Breaking News

ສະຖານທູດຣັດເຊຍ ປະຈໍາລາວຖະແຫລງກ່ຽວກັບສະພາບການໃນຢູເຄຣນ

ວັນທີ 11 ເມສາ 2022 ນີ້, ຢູ່ທີ່ສູນວິທະຍາສາດ ແລະ ວັດທະນະທໍາ ສ ຣັດເຊຍ ປະຈໍາ ສປປ ລາວ, ທ່ານ ດານິລ ອາ ໂວໂດປີອານອບ ເລຂານຸການຕີ ປະຈຳສະຖານທູດ ສ ຣັດເຊຍ ປະຈຳ ສປປ ລາວ

ໄດ້ຖະແຫລງກ່ຽວກັບສະພາບການໃນປະເທດອູແກຣນ ເຊິ່ງປັດຈຸດບັນກໍາລັງປະກອບອາວຸດຂອງຣັດເຊຍ ໄດ້ສືບຕໍ່ດໍາເນີນການເຄື່ອນໄຫວພິເສດທາງການທະຫານ ຢູ່ອູແກຣນ, ກອງທັບຣັດເຊຍ ກໍາລັງເຮັດທຸກສິ່ງທຸກຢ່າງເພື່ອຫລີກເວັ້ນບໍ່ໃຫ້ຜົນລະເຮືອນເສຍຊີວິດ

ໂດຍຈະບໍ່ໄດ້ໂຈມຕີເປົ້າໝາຍທີ່ເປັນພົນລະເຮືອນ ຄະນະດຽວກັນຍັງເປີດແລວທາງດ້ານມະນຸດສະທໍາປະຈໍາວັນ ເພື່ອໃຫ້ປະຊາຊົນສາມາດອອກຈາກພື້ນທີ່ອັນຕະລາຍ.

ທ່ານ ດານິລ ອາ ໂວໂດປີອານອບ ໄດ້ໃຫ້ຮູ້ອີກວ່າ: ປັດຈຸບັນ ກຸ່ມຊາດນິຍົມອູແກຣນ ກໍາລັງນໍາໃຊ້ການກະຕຸ້ນ, ການເຜີຍແຜ່ຂ່າວທີ່ບໍ່ມີມູນຄວາມຈິງ ເປັນເຄື່ອງມືເພື່ອກ່າວຫາຣັດເຊຍ ໃນການກໍ່ອາຊະຍາກຳສົງຄາມ, ກຸ່ມຊາດນິຍົມອູແກຣນ

ຍັງສືບຕໍ່ກະທໍາຜິດຕໍ່ທັງພົນລະເມືອງຂອງຕົນເອງ ແລະ ສະເລີຍເສິກ ໂດຍແຜ່ຂ່າວປອມທີ່ໂຫດຮ້າຍ ເຫລົ່ານີ້ວ່າເປັນການກະທໍາຂອງຣັດເຊຍ.ຢ່າງໃດກໍຕາມ, ນັບຕັ້ງແຕ່ການເຄື່ອນໄຫວພິເສດທາງການທະຫານ ມີຜູ້ອົບພະ ຍົບໄປຍັງຣັດເຊຍ 620 ພັນກວ່າຄົນ, ໃນນັ້ນມີເດັກນ້ອຍ 122 ພັນກວ່າຄົນ.

ໃນຈຳນວນຜູ້ອົບພະຍົບນັ້ນ ມີພົນລະເມືອງຕ່າງປະເທດ 9.274 ຄົນທີ່ມາຈາກ 45 ປະ ເທດ, ນັບແຕ່ວັນທີ 2 ມີນານີ້, ສະຫະພັນຣັດເຊຍ ໄດ້ສົ່ງສິນຄ້າມະນຸດສະທໍາຫລາຍກວ່າ 8,5 ພັນໂຕນ ໄປຍັງອູແກຣນ ແລະ ໄດ້ດໍາເນີນການດ້ານມະນຸດສະທໍາຢ່າງໜ້ອຍ 757 ຄັ້ງ.

ທ່ານ ດານິລ ອາ ໂວໂດປີອານອບ ໄດ້ກ່າວອີກວ່າ: ການເຄື່ອນໄຫວພິເສດທາງການທະຫານຂອງ ຣັດເຊຍ ພວມດໍາເນີນຢູ່ໃນອູແກຣນ ບໍ່ພຽງແຕ່ເພື່ອຢຸດຕິການປະທະກັນທີ່ແກ່ຍາວຢູ່ ດອນບັດ(Donbass) ເທົ່ານັ້ນ, ຫາກຍັງເພື່ອຮັບປະກັນວ່າ ບັນດາກຸ່ມ ນາຊີໃໝ່ ຂອງອູແກຣນ ຈະບໍ່ສາມາດມີອິດທິພົນຕໍ່ຂະບວນການຕັດສິນໃຈໃນປະເທດ.

ພວກເຮົາສັງເກດວ່າວຽກງານ ຕົ້ນຕໍຂອງການເຄື່ອນໄຫວພິເສດຈະສໍາເລັດ, ພ້ອມກັນນັ້ນ, ຣັດເຊຍ ຈະສືບຕໍ່ເຮັດຈົນສຸດຄວາມສາມາດ ເພື່ອກອບກູ້ຊີວິດຂອງພົນລະເຮືອນ.

ທີ່ມາ: ສຳນັກຂ່າວສານປະເທດລາວ

About admin

Check Also

ຖ້າຮ້ານໃດລະເມີດ ຈະຖືກປັບໄໝ ຕາມກົດໝາຍ

ເມືອງບໍລິຄັນ ອອກແຈ້ງການ ເຖິງ: ບັນດາ ຮ້ານອາຫານ, ກິນດື່ມ, ຄາລາໂອເກະ ແລະ ຮ້ານບັນເທີງ ໃນກຸ່ມບ້ານເທດສະບານ, ຫ້ວຍ – ຄູນ, ຜາເມືອງ, ນາກຸນແລະພູຄໍາຊາບ. …

Leave a Reply

Your email address will not be published.