Breaking News

“ໃຫ້ສິນສອດຫຼາຍ” ໝໍເສືອ ແຕ່ງເມຍເທື່ອດຽວ 3 ຄົນ ມີລູກ 9 ຄົນ ເປັນສັກຂີພະຍານ

ວັນທີ່ 4 ເມສາ 2565 ຜູ້ສື່ຂ່າວໄດ້ຮັບລາຍງານວ່າ ໂລກອອນລາຍມີການແຊຣ໌ຄິບພາບເລື່ອງລາວຂອງຜູ້ໃຊ້ຕິ໊ກຕ໊ອກລາຍໜຶ່ງຊື່ kc_subkawinthida ທີ່ໄດ້ໂພສ

ຄິບງານແຕ່ງງານທີ່ບໍ່ຄືໃຜຂອງ ທ້າວສຸດລິດ ຊານເຊີດສັກ ຫຼື ໝໍເສືອ ອາຍຸ 35 ປີ ໝໍພື້ນບ້ານທີ່ສືບທອດສາດການແພດແຜນໄທ ບັນຍາກາດງານແຕ່ງ 3 ເຈົ້າເສົ້າຫອບສິນສອດມາສູ່ຂໍເຈົ້າບ່າວ

ຂະນະດຽວກັນເຈົ້າບ່າວໄດ້ສວມແຫວນແຕ່ງງານໃຫ້ກັບເຈົ້າສາວທັງ 3 ຂໍ້ຄວາມລະບຸວ່າ ສວມແຫວນແຕ່ງງານ ຊາຍ 1 ຍິງ 3 ເຮັດໃຫ້ມີຊາວເນັດເຂົ້າມາສະແດງຄວາມຄິດເຫັນສະແດງຄວາມຍິນດີ ພ້ອມກັບແຊຣ໌ອອກໄປໃນໂລກໂຊຊຽວຢ່າງຫຼວງຫຼາຍ ທາງດ້ານ ທ້າວສຸດລິດ ຫຼື ໝໍເສືອ ເຜີຍວ່າ ຈາກຄິບໃນຕິ໊ກຕ໊ອກ ທີ່ເຈົ້າຕົວແຕ່ງງານເທື່ອດຽວກັບເມຍ 3 ຄົນ

ເມຍຄົນທຳອິດຊື່ ນາງ ນຸດຈະລິນ ອາຍຸ 30 ປີ ຢູ່ກິນກັນມາ 16 ປີ ມີລູກ 4 ຄົນ (ຊາຍ 1 ຍິງ 3) ເມຍຄົນທີ່ສອງຊື່ ນາງ ພິດຊະຍາ ອາຍຸ 35 ປີ ຢູ່ນຳກັນມາ 9 ປີ ມີລູກ 4 ຄົນ (ຊາຍ 3 ຍິງ 1) ແລະເມຍຄົນທີ່ 3 ນາງກະວິນທິດາ ອາຍຸ 31 ປີ ຢູ່ນຳກັນມາ 7 ປີ ມີລູກສາວ 1 ຄົນ

ໂດຍຈັດງານແຕ່ງເມື່ອວັນທີ່ 29 ມີນາ 2565 ທີ່ຮ້ານສຸດລິດ 272 ເຊິ່ງເປັນຄລີນິກແພດແຜນໄທໝໍສຸດລິດ ຕ.ບາງໃຫຍ່ ອ.ບາງໃຫຍ່ ຈ.ນົນທະບຸລີ ຫຼັງງານ ນາງ ກະວິນທິດາ ພັນລະຍາຄົນທີ່ 3 ເປັນຄົນນຳຄິບຕ່າງໆ ໄປລົງໃນຕິ໊ກຕ໊ອກ

ຈົນເກີດເປັນກະແສຄົນເຂົ້າມາເບິ່ງແລະຄອມເມັ້ນຢ່າງຫຼວງຫຼາຍ ໂດຍຕົນເອງເປັນເຊື້ອສາຍພະລາມ ແລະເປັນໝໍຢາແພດແຜນບູຮານຮັກສາຄົນເຈັບ ຊາວບ້ານ ສະເພາະວັນເສົາແລະວັນອາທິດຢູ່ເຮືອນຫຼັງນີ້

ໂດຍມີພັນລະຍາທັງ 3 ຄົນ ຊ່ວຍກັນດູແລ ໂດຍເດືອນໜຶ່ງຈະມີຄົນມາໃຫ້ຕົນເອງປິ່ນປົວປະມານ 400-500 ຄົນ ແລະ ຕົນເອງກໍ່ມີເງິນເດືອນໃຫ້ລູກແລະພັນລະຍາເປັນລາຍເດືອນ ພັນລະຍາທັງ 3 ຄົນ ໄດ້ປຶກສາກັນວ່າຈະນຳເງິນເກັບຂອງແຕ່ລະຄົນມາຂໍຕົນແຕ່ງງານໂດຍມີສິນສອດມາຄົນລະ 100,000 ບາດ ແລະ ທອງຫຍອງທີ່ທຸກຄົນເກັບເອົາໄວ້ມາເປັນສິນສອດ ຕົນເອງເຂົ້າໃຈວ່າທັງສາມຄົນເປັນຜູ້ຍິງ

ເຊິ່ງຢາກຈະມີຈັກຄັ້ງໜຶ່ງໃນຊີວິດກໍ່ຄືການແຕ່ງງານ ຈຶ່ງເກີດເຫດການແຕ່ງພ້ອມກັນທັງ 3 ຄົນເກີດຂຶ້ນ ເຊິ່ງພິທີກອນກຳມະການແຕ່ງງານຂອງສາສະໜາຕົນ ຜູ້ຍິງຕ້ອງເປັນຝ່າຍມາຂໍຜູ້ຊາຍແຕ່ງງານ ດ້ານ ນາງ ກະວິນທິດາ ພັນລະຍາຄົນທີ່ 3

ເຜີຍວ່າມັນເປັນຄວາມຮູ້ສຶກ ຢາກຈະຮວບຮວມຄອບຄົວໃຫ້ເປັນໜຶ່ງດຽວ ມັນເປັນຄືຄວາມຮັກທີ່ເຮົາສະສົມກັນມາດົນແລ້ວແລະລູກໆ ກໍ່ໃຫຍ່ມາແລ້ວ ແລະ ເຮົາ 3 ຄົນກໍ່ບໍ່ເຄີຍຈັດງານແຕ່ງກັນເລີຍຈັກຄົນດຽວ

About admin

Check Also

ພະຍຸເຂົ້າເສຍຫາຍທັງຖຽງນາ ຫັກ-ປິ້ນ, ກະເບື້ອງ-ສັງກະສີ, ຫຼັງຄາເຮືອນ, ເຫຼົ້າເຂົ້າ, ຮ້ານຂາຍເຄື່ອງ, ຕະຫຼາດ ແລະໂຮງໝໍນ້ອຍ…

ການນໍາເມືອງອາດສະພອນ ລົງຕິດຕາມ-ກວດກາ ຜົນເສຍເຫຍທີ່ເກີດຈາກ ລົມພະຍຸພັດສິ່ງປຸກສ້າງຂອງປະຊາຊົນ ຢູ່ເຂດຈຸດສຸມ ໂນນມີໄຊວັນທີ 30 ກໍລະກົດ 2022 ທີ່ຜ່ານ ມາ ທ່ານ ນາງ ບຸນທະລັງສີ ຄໍາມະນີວົງ …

Leave a Reply

Your email address will not be published.