ຮູ້ບໍ່ວ່າ ? ນໍ້າໝາກພ້າວ ຍິ່ງກິນດຸຍິ່ງດີຕໍ່ ສຸຂະພາບ

ເຊື່ອວ່າການດື່ມໝາກພ້າວ ຄົນສ່ວນຫຼາຍມັກດື່ມຢູ່ແລ້ວ ບໍ່ວ່າຈະເປັນນໍ້າໝາກພ້າວສົດ ຫຼື ເມນູອື່ນໆທີ່ມີນໍ້າໝາກພ້າວ ຫຼື ໝາກພ້າວຢູ່ນໍາ ເພາະວ່າມັນແຊບ ແລະ ເພີ່ມລດຊາດໄດ້ ສະເພາະນໍ້າໝາກພ້າວສົດແລ້ວຖືວ່າມີຄຸນປະໂຫຍດແກ່ຮ່າງກາຍເຮົາຫຼາຍເລີຍ ໃຜທີ່ມັກກິນຢູ່ແລ້ວຮູ້ໄວ້ເລີຍ ດີຕໍ່ສຸຂະພາບ ແລະ ຜິວພັນ ເຮົາມາເບິ່ງ 5 ປະໂຫຍດທີ່ເຮົາຈະໄດ້ຮັບຫາກດື່ມນໍ້າໝາກພ້າວເປັນປະຈໍາ ຕາມນີ້

1 ດີທ໋ອກຂອງເສຍອອກຈາກຮ່າງກາຍ ເນື່ອງຈາກນໍ້າໝາກພ້າວມີຄ່າຄວາມດ່າງສູງ ຈຶ່ງສາມາດປັບຄວາມສົມດຸນຂອງຮ່າງກາຍໄດ້ ແລະ ນັ້ນເປັນການຊ່ວຍໃຫ້ກົນໄກການເຮັດວຽກຂອງລະບົບຕ່າງໆໃນຮ່າງກາຍເປັນໄປຢ່າງປົກກະຕິ ແລະ ສົ່ງຜົນໃຫ້ຮ່າງກາຍແຂງແຮງ ນອກຈາກນີ້ຍັງເປັນອີກໜຶ່ງທາງເລືອກໃນການດີທ໊ອກຂອງເສຍອອກຈາກຮ່າງກາຍອີກດ້ວຍ

2 ຊ່ວຍຫຼຸດນໍ້າຕານໃນເລືອດ ໃນສ່ວນຂອງຜູ້ປ່ວຍເບົາຫວານທີ່ຕ້ອງການດື່ມນໍ້າໝາກພ້າວເພື່ອຫຼຸດລະດັບນໍ້າຕານໃນເລືອດນັ້ນ ແນະນໍາໃຫ້ເລືອກໃຊ້ໝາກພ້າວແກ່ ເພື່ອຂູດເອົາເນື້ອໝາກພ້າວແກ່ ຂົ້ວໃຫ້ເຫຼືອ ໂຮຍເກືອໃສ່ເລັກນ້ອຍແທນການດື່ມນໍ້າໝາກພ້າວ ກິນຄັ້ງລະ 1 ບ່ວງແກງ, ມື້ລະ 3 ຄັ້ງ ເຊົ້າ ສວາຍ ແລະ ແລງ ຕິດຕໍ່ກັນ 10 ມື້, ຈະຊ່ວຍໃຫ້ລະດັບນໍ້າຕານໃນເລືອດຫຼຸດລົງໄດ້ດີ

3 ມີສານອາຫານທີ່ຮ່າງກາຍດູດຊືມໄດ້ທັນທີ ຫຼາຍທ່ານອາດຈະຮູ້ກັນດີວ່າໃນເນື້ອໝາກພ້າວ ແລະ ນໍ້າມັນໝາກພ້າວນັ້ນອຸດົມໄປດ້ວຍແຮ່ທາດ ແລະ ວິຕາມິນ ຊະນິດຕ່າງໆ ທີ່ຈໍາເປັນຕໍ່ຮ່າງກາຍຢູ່ຫຼາຍຊະນິດເຊັ່ນ ທາດເຫຼັກ, ໂພເທັດຊຽມ, ຟອດຟໍຣັດ, ແມັກນີຊ້ຽມ, ເຄວຊຽມ, ກາດອະມິໂນ, ວິຕາມິນ ແລະ ວິຕາມິນຊີ ລວມທັງໄຂມັນທີ່ເປັນປະໂຫຍດຕໍ່ຮ່າງກາຍ ເຊິ່ງອາຫານຈໍາພວກນີ້ຢູ່ໃນກຸ່ມຂອງສານອາຫານທີ່ຮ່າງກາຍສາມາດດູດຊືມໄປໃຊ້ໄດ້ທັນທີນັ້ນເອງ

4 ຊ່ວຍໃຫ້ຜິວພັນເບິ່ງສົດຊື່ນສົດໃສ ສາວໆໜຸ່ມໆຄົນໃດທີ່ຕ້ອງການບໍາລຸງຜິວພັນໃຫ້ເບິ່ງຄືສົດໃສຢ່າງເປັນທໍາມະຊາດ ແນະນໍາໃຫ້ດື່ມນໍ້າໝາກພ້າວສົດເປັນປະຈໍາ ຈະສົ່ງຜົນໃຫ້ຜິວພັນສົດໃສຫຼາຍຂຶ້ນ ເນື່ອງຈາກຮໍໂມນເອສໂຕເຈນທີ່ຢູ່ໃນນໍ້າໝາກພ້າວນັ້ນມີສ່ວນສໍາຄັນໃນການສ້າງຄໍຣາເຈນ ແລະ ອິລາສຕິນ ເຊິ່ງຊ່ວຍໃຫເຜິວມີຄວາມຍືດຍຸ່ນ ແລະ ກະຊັບ ພ້ອມທັງຊະລໍຄວາມແກ່

5 ມີລິດເຢັນສາມາດດັບຮ້ອນໄດ້ ເຄີຍສັງເກດບໍ່ວ່າເມື່ອເຮົາດື່ມນໍ້າໝາກພ້າວເຂົ້າໄປແລ້ວ ຮ່າງກາຍຈະສົດຊື່ນ ນັ້ນເປັນເພາະເຄື່ອງດື່ມຊະນິດນີ້ມີລິດເຢັນ ແລະ ຊ່ວຍດັບຮ້ອນໄດ້ດີ ດັ່ງນັ້ນມື້ໃດທີ່ອາກາດຮ້ອນໆ ແນະນໍ້າ ນໍ້າໝາກພ້າວສົດເດີ້ຫຼັງຈາກຮູ້ແບບນີ້ແລ້ວ ປ່ຽນຈາກນໍ້າອື່ນ ມາຫິນນໍ້າໝາກພ້າວເພື່ອຮ່າງກາຍ ແລະ ສຸຂະພາບທີ່ດີເລີຍທຸກຄົນ.

About admin

Check Also

ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ•

😱ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ •ເຊິ່ງທາງເຟສບຸກຂອງ Phonthida Loy ໄດ້ແຊປະສົບການຕົນເອງວ່າ: ຫາກະເຄີຍເຈີກັບໂຕເອງ ຍ້ອນກິນທ້ອມທຸກມື້ ຍ້ອນວ່າຢາກນອນຫລັບ ກິນເບຍໃສ່ຍາມໃດຕ້ອງອັດທ້ອມໃສ່ ຫມູ່ຄູ່ຮູ້ດີ ມາມື້ນີ້ ຂ້ອຍຄິດວ່າຂ້ອຍຊີເຊົາກິນ ເພາະມີອາການ ເມື່ອຍ …

Leave a Reply

Your email address will not be published. Required fields are marked *