ້ໂພສຄິບວິດີໂອເວົ້າຫົວຂໍ້ກ່ຽວກັບພໍ່ແມ່ຊາວອາຊີ ໂດຍເລົ່າລະບາຍຄວາມອັດອັ້ນຈາກປະສົບການບ່ອນທີ່ພົບທັງນ້ຳຕາ ເຜີຍວ່າ

ລາວຖືກພໍ່ແມ່ຕັດຂາດ ເຫດຍ້ອນວ່າລາວບໍ່ສາມາດຈ່າຍເງິນຄ່າສິ້ນເປືອງໃຫ້ກັບນ້ອງສາວທີ່ໄປຮຽນໃນສະຫະລັດອາເມລິກາໄດ້ອີກຕໍ່ໄປ ຕັ້ງແຕ່ເມື່ອ 3 ປີກ່ອນ ລາວເປັນຄົນຮັບຜິດຊອບຄ່າໃຊ້ຈ່າຍຕ່າງໆໃຫ້ນ້ອງສາວ ໄປໃຊ້ຊີວິດຢູ່ທີ່ນັ້ນ ທັງຄ່າຮຽນ ຄ່າກິນຢູ່ ດ້ວຍເຫດທີ່ວ່າລາວເປັນເອື້ອຍກົກຂອງຄອບຄົວ

ແຕ່ວ່ານ້ອງສາວກັບບໍ່ເຄີຍເຫັນໃຈລາວ ກົງກັນຂ້າມນ້ອງສາວຍັງໄຮ້ຄວາມຮັບຜິດຊອບເລື່ອງເງິນ ລາວຕ້ອງຈ່າຍເງິນຊຳລະໜີ້ໃຫ້ນ້ອງສາວທີ່ຕິດໝູ່ ລວມທັງຄ່າຊັອບປິ້ງ ຄ່າອາຫານ ຄ່າທ່ຽວພັບບາໄນຄັບ

ລາວຮູ້ສຶກວ່າມັນສຸດທົນຫຼາຍ ຈົນມື້ນີ້ທີ່ລາວເຫຼືອອົດ ເພາະນ້ອງສາວຂອງລາວເອົາບັດເຄດິດຂອງລາວໄປຈ່າຍຊັອບປິ້ງຕາມອຳເພີໃຈ 500 ໂດລາ

ຍິງສາວກ່າວວ່າ ລາວພໍແລ້ວ ຖ້ານ້ອງສາວຢາກຈະຢູ່ໃນອາເມລິກາຕໍ່ ລາວຕ້ອງພິຈາລະນາຕົວເອງແລະຈັດການຕົວເອງ ແຕ່ຜົນປະກົດວ່າລາວຖືກຄອບຄົວຕໍ່ວ່າ ຫາວ່າຂີ້ງົກ ແລະອະກະຕັນຍູ ລາວມາຢູ່ຈຸດນີ້ໄດ້ກໍ່ເພາະຄອບຄົວ

ຕອນນີ້ກໍ່ເຖິງເວລາທີ່ລາວຕ້ອງຕອບແທນ ໃຫ້ຄອບຄົວແດ່ ເປັນຄວາມຮັບຜິດຊອບຂອງລາວທີ່ຕ້ອງດູແລພໍ່ແມ່ ແລະ ນ້ອງສາວ ເຮັດໃຫ້ຕອນນີ້ລາວກາຍເປັນກະເປົ໋າເງິນຂອງຄອບຄົວ ທັງຈ່າຍເງິນກະສຽນໃຫ້ພໍ່ແມ່ ແລະເປັນທຶນການສຶກສາໃຫ້ນ້ອງສາວ

ລາວຮູ້ສຶກສິ້ນຫວັງເໝືອນຕິດກັບໄປໃສບໍ່ໄດ້ ກາຍເປັນວ່າລາວກາຍເປັນຄົນທໍລະຍົດຕໍ່ວັດທະນະທຳແລະຄອບຄົວຕົວເອງ ເພາະການຄາດຫວັງທີ່ຈະໃຫ້ລາວຕ້ອງກະຕັນຍູ ຕອບແທນບຸນຄຸນດ້ວຍການລ້ຽງດູຄອບຄົວ ລາວສາມາດເຮັດໃຫ້ໄດ້ ແຕ່ມັນກາຍເປັນວ່າບໍ່ມີຂອບເຂດ ມັນເກີນຈຸດທີ່ລາວຈະຮັບໄຫວ ລາວເປັນພຽງກະເປົ໋າເງິນແທ້ໆ

ພາຍຫຼັງຈາກຄິບວິດີໂອຂອງລາວຖືກໂພສໄປເທິງໂຊຊຽວມີເດຍໄດ້ພຽງບໍ່ດົນກໍ່ໄດ້ຮັບຄວາມສົນໃຈຢ່າງວ່ອງໄວແລະກາຍເປັນໄວຣັສ ມີຜູ້ເຂົ້າໄປຊົມຫຼາຍກ່ວາ 10 ລ້ານວິວ ແລະ ກົດຖືກໃຈເຖິງ 1.9 ລ້ານຄັ້ງ ຫຼາຍຄົນເຂົ້າໄປຄອມເມັ້ນສະແດງຄວາມເຫັນໃຈແລະເປັນກຳລັງໃຈໃຫ້ລາວ

ມັນຕ່າງກັນເນາະ ລະຫວ່າງການດູແລຄອບຄົວ ກັບການຖືກເອົາປຽບ ຂີດເສັ້ນແບ່ງໃຫ້ຊັດເຈນ ແລະເຮັດໃຫ້ລາວຮັບຜິດຊອບຄ່າໃຊ້ຈ່າຍທີ່ລາວເລືອກເອງ

ຊົມຄລິບ

https://www.tiktok.com/@rewrite_mytrauma/video/7079483415501868334

About admin

Check Also

ສະບາຍດີເຈ້ ທິບ ສາຍາ ແມ່ຄ້າດວງເຮງ

ສະບາຍດີເຈ້ ທິບ ສາຍາ ແມ່ຄ້າດວງເຮງ ສະບາຍດີເຈ້ ທິບ ສາຍາ ແມ່ຄ້າດວງເຮງ ຖືກເລກທຸກງວດ 600-800 ລ້ານ ພັນ ລ້ານ ສຳຄັນຖືກທຸກໆງວດ ລວຍມື້ລວຍວັນ …

Leave a Reply

Your email address will not be published.