Breaking News

ເຈົ້າໜ້າທີ່ຕັ້ງ 8 ດ່ານ ແລະ 60 ປ້ອມຍາມຢູ່ນະຄອນຫລວງວຽງຈັນໃນໄລຍະປີໃໝ່ລາວ

ພະແນກຕໍາຫລວດຈະລາຈອນນະຄອນຫລວງວຽງຈັນ ນໍາໃຊ້ກໍາລັງ 529 ຄົນ ເພື່ອປະຕິ ບັດໜ້າທີ່ເຄື່ອນໄຫວລົງກວດກາບັງຄັບໃຊ້ກົດໝາຍ ແລະ ລະບຽບການຈະລາຈອນທາງບົດຢູ່ນະຄອນ ຫລວງວຽງຈັນ ໃນໄລຍະບຸນປີໃໝ່ລາວ ພສ 2565 ເພື່ອແນໃສ່ປ້ອງກັນອຸບັດຕິເຫດທີ່ອາດຈະເກີດຂຶ້ນ.

ພັທ ຈັນທະບູນ ມະນີວົງ, ຮອງຫົວໜ້າຫ້ອງຕໍາຫລວດ, ຜູ້ຊີ້ນໍາວຽກງານຈະລາຈອນ, ພະແນກຄວບຄຸມກ້ອງວົງຈອນປິດ ແລະ ພະແນກມອດໄຟນະຄອນຫລວງວຽງຈັນ ໃຫ້ສໍາພາດຕໍ່ສື່ມວນຊົນໃນຕອນເຊົ້າວັນທີ 11 ເມສາ 2022 ວ່າ: ເພື່ອເຄື່ອນໄຫວລົງກວດກາບັງຄັບໃຊ້ກົດໝາຍ ແລະ ລະບຽບການກ່ຽວກັບການຈະລາຈອນທາງບົກຢູ່ນະຄອນ ຫລວງວຽງຈັນ ໃນໄລຍະບຸນປີໃໝ່ລາວ ພສ 2565, ຫ້ອງຕໍາຫລວດ ໄດ້ມອບໃຫ້ພະແນກຕໍາຫລວດຈະລາຈອນນະ ຄອນຫລວງວຽງຈັນ ສົມທົບກັບຈະລາຈອນ 9 ຕົວເມືອງ ມີກໍາລັງທັງໝົດ 529 ຄົນ ລົງປະຈໍາຕັ້ງດ່ານຢູ່ບັນດາເສັ້ນ ທາງສໍາຄັນ ມີ 8 ດ່ານ, ຕາມວັດວາອາຮາມ 9 ຈຸດ ແລະ ປະຈໍາປ້ອງຍາມທັງ ໝົດ 60 ປ້ອມ. ນອກຈາກນີ້ ໄດ້ແບ່ງອອກເປັນ 3 ຈຸ ເພື່ອສົມທົບກັບ 19 ສະຖານີ 1191 ຢູ່ໃນນະຄອນຫລວງວຽງຈັນ ເຄື່ອນໄຫວກວດກາລາດຕະເວນຢູ່ຕາມເສັ້ນທາງຕ່າງໆ ທັງກາງເວັນ ແລະ ກາງຄືນ ເພື່ອເຮັດໃຫ້ການສະເຫລີມສະຫລອງບຸນປີໃໝ່ລາວຢູ່ນະຄອນຫລວງວຽງຈັນ ປີນີ້ ຮັກສາໄດ້ຮີດຄອງປະເພນີອັນດີງາມຂອງຊາດ, ທັງຮັບປະກັນຄວາມເປັນລະບຽບຮຽບຮ້ອຍ ແລະ ເຮັດໃຫ້ການສັນຈອນໄປ-ມາ ມີຄວາມສະດວກສະບາຍ.

ສໍາລັບເຈົ້າໜ້າທີ່ຕໍາຫລວດຈະລາຈອນນະຄອນຫລວງວຽງຈັນ ໄດ້ເລີ່ມປະຈໍາຢູ່ຈຸດຕ່າງໆ ຕາມການມອບໝາຍໃນລະຫວ່າງວັນທີ 11-17 ເມສານີ້ ເຊີ່ງ ພັທ ຈັນທະບູນ ມະນີວົງ ຮຽກຮ້ອງໃຫ້ຜູ້ນໍາໃຊ້ລົດໃຊ້ຖະໜົນພາຍໃນນະຄອນ ຫລວງວຽງຈັນ ເອົາໃຈໃສ່ປະຕິບັດຕາມກົດໝາຍຈະລາຈອນ ກໍຄື ລະບຽບການ ແລະ ການແນະນໍາຂອງເຈົ້າໜ້າທີ່ກ່ຽວ ຂ້ອງຢ່າງເຂັ້ມງວດ ແລະ ມີສະຕິທຸກຄົນໃນການຂັບຂີ່ ເພື່ອແນໃສ່ປ້ອງກັນສະພາບອຸບັດຕິເຫດທີ່ອາດຈະເກີດຂຶ້ນຕາມທ້ອງຖະໜົນໃນໄລຍະສະເຫລີມສະຫລອງຕ້ອນຮັບປີໃໝ່ລາວ ພສ 2565 ເຊີ່ງຈະນໍາໄປສູ່ການສູນເສຍຊີ ວິດ ແລະ ຊັບສິນຢ່າງຫລວງຫລາຍ.

ສໍາລັບອຸບັດຕິເຫດທີ່ເກີດຂຶ້ນຢູ່ນະຄອນຫຼວງວຽງຈັນ ໃນໄລຍະການສະເຫຼີມສະຫຼອງບຸນປີໃໝ່ລາວ ພສ 2564 ນັບແຕ່ວັນທີ 14-16 ເມສາ 2021 ຜ່ານມາ ມີທັງໝົດ 18 ກໍລະນີ, ມີຜູ້ເສຍຊີວິດຈຳນວນ 8 ຄົນ, ຍິງ 1 ຄົນ, ເມືອງທີ່ເກີດຫຼາຍກວ່າໝູ່ແມ່ນ ເມືອງສີໂຄດຕະບອງ ແລະ ເມືອງໄຊທານີ, ເກີດຂຶ້ນເມືອງລະ 5 ກໍລະ ນີ.

About admin

Check Also

ໃຜໃຈບຸນຊ່ວຍພໍ່ຕູ້ແນ່!.. ຫນາວຫລາຍ!. ພໍ່ຕູ້ບໍ່ມີເສື້ອກັນຫນາວນຸ່ງ..​ທັງບໍ່ສະບາຍແດ່..​

ພໍ່ແມ່ສາມາດລ້ຽງໃຫ້ລູກສະບາຍໄດ້.ແຕ່ລູກບໍ່ສາມາດລ້ຽງພໍ່ໄດ້..​ໃຜຢາກຊວຍເຫລືອພໍ່ເຖົ້າຊື້ເສື້ອກັນໜາວສາມາດຊວຍ ເພີ່ນໄດ້ເດີ ຍາມນີ້ແຮງໜາວ ເຫັນແລ້ວຫົດຫູ່ໃຈ ແຕ່ລູກເປັນຫັຍງລ້ຽງພໍ່ບໍໄດ້ເສົ້າໃຈເດ..​ຄືປະໃຫ້ເພີ່ນເປັນແບບນີ້ ພໍ່ເຖົ້າເພີ່ນໄດ້110ປີ ແລ້ວ ປວຍຢູ່ຄົນດງວຂອງຢູ່ຂອງກີນກໍບໍມີ ເງີນກໍບໍມີເລີຍ ພໍເຖົ້າເພີ່ນຢູ່ວັງວຽງ ໃຜມີນ້ຳຈິດນຳ້ໃຈ ຊ່ວຍເຫລືອ ເພີ່ນຜູ້ລະ5-10ແນ່ ອີ່ຕົນແນ່😪😪 ເພີ່ນປ່ວຍເງີນຊື້ຢາກໍບໍມີ …

Leave a Reply

Your email address will not be published. Required fields are marked *