ຊ່ວຍໄລ້ຊ່ວຍແຊຣເພື່ອເປັນກຳລັງໃຈໃນການສ້າງຄວາມດີ

#ຊ່ວຍໄລ້ຊ່ວຍແຊຣເພື່ອເປັນກຳລັງໃຈໃນການສ້າງຄວາມດີ.+ ວັນທີ 25 ເດືອນ ທັນວາ 2020+ ພາລະກິດສຳເລັດເສັດສີ້ນໄປດ້ວຍດີ ກັບ ການນຳເຄື່ອງມາມອບເພື່ອຕ້ານໄພໜາວ ຈາກນະຄອນຫຼວງວຽງຈັນ ມາມອບໃຫ້ກັບພໍ່-ແມ່ ປະຊົນຊົນ ແລະ ນ້ອງໆນັກຮຽນພ້ອມດ້ວຍຄູອາຈານ ບ້ານເມືອງຢອງ ແລະ ບ້ານຫວ້ຍຄົງ ເມືອງຊຳເໜືອ ແຂວງຫົວພັນ. ໃນ

ໂອກາດນີ້ທາງສະມາຄົມຊ່ວຍເຫຼືອ ແລະ ບັນເທົາທຸກ ນະຄອນຫຼວງວຽງຈັນ ຕ້ອງຂໍຂອບໃຈມາຍັງທ່ານຜູ້ທີ່ບໍລິຈາກ. ບໍ່ວ່າຈະເປັນການສົມທົບດ້ານຄ່າຕ່າງໆ, ເຂົ້າສານອາຫານແຫ້ງ, ເຄື່ອງນຸ່ງຮົ່ມທັງມື1 ແລະ ມືສອງ, ອຸປະກອນການສຶກສາ, ເກີບ, ຖົງຕີນ, ເຄື່ອງຫຼີ້ນເດັກນ້ອຍ, ເຂົ້າໜົມ ແລະ ນົມ.

ພ້ອມນັ້ນກໍ່ຍັງມີອີກຫຼາຍໆຢ່າງຂອງຜູ້ໃຈບຸນທີ່ສັງເກດໄດ້ຈາກຮູບພາບທີ່ທາງເຮົານຳມາມອບໃຫ້ກັບພໍ່ແມ່ປະຊາຊົນ ແລະ ນ້ອງນັກຮຽນໃນຄັ້ງນີ້ມີຈຳນວນ02ບ້ານ. 1./ ບ້ານເມືອງຢອງມີ 54ຫຼັງຄາເຮືອນ,ພົນລະເມືອງທັງໝົດ 365ຄົນ. 2./ ບ້ານຫ້ວຍຄົງມີ 84ຫຼັງຄາເຮືອນ,ມີພົນລະເມືອງທັງໝົດ 474ຄົນ. 3./ ໂຮງຮຽນປະຖົມສົມບູນ ບ້ານເມືອງຢອງ+ບ້ານຫ້ວຍຄົງມີນັກຮຽນ115ຄົນ,ມີຄູສອນ6ຄົນ.

ທາງເຮົາແມ່ນໄດ້ມອບໃຫ້ດ້ວຍມືຂອງເຮົາເອງ ແລະ ເພິ່ນກໍ່ຮັບເອົາດ້ວຍຄວາມດີອົກດີໃຈ ທີ່ພໍ່ແມ່ພີ່ນ້ອງທາງວຽງຈັນ ແລະ ທົ່ວສັງຄົມໄດ້ໂຮມໃຈກັນ ແລະ ຊ່ວຍສົມທົບກັນຈົນເຮັດໃຫ້ເລື່ອງດີໆແບບນີ້ເກີດຂື້ນ. ນອກນັ້ນກໍ່ຂໍຂອບໃຈມາຍັງການອົງການຈັດຕັ້ງພັກ-ລັດ ກໍຄືທາງອຳນາດການປົກຄອງເມືອງຊຳເໜືອ ແຂວງຫົວພັນ ທີ່ໄດ້ມອບໃບຍ້ອງຍໍ ເພື່ອເປັນຫຼັກໝັ້ນ ແລະ ຂອບໃຈມາຍັງພວກເຮົາ.

ທີ່ຂາດໄປບໍ່ໄດ້ກໍຄືປະຊາຊົນສອງໝູ່ບ້ານທີ່ຕ້ອນຮັບທາງທີມງານເຮົາເປັນຢ່າງດີ ແລະ ເພິ່ນຍັງໄດ້ຈັດງານບາສີສູ່ຂ້ວນ ແລະ ລ້ຽງເຂົ້າສາມັກຄີອີກດ້ວຍ. ຂໍຂອບໃຈດ້ວຍໃຈຈິງ. ສຸດທ້າຍນີ້ ຂໍອວຍພອນໄຊໃຫ້ທ່ານຜູ້ໃຈບຸນທັງຫຼາຍທີ່ໄດ້ສົມທົບກັນຈົນເຮັດໃຫ້ກິດຈະກຳດີດີແບບນີ້ເກີດຂື້ນ ຈົ່ງມີຄວາມສຸກຄວາມຈະເລີນ.

ສຸຂະພາບແຂງແຮງ ຄອບຄົວຢູ່ດີມີແຮງປາສະຈາກໂລກໄພໄຂ້ເຈັບຕ່າງ ມີໂຊກລາບຂ້າຂາຍລ່ຳລວຍ ທຸລະກິດການງານຈະເລີນກ້າວໜ້າ ຍິ່ງໆຂື້ນ ແລະ ຕະຫຼອດໄປ.ສາທຸ….

+ ສະມາຄົມຊ່ວຍເຫຼືອ ແລະ ບັນເທົາທຸກ ນະຄອນຫຼວງວຽງຈັນ. 🙏🙏🙏🙏🙏🙏❤❤❤❤❤🙏🙏🙏🙏🙏🙏.

About admin

Check Also

ຕົວະໃຫ້ເຂົາໂອນເງິນແລ້ວ ບໍ່ໃຫ້ວີແຊັດ

❌❌ເຕືອນໄພ ຄົນບໍ່ດີຊອກໂກງເອົາເງິນຄົນອຶ່ນ❌❌ ເງິນ 3 ແສນ ຍັງບໍ່ມີປັນຍາຫາເອງນໍ ເຊື່ອໃຈບໍ່ໄດ້ແທ້ໆ ເຄີຍຊື້ຂາຍວີແຊທນຳກັນມາຫຼາຍໄອດີແລ້ວ ບໍ່ຄິດວ່າຈະເປັນຄົນຊົ່ວບໍ່ມີຄວາມຮັບຜິດຊອບແບບນີ້. ❌❌ເຕືອນເພື່ອບໍ່ໃຫ້ຄົນອຶ່ນຕົກເປັນເຫຍື້ອອີກ❌❌ #ໃພຮູ້ເຫັນວ່າລາວຢູ່ໃສຊ່ວຍແຈ້ງບອກແດ່ ທີ່ມາ

Leave a Reply

Your email address will not be published.