Breaking News

ຣັດເຊຍຈະສະແຫວງຫາວິທີທີ່ເຮັດໃຫ້ຖານະເຈົ້າອຳນາດຂອງອາເມຣິກາສິ້ນສຸດລົງ

ຣັດເຊຍຈະສະແຫວງຫາວິທີທີ່ເຮັດໃຫ້ຖານະເຈົ້າອຳນາດຂອງອາເມຣິກາສິ້ນສຸດລົງ

ເວັບໄຊ“ໂທລະພາບຣັດເຊຍວັນນີ້” ໄດ້ລາຍງານວ່າ, ຫວ່າງມໍ່ໆມານີ້,ໃນເວລາໃຫ້ສຳພາດຕໍ່ສື່ມວນຊົນຣັດເຊຍ, ທ່ານເຊີເກ ລັຟລົຟ ລັດຖະມົນຕີກະຊວງການຕ່າງປະເທດຣັດເຊຍກ່າວວ່າ, ການປະຕິບັດການພິເສດທາງການທະຫານຂອງຣັດເຊຍມີຈຸດປະສົງເຮັດໃຫ້“ລະບຽບຂອງໂລກ”

ທີ່ນຳໂດຍອາເມຣິການັ້ນສິ້ນສຸດລົງ,ທ່ານຊີ້ອອກວ່າ,ອາເມຣິກາໄດ້ສະແຫວງຫາການເປັນເຈົ້າອຳນາດມາໂດຍຕະຫຼອດໂດຍຜ່ານການປະຕິບັດຕາມອັນທີ່ເອີ້ນວ່າ “ກະຕິກາພິເສດ” ແລະ ລະເມີດກົດໝາຍສາກົນ.

ທ່ານລັຟລົຟກ່າວວ່າ,ການປະຕິບັດການພິເສດທາງການທະຫານຂອງຣັດເຊຍແມ່ນເພື່ອເຮັດໃຫ້ແຜນການທີ່ນາໂຕຂະຫຍາຍອິດທິພົນສູ່ທິດຕາເວັນອອກຕາມໃຈມັກນັ້ນສິ້ນສຸດລົງແລະ ເຮັດໃຫ້ອາເມຣິກາແລະ ປະເທດຕາເວັນຕົກທີ່ຄອບຄອງ “ຖານະເຈົ້າອຳນາດ” ໃນເວທີສາກົນຕາມລຳພັງໃຈນັ້ນສິ້ນສຸດລົງເຊັ່ນກັນ.

ທ່ານລັຟລົຟກ່າວຕື່ມວ່າ, ອັນທີ່ເອີ້ນວ່າ “ຖານະເຈົ້າອຳນາດ”ແມ່ນສ້າງຂຶ້ນບົນພື້ນຖານການລະເມີດກົດໝາຍສາກົນຢ່າງຮ້າຍແຮງ,ຣັດເຊຍແມ່ນໜຶ່ງໃນປະເທດທີ່ບໍ່ຍອມຕໍ່ຄວາມທະເຍີທະຍານຂອງອາເມຣິກາ,

ຣັດເຊຍແມ່ນພາກສ່ວນໜຶ່ງຂອງປະຊາຄົມໂລກທີ່ມີຄວາມສະເໝີພາບກັນ,ບໍ່ອະນຸຍາດໃຫ້ປະເທດຕາເວັນຕົກເບິ່ງຂ້າມຜົນປະໂຫຍດດ້ານຄວາມໝັ້ນຄົງທີ່ສົມເຫດສົມຜົນຂອງຣັດເຊຍ.

ທີ່ມາ: CRI

About admin

Check Also

ແຊ໌ເຕືອນໄພສັງຄົມ ນັບມື້ນັບປ່າເຖື່ອນ ຢູ່ຍາກອີ່ຫລີ🥹ຢາກໃຫ້ທຸກຄົນມີສະຕິລະວັງຕົວກັນໃຫ້ຫຼາຍກວ່ານີ້

📣 ເຕືອນໄພສັງຄົມ ນັບມື້ນັບປ່າເຖື່ອນ ຢູ່ຍາກອີ່ຫລີ🥹ຢາກໃຫ້ທຸກຄົນມີສະຕິລະວັງຕົວກັນໃຫ້ຫຼາຍກວ່ານີ້ ຂ້ອຍກະສຸດທີ່ແຕ່ຈະລະວັງແລ້ວ ເພາະເປັນຊ່ວງທີ່ຈະຮັບໃບປະກາດຄິດຢ້ານກັບເຫດການຫຼາຍໆຢ່າງ ຍັງມີເລື່ອງແບບນີ້ເກີດຂື້ນກັບໂຕເອງ . ຈັ່ງແມ່ນມຶງກ້າຄົນຫຼວງຄົນຫຼາຍຍັງບໍ່ຄິດຢ້ານ ສະຖານທີ່ແບບນີ້ຍັງບໍ່ເວັ້ນ ທີ່ເຫັນໃນວີດີໂອແມ່ນຂ້ອຍໄດ້ໄປຊື້ເຄື່ອງໃນຮ້ານມາແລ້ວກຳລັງຊິບໍລິຈາກຊ່ວຍເຫຼືອໄພນ້ຳຖ້ວມ ແຕ່ບຸກຄົນນີ້ໄດ້ພະຍາຍາມເຂົ້າມາລວນລາມຂ້ອຍຈາກທາງຫລັງໂດຍທີ່ບໍ່ທັນຕັ້ງໂຕ 😤 ຄລິບ ດີແຕ່ມັນບໍ່ໄດ້ຖືຂອງມີຄົມມາ …

Leave a Reply

Your email address will not be published.