Breaking News

ຄົບ 4 ເດືອນ ທາງລົດໄຟ ຈີນ-ລາວ ຂົນສົ່ງຜູ້ໂດຍສານແລ້ວ 2 ລ້ານເທື່ອຄົນ ລຳລຽງສິນຄ້າເຖິງ 1,3 ລ້ານໂຕນ

ເສັ້ນທາງລົດໄຟ ຈີນ-ລາວ ຂົນສົ່ງຜູ້ໂດຍສານແລ້ວຫລາຍກວ່າ 2 ລ້ານເທື່ອຄົນ ແລະ ສິນຄ້າອີກຫລາຍກວ່າ 1,3 ລ້ານໂຕນ ນັບແຕ່ເດືອນທັນວາປີຜ່ານມາ.

ວັນທີ 5 ເມສາ 2022, ສຳນັກຂ່າວຊິນຮົວລາຍງານວ່າ: ບໍລິສັດລົດໄຟແຫ່ງປະເທດຈີນ ຈຳກັດ ລາຍງານວ່າ: ທາງລົດໄຟ ຈີນ-ລາວ ໃຫ້ບໍລິການຂົນສົ່ງຜູ້ໂດຍສານແລ້ວຫລາຍກວ່າ 2,25 ລ້ານເທື່ອຄົນ ແລະ ສິນຄ້າອີກຫລາຍກວ່າ 1,31 ລ້ານໂຕນ ເມື່ອນັບແຕ່ເປີດນຳໃຊ້ໃນເດືອນທັນວາ 2021 ຈົນຮອດວັນທີ 3 ເມສານີ້.

ສຳລັບຂະບວນລົດໄຟໃນທາງລົດໄຟເສັ້ນນີ້ ມອບບໍລິການຂົນສົ່ງລະຫວ່າງເມືອງອັນປອດໄພ ແລະ ສະດວກສະບາຍແກ່ຜູ້ຢູ່ອາໄສຕາມແນວເສັ້ນທາງ ໂດຍມີປະລິມານການເດີນທາງຂອງຜູ້ໂດຍສານເຕີບໃຫຍ່ຢ່າງແຂງແຮງ.

ອີກທັງຊ່ວຍໃຫ້ຂະແໜງໂລຈິສຕິກດຳເນີນໄປຢ່າງດີ ແລະ ອຳນວຍຄວາມສະດວກແກ່ການຄ້າລະຫວ່າງຈີນກັບກຸ່ມປະເທດສະມາຄົມປະຊາຊາດແຫ່ງອາຊີຕາເວັນອອກສຽງໃຕ້ ຫລື ອາຊຽນນຳອີກ.

ທາງລົດໄຟ ຈີນ-ລາວ ຮອງຮັບລົດໄຟສິນຄ້າຂ້າມຊາຍແດນແລ້ວຢ່າງໜ້ອຍ 427 ຖ້ຽວ ເຊິ່ງຂົນສົ່ງສິນຄ້າທັງໝົດ 310.000 ໂຕນ ເມື່ອນັບຮອດວັນທີ 3 ເມສາຜ່ານມາ ໂດຍປະກອບມີຜະລິດຕະພັນ 100 ກວ່າຊະນິດເຊັ່ນ: ຢາງ, ປຸ໋ຍ, ລົດຍົນ ແລະ ດອກໄມ້.

ທັງນີ້, ທາງລົດໄຟ ຈີນ-ລາວ ມີຄວາມຍາວທັງໝົດ 1.035 ກິໂລແມັດ ເຊື່ອມລະຫວ່າງນະຄອນຄຸນໝິງ ເມືອງເອກຂອງມົນທົນຢູນໜານ ທາງຕາເວັນຕົກສຽງໃຕ້ຂອງຈີນ ກັບນະຄອນຫລວງວຽງຈັນ ເມືອງຫລວງຂອງລາວ ຖືເປັນໂຄງການສຳຄັນພາຍໃຕ້ແຜນລິເລີ່ມໜຶ່ງແຖບໜຶ່ງເສັ້ນທາງ (BRI) ໂດຍໃຫ້ບໍລິການຢ່າງຕໍ່ເນື່ອງ ນັບແຕ່ວັນທີ 3 ທັນວາປີຜ່ານມາ.

About admin

Check Also

ໃຜໃຈບຸນຊ່ວຍພໍ່ຕູ້ແນ່!.. ຫນາວຫລາຍ!. ພໍ່ຕູ້ບໍ່ມີເສື້ອກັນຫນາວນຸ່ງ..​ທັງບໍ່ສະບາຍແດ່..​

ພໍ່ແມ່ສາມາດລ້ຽງໃຫ້ລູກສະບາຍໄດ້.ແຕ່ລູກບໍ່ສາມາດລ້ຽງພໍ່ໄດ້..​ໃຜຢາກຊວຍເຫລືອພໍ່ເຖົ້າຊື້ເສື້ອກັນໜາວສາມາດຊວຍ ເພີ່ນໄດ້ເດີ ຍາມນີ້ແຮງໜາວ ເຫັນແລ້ວຫົດຫູ່ໃຈ ແຕ່ລູກເປັນຫັຍງລ້ຽງພໍ່ບໍໄດ້ເສົ້າໃຈເດ..​ຄືປະໃຫ້ເພີ່ນເປັນແບບນີ້ ພໍ່ເຖົ້າເພີ່ນໄດ້110ປີ ແລ້ວ ປວຍຢູ່ຄົນດງວຂອງຢູ່ຂອງກີນກໍບໍມີ ເງີນກໍບໍມີເລີຍ ພໍເຖົ້າເພີ່ນຢູ່ວັງວຽງ ໃຜມີນ້ຳຈິດນຳ້ໃຈ ຊ່ວຍເຫລືອ ເພີ່ນຜູ້ລະ5-10ແນ່ ອີ່ຕົນແນ່😪😪 ເພີ່ນປ່ວຍເງີນຊື້ຢາກໍບໍມີ …

Leave a Reply

Your email address will not be published. Required fields are marked *