Breaking News

ຫລວງພະບາງ​ ຈ່າຍຊົດເຊີຍຜົນກະທົບຈາກທາງລົດໄຟ​ລາວ-ຈີນ​ ແລ້ວ​ 118 ຕື້ກ່ວາກີບ​

ຫລວງພະບາງ​ ຈ່າຍຊົດເຊີຍຜົນກະທົບຈາກທາງລົດໄຟ​ລາວ-ຈີນ​ ແລ້ວ​ 118 ຕື້ກ່ວາກີບ​ມາຮອດປັດຈຸບັນ,ຜູ້ຖືກຜົນກະທົບຈາກໂຄງການລົດໄຟລາວ-ຈີນທີ່ແຂວງຫຼວງພະບາງແມ່ນໄດ້ຮັບການຊົດເຊີຍແລ້ວ​ 10 ງວດລວມມູນຄ່າ 118 ຕື້ກວ່າກີບ ເທົ່າກັບ 98.4%ຂອງແຜນການ.

ທ່ານ ນາງ ສິລິພອນ ສຸພັນທອງຮອງເຈົ້າ ແຂວງຫລວງພະບາງໄດ້ລາຍງານຕໍ່ທ່ານ ພົທ ສຸວອນ ເລືອງບຸນມີ ຮອງປະທານສະພາແຫ່ງຊາດລາວໃນໂອກາດເຂົ້າຮ່ວມກອງປະຊຸມກ່ຽວກັບ ການຈັດຕັ້ງປະຕິບັດວຽກງານຊົດເຊີຍຜົນກະທົບຈາກໂຄງການກໍ່ສ້າງທາງລົດໄຟລາວ-ຈີນຢູ່ແຂວງຫລວງພະບາງເມື່ອບໍ່ດົນມານີ້ວ່າ:

ໂຄງການກໍ່ສ້າງທາງລົດໄຟລາວ-ຈີນ ມີໄລຍະທາງຜ່ານແຂວງຫລວງພະບາງທັງໝົດ 80 ກິໂລແມັດ, ຜ່ານ 28 ບ້ານ ຂອງ 3 ເມືອງຄື:

ນະຄອນຫລວງພະບາງ, ເມືອງຊຽງເງິນ ແລະ ເມືອງຈອມເພັດ, ມີສະຖານີທັງໝົດ 6 ແຫ່ງ, ໃນນີ້, ສະຖານີໃຫຍ່ 1 ແຫ່ງ ຢູ່ນະຄອນ ຫລວງພະບາງ, ມີຂົວທັງໝົດ 33 ແຫ່ງ, ມີຜູ້ຖືກຜົນກະທົບຂອງໂຄງການທັງໝົດ 869 ຄອບຄົວ ແລະ ໄດ້ຮັບງົບປະ ມານໃນການເບີກຈ່າຍຄ່າຊົດເຊີຍແລ້ວຈຳນວນ 10 ງວດ ລວມມູນຄ່າ 118 ຕື້ກວ່າກີບ ເທົ່າກັບ 98.4% ຂອງແຜນຄວາມຕ້ອງການທັງໝົດ,

ຍັງຄ້າງເກືອບ 2 ຕື້ກີບ.ນອກນັ້ນ, ຍັງມີຄວາມຕ້ອງການງົບປະມານເພີ່ມຕື່ມທັງໝົດ ຈໍານວນ 1,2 ຕື້ກວ່າກີບ ເປັນໜ້າວຽກເກີດຂຶ້ນໃໝ່ ຄື:

ກໍ່ສ້າງເສັ້ນທາງເຂົ້າສະຖານີລົດໄຟ ເຊິ່ງເປັນບ້ວງຂອງລັດຖະບານລາວຮັບຜິດຊອບ, ປັດຈຸບັນ ຄະນະຄຸ້ມຄອງໂຄງການແຂວງ ໄດ້ສະເໜີໄປຍັງຄະນະຄຸ້ມຄອງໂຄງການກໍ່ສ້າງຂັ້ນສູນກາງແລ້ວ. ຂໍ້ມູນຂ່າວ-ພາບ:

ແຈ້ງເຕືອນ..!! ພາຍຸໄຕ້ຝຸ່ນໄລ (Rai) ຫົວທີ22 ຈະເຮັດໃຫ້ມີຝົນຕົກ ແລະ ລົມພັດແຮງDecember 17, 2021ເຫດລົດໃຫຍ່ເສຍຫຼັກຕຳປ້ອມຕຳຫຼວດJanuary 9, 2022ລາວ ເປັນອັນດັບ 2 ລາຄານໍ້າມັນສູງທີ່ສຸດ ໃນອາຊຽນJanuary 16, 2022ລາວກຽມຮັບວັກຊິນອີກ ຈຳນວນ 1.274.400 ໂດສDecember 22, 2021

About admin

Check Also

ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ຮັບໃບປະກາດສະນິຍະບັດປະລິນຍາເອກກິຕິມະສັກ ຈາກ ມະຫາວິທະຍາໄລຊົນເຜົ່າກວາງຊີ

ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ຮັບໃບປະກາດສະນິຍະບັດປະລິນຍາເອກກິຕິມະສັກ ຈາກ ມະຫາວິທະຍາໄລຊົນເຜົ່າກວາງຊີວັນທີ 1 ທັນວາ 2022 ມະຫາວິທະຍາໄລຊົນເຜົ່າກວາງຊີ ໄດ້ຈັດພິທີມອບໃບປະກາດສະນິຍະບັດ …

Leave a Reply

Your email address will not be published. Required fields are marked *